Waltair Veerayya: బే ఏరియాలో మెగా అభిమానుల సందడి

ఇంటర్నెట్‌డెస్క్‌: ‘వీర సింహారెడ్డి’ (Veera Simha Reddy), ‘వాల్తేరు వీరయ్య’ (Waltair Veerayya) చిత్రాలతో తెలుగువారికి సంక్రాంతి పండుగ రెండు రోజులు ముందు నుంచే మొదలైంది. తెలుగు రాష్ట్రాల్లోనే కాకుండా విదేశాల్లోనూ తమ హీరో చిత్రాన్ని చూసేందుకు అభిమానులు థియేటర్ల వద్ద బారులు తీరుతున్నారు. చిరంజీవి (Chiranjeevi) నటించిన మాస్‌ యాక్షన్‌ ఎంటర్‌టైనర్‌ ‘వాల్తేరు వీరయ్య’ రిలీజ్‌ను పురస్కరించుకుని అమెరికాలోని బే ఏరియాలో సందడి వాతావరణం నెలకొంది. CineMax 4K థియేటర్‌ వద్ద మెగా అభిమానులు సందడి చేశారు. చిరు కటౌట్లకు పాలాభిషేకాలు చేశారు. మెగా అభిమానులు వీరబాబు ప్రత్తిపాటి, మురళి గొడవర్తి, రమణ్ సంచుల, శివ మొలబంతి, రెడ్డయ్య ప్రత్తిపాటి, కిరణ్ ఎనుగుంతల, అనిల్ అరిగె, సునీల్ పసుపులేటి, కిరణ్ విన్నకోట, దుర్గా పెద్దిరెడ్డి, చరణ్ కనపర్తి, రాజా సింహాద్రి, మూర్తి పిట్టా, సత్య యలమంచిలి ఆధ్వర్యంలో ఈ సంబరాలు జరిగాయి. CineMax 4K  మేనేజింగ్ పార్ట్నర్‌ మోహన్ సుగ్గల ఈ కార్యక్రమానికి విచ్చేసిన మెగా అభిమానులకు అభినందనలు తెలియజేశారు.