మాదిగలకు కాంగ్రెస్‌ రెండు పార్లమెంట్‌ సీట్లు కేటాయించాలి

మోత్కుపల్లి నిరసన దీక్ష

అమీర్‌పేట, న్యూస్‌టుడే: పార్లమెంట్‌ ఎన్నికల్లో కాంగ్రెస్‌ మాదిగలకు రెండు సీట్లు కేటాయించాలని డిమాండ్‌ చేస్తూ మాజీ మంత్రి మోత్కుపల్లి నర్సింహులు హైదరాబాద్‌లో అమీర్‌పేట లీలానగర్‌లోని తన నివాసంలో గురువారం నిరసన దీక్ష చేపట్టారు. ఈ సందర్భంగా  ఆయన మాట్లాడుతూ.. 80 లక్షల మంది ఉన్న మాదిగలకు కాంగ్రెస్‌ ప్రభుత్వం ప్రస్తుత ఎన్నికల్లో ఒక్క సీటు కూడా కేటాయించకపోవడం బాధాకరమని ఆవేదన వ్యక్తం చేశారు. కాంగ్రెస్‌ మాదిగలను భూస్థాపితం చేయాలని చూస్తున్నట్లుందని ఆరోపించారు. ఈ విషయమై సీఎంను కలిసేందుకు ప్రయత్నిస్తే అపాయింట్‌మెంట్‌ దొరకడం లేదని ఆవేదన వ్యక్తం చేశారు. తనకు టికెట్‌ రాకుండా కుట్ర జరిగిందని ఆరోపించారు.   మోత్కుపల్లి నిరసన దీక్ష గురించి తెలుసుకున్న వివిధ జిల్లాలకు చెందిన దళిత సంఘాల నేతలు హాజరై సంఘీభావం ప్రకటించారు.