Batukamma Celebrations: యూఏఈలో ఘనంగా బతుకమ్మ వేడుకలు

అబుదాబి: యూఏఈ ఇండియన్ పీపుల్ ఫోరం తెలంగాణ కౌన్సిల్ అధ్యక్షుడు కుంబల మహేందర్ రెడ్డి  ఆధ్వర్యంలో అజ్మన్ మైత్రి  ఫామ్‌లో బతుకమ్మ వేడుకలను ఘనంగా నిర్వహించారు. తెలంగాణ ఓబీసీ ప్రధాన కార్యదర్శి శ్రీకాంత్‌ గౌడ్‌ ఈ కార్యక్రమానికి ముఖ్య అతిథిగా విచ్చేసి జ్యోతి ప్రజ్వలన చేశారు. అనంతరం మహిళలు, చిన్నారులు సంప్రదాయ దుస్తుల్లో బతుకమ్మ ఆడారు. యూఏఈలోని వివిధ ప్రాంతాల నుంచి వచ్చిన వారంతా ఒక చోట చేరి ఆహ్లాదంగా గడిపారు. ఆ తర్వాత బతుకమ్మ వేడుకల్లో పాల్గొన్న వారందరికీ నిర్వాహకులు బహుమతులు అందజేశారు. వేడుకలు పూర్తయిన తర్వాత బతుకమ్మలను నిమజ్జనం చేశారు. అందరూ కలిసి భోజనాలు చేశారు. ఈ కార్యక్రమంలో ఇండియన్ పీపుల్‌ ఫోరం సెంట్రల్ కమిటీ ప్రధాన కార్యదర్శి రంజిత్, ప్రదీప్, శివకుమార్, శరత్ గౌడ్, నవనీత్, అశోక్, హరీష్, దశరథన్ తదితరులు పాల్గొన్నారు.