ప్ర‌వాసుల కోసం ‘స్వ‌దేశం’ సేవ‌లు ప్రారంభం

హైదరాబాద్‌: ప్రవాస భారతీయుల కోసం రూపొందించిన ‘స్వదేశం’ (swadesam) సేవలు ప్రారంభమయ్యాయి. ప్రవాస భారతీయుల దినోత్సవాన్ని పురస్కరించుకుని మ‌హారాష్ట్ర మాజీ గ‌వ‌ర్న‌ర్ చెన్న‌మ‌నేని విద్యాసాగ‌ర్ రావు ‘స్వదేశం’ (www.swadesam.com) వెబ్‌సైట్‌ను ప్రారంభించారు. ఎన్‌ఆర్‌ఐలకు భారత్‌ నుంచి సేవ‌లు అందించేందుకు ఈ వెబ్‌సైట్‌ వార‌ధిగా మారడం అభినంద‌నీయ‌మ‌న్నారు. ప్ర‌వాస భార‌తీయుల‌కు నాణ్య‌మైన సేవ‌లు అందించాల‌ని సూచించారు. ఈ సందర్భంగా ‘స్వదేశం’ టీమ్‌ను అభినందించారు. ఎన్‌ఆర్‌ఐలు ప్రపంచవ్యాప్తంగా తమకంటూ ప్రత్యేక గుర్తింపు తెచ్చుకున్నారని కొనియాడారు. అన్ని రంగాల్లోనూ ప్రవాస భారతీయులు రాణిస్తున్నారన్నారు. 

అనంత‌రం నిర్వహించిన వీడియో కాన్ఫరెన్స్‌లో ప‌లువురు ఎన్‌ఆర్‌ఐలు పాల్గొన్నారు. ఇండియా నుంచి త‌మ‌కు కావాల్సిన సేవ‌ల‌ను అందించేందుకు ‘స్వదేశం’ ప్రారంభ‌మ‌వడంపై వారు హ‌ర్షం వ్య‌క్తం చేశారు. ఈ కార్య‌క్ర‌మంలో ప్ర‌ముఖ ర‌చ‌యిత‌, ఎన్ఆర్‌ఐ వేణు న‌క్ష‌త్రం, ‘మీడియాబాస్’ సీఈవో స్వామి ముద్దం, ‘స్వ‌దేశం’ డైరెక్ట‌ర్ స్వాతి దేవినేని, అవంతిక‌, ప్ర‌వీణ్ దొడ్డ‌, అశోక్ ద‌య్యాల‌, బైరి వెంక‌టేశం, రాయ‌ల ల‌క్ష్మీన‌ర్స‌య్య, వికాశ్, సునీల్, ఎమ్‌ఎన్‌ఆర్‌ గుప్తా, ప్ర‌భాక‌ర్‌ తదితరులు పాల్గొన్నారు.