TANA: తానా మహాసభలు.. ఎంపీ జోగినపల్లికి ఆహ్వానం

హైదరాబాద్‌: అమెరికాలో జులై 7 నుంచి 9 వరకు ‘తానా’ మహాసభలు జరగనున్నాయి. ఫిలడెల్ఫియాలోని పెన్సిల్వేనియా కన్వెన్షన్‌ సెంటర్‌లో అట్టహాసంగా వీటిని నిర్వహించనున్నారు. ఈ మహాసభల్లో పాల్గొనేందుకు రావాలంటూ భారాస ఎంపీ జోగినపల్లి సంతోష్‌కుమార్‌ను తానా ప్రతినిధులు ఆహ్వానించారు. హైదరాబాద్‌లో ఎంపీని కలిసి ఆహ్వానపత్రిక అందజేశారు. దానితో పాటు ఆహ్వానం పలుకుతూ తానా అధ్యక్షులు లావు అంజయ్య చౌదరి రాసిన లేఖను అందించారు. ఈ సందర్భంగా ఎంపీ జోగినపల్లి ట్వీట్‌ చేస్తూ తనకు ఆహ్వానం పలికిన తానా సభ్యులకు ధన్యవాదాలు తెలిపారు. వారితో వివిధ అంశాలపై చర్చించినట్లు పేర్కొన్నారు.