టాంజానియాలో బోనాలు

తెలంగాణ సాంస్కృతిక సంఘం ఆధ్వర్యంలో నిర్వహణ

ఈనాడు, హైదరాబాద్‌ : టాంజానియాలోని దార్‌-ఎస్‌-సలాం నగరంలో తెలంగాణ సాంస్కృతిక సంఘం ఆధ్వర్యంలో మంగళవారం ఘనంగా బోనాలు జరిగాయి. దాదాపు వెయ్యి మందికి పైగా తెలంగాణ ప్రవాస కుటుంబాల మహిళలు ఈ ఉత్సవాల్లో పాల్గొన్నారు. ఈ సందర్భంగా అమ్మవార్లకు బోనాలు సమర్పించి మొక్కును చెల్లించుకున్నారు. తెలంగాణ సంస్కృతి, సంప్రదాయాలను తెలియజేసేందుకు ఏటా ఉత్సవాలు నిర్వహిస్తున్నామని తెలంగాణ సాంస్కృతిక సంఘం సలహాదారు వంగ నరసింహారెడ్డి ఈ సందర్భంగా తెలిపారు. సంతోష్‌రెడ్డి, సురేందర్‌, మోహన్‌రెడ్డి, మధురెడ్డి, చారి, ఆశ్రిత్‌ సైదులు, కుశల్‌, ప్రణీత్‌ రెడ్డి, వెంకటేశ్‌, రాజేశ్‌, సురేశ్‌, రాజు కనిష్క్‌, శేషు, సుమీధ్‌ తదితరులు ఉత్సవాల్లో పాల్గొన్నారు.