NRI TDP: ఆస్టిన్‌లో ఘనంగా ఎన్టీఆర్‌ శత జయంతి, మినీ మహానాడు

జయరాం కోమటి ఆధ్వర్యంలో విజయవంతం

ఇంటర్నెట్‌డెస్క్‌: అమెరికాలోని ఆస్టిన్‌లో తెదేపా వ్యవస్థాపకుడు ఎన్టీఆర్‌ శతజయంతి ఉత్సవాల్లో భాగంగా 10వ మినీ మహానాడును ఘనంగా నిర్వహించారు. తెదేపా ఎన్‌ఆర్‌ఐ యూఎస్‌ఏ కోఆర్డినేటర్‌ జయరాం కోమటి అధ్యక్షతన ఈ కార్యక్రమాన్ని నిర్వహించారు. తొలుత జ్యోతి ప్రజ్వలన చేసి ఎన్టీఆర్‌ చిత్రపటానికి పూలమాలలు వేసి నివాళులర్పించారు. 

ఎన్టీఆర్‌ తెదేపాను స్థాపించి చేపట్టిన కార్యక్రమాలు, అధికారంలోకి వచ్చాక తీసుకున్న నిర్ణయాలను గుర్తుచేసుకున్నారు. ఆయన ఆశయసాధనకు చేపట్టాలసిన కార్యక్రమాలను యువతకు నేతలు వివరించారు. ఈ సందర్భంగా జయరాం కోమటి మాట్లాడుతూ వైకాపా ప్రభుత్వం ఏపీని ఎలా దివాళా తీయించిందో చెప్పారు. తెదేపా ప్రభుత్వం అధికారంలోకి రావాల్సిన ఆవశ్యకతను ఆయన వివరించారు. అనంతరం ఎన్టీఆర్‌ చిత్రాల్లోని పాటలతో పాటు అనేక సాంస్కృతిక కార్యక్రమాలతో యువత, చిన్నారులు అలరించారు. ఈ కార్యక్రమంలో పెద్ద ఎత్తున ప్రవాసాంధ్రులు పాల్గొన్నారు.