వాషింగ్టన్‌లో ప్రవాసాంధ్రుల స్వాతంత్య్ర సంబరాలు

వాషింగ్టన్‌: గ్రేటర్‌ వాషింగ్టన్‌ తెలుగు సాంస్కృతిక సంఘం (జీడబ్ల్యూటీసీఎస్‌) ఆధ్వర్యంలో అమెరికాలోని వాషింగ్టన్‌ డీసీలో స్వాతంత్య్ర వేడుకలను ఘనంగా నిర్వహించారు. తెదేపా ఎమ్మెల్యే గోరంట్ల బుచ్చయ్యచౌదరి మాట్లాడుతూ.. ఆజాదీ కా అమృత్‌ మహోత్సవాలను అమెరికాలోనూ నిర్వహించడం గర్వంగా ఉందన్నారు. అనంతరం జాతీయ జెండా ఎగురవేసి ప్రదర్శన నిర్వహించారు. సాంస్కృతిక కార్యక్రమాలు, క్రీడా పోటీల్లో ప్రవాసాంధ్రులు ఉత్సాహంగా పాల్గొన్నారు. జీడబ్ల్యూటీసీఎస్‌ అధ్యక్షురాలు సాయిసుధ పాలడుగు, తానా మాజీ అధ్యక్షుడు సతీశ్‌ వేమన, గుంటూరు మిర్చి యార్డు మాజీ ఛైర్మన్‌ మన్నవ సుబ్బారావు, భారత రాయబార కార్యాలయ కౌన్సిలర్‌ అన్షుల్‌ శర్మ, భాను మాగులూరి పాల్గొన్నారు.