రాష్ట్రంలో మహిళలకు రక్షణ కరవు

వైతెపా అధ్యక్షురాలు షర్మిల విమర్శ

గరిడేపల్లి, న్యూస్‌టుడే: తెలంగాణ రాష్ట్రంలో మహిళలకు రక్షణ కరవైనా ప్రభుత్వానికి చీమకుట్టినట్లయినా లేదని వైకాపా తెలంగాణ పార్టీ అధ్యక్షురాలు షర్మిల విమర్శించారు. పాదయాత్రలో భాగంగా శుక్రవారం సూర్యాపేట జిల్లా గరిడేపల్లి మండలం గడ్డిపల్లిలో ఆమె మాట్లాడారు. తానిచ్చిన ఏ హామీనీ కేసీఆర్‌ నెరవేర్చడం లేదని ఆమె ఆరోపించారు. ప్రాజెక్టు కింద భూమి కోల్పోయిన రైతులు పరిహారం అడిగితే జైల్లో పెట్టి భయపెడుతున్నారని ధ్వజమెత్తారు. భూములిచ్చిన వారి త్యాగం మరువలేనిదంటూనే తగిన పరిహారం ఇవ్వకుండా వాటిని గుంజుకుంటున్నారని దుయ్యబట్టారు. వైఎస్‌ రాజశేఖర్‌రెడ్డి ప్రవేశపెట్టిన సంక్షేమ పథకాలను నిలబెట్టడానికే తమ పార్టీ పుట్టింద]ని షర్మిల పేర్కొన్నారు.