బ్రౌజింగ్ తప్పులు చేయొద్దు!
రోజూ ఇంటర్నెట్లో గంటల కొద్దీ గడుపుతుంటాం. అంత సమయం వెచ్చిస్తున్నామంటే సరైన పద్ధతిలో వాడుకోవద్దూ. బ్రౌజింగ్లో చిన్న తప్పులు చేసినా పెద్ద ముప్పు ముంచుకురావొచ్చు.
రోజూ ఇంటర్నెట్లో గంటల కొద్దీ గడుపుతుంటాం. అంత సమయం వెచ్చిస్తున్నామంటే సరైన పద్ధతిలో వాడుకోవద్దూ. బ్రౌజింగ్లో చిన్న తప్పులు చేసినా పెద్ద ముప్పు ముంచుకురావొచ్చు. బ్రౌజింగ్ వేగం నెమ్మదించొచ్చు. వైరస్, హ్యాకర్ల దాడికి అవకాశం కల్పించొచ్చు. అందువల్ల బ్రౌజింగ్ విషయంలో దారి తప్పొద్దు. నిజానికిదేమీ కష్టమైన పని కాదు. అయినా కూడా చాలామంది నిర్లక్ష్యం ప్రదర్శిస్తుంటారు. తప్పుల మీద తప్పులు చేస్తుంటారు. ఇది తమకు తాము హాని చేసుకోవటం తప్ప మరేమీ కాదు. కాబట్టి పొరపాట్లకు తావివ్వకుండా చూసుకోవాలి.
ఎప్పటికప్పుడు బ్రౌజర్ అప్డేట్
‘బ్రౌజర్ను తర్వాతి వర్షన్లకు అప్డేట్ చేసుకోవాలని అనుకుంటున్నారా?’ అంటూ తరచూ పాపప్ సందేశాలు వస్తుండటం గమనించే ఉంటారు. క్రోమ్ వాడేవారికిది అనుభవంలోకి రాకపోవచ్చు. ఎందుకంటే గూగుల్ సంస్థ బ్యాక్గ్రౌండ్లోనే అప్డేట్లను చేసేస్తుంటుంది. మిగతా బ్రౌజర్ల విషయంలో మాత్రం పట్టించుకోవాల్సిందే. బ్రౌజర్ను అప్డేట్ చేసినప్పుడు కొత్త ఫీచర్లు తోడవుతాయి. పాత వర్షన్లలో తప్పులు తొలగిపోతాయి. సాధారణంగా ప్రధాన వర్షన్ అప్డేట్లతోనే భారీ ఫీచర్లు అందుబాటులోకి వస్తుంటాయి. బ్రౌజర్ అప్డేట్ కొద్ది సెకండ్లలోనే పూర్తవుతుంది. కాబట్టి ఎప్పటికప్పుడు తాజా వర్షన్లకు అప్డేట్ కావటం మంచిది.
ఆచితూచి కుకీస్ అనుమతి
మనం ఏదైనా వెబ్సైట్ను చూసినప్పుడు కొన్ని తాత్కాలిక ఫైళ్లు క్రియేట్ అవుతాయి. వీటిని కుకీస్ అంటారు. ఇవి ఆయా వెబ్సైట్లకు సంబంధించి లాగిన్ డేటా వంటి సమాచారాన్ని నిల్వ చేసుకుంటాయి. మళ్లీ మనం వెబ్సైట్లోకి వెళ్లినప్పుడు త్వరగా పని పూర్తయ్యేలా చేస్తాయి. ఇవేమీ హాని చేయవు. కానీ వెబ్ బ్రౌజింగ్ తీరుతెన్నుల వంటివి పసిగట్టటానికి కొందరు వీటిని వాడుకోవచ్చు. కాబట్టి కుకీస్కు ఎడాపెడా అనుమతి ఇవ్వటం తగదు. అసలు వెబ్సైట్ డొమైన్ కోరే కుకీస్కు అనుమతి ఇస్తే పెద్దగా ఇబ్బందేమీ ఉండదు. కానీ అడ్వర్టైజింగ్ నెట్వర్క్ వంటి ఇతర డొమైన్లు అడిగే థర్డ్ పార్టీ కుకీస్కు అనుమతి ఇచ్చే విషయంలో మాత్రం ఆచితూచి వ్యవహ రించాలి.
నాకేమీ కాదులే అనుకోవద్దు
సరైన టూల్స్ భద్రతకు ఎంతగానో తోడ్పడతాయి. అయితే భద్రంగా ఉండటమనేది చివరికి ఆయా టూల్స్ను వాడటం కన్నా మన మైండ్సెట్, ధోరణి మీదే ప్రధానంగా ఆధారపడి ఉంటుంది. అన్నీ సవ్యంగా ఉన్నాయి కదా, మనకేమీ కాదనే ధోరణితో చాలామంది ప్రవర్తిస్తుంటారు. ఇది తగదు. అన్నింటికన్నా ముందు చేయాల్సింది పీసీలో యాంటీవైరస్ ఇన్స్టాల్ చేసుకోవటం. ప్రస్తుతం ఉచితంగానే ఎన్నో యాంటీవైరస్ సాఫ్ట్వేర్లు అందుబాటులో ఉన్నాయి. డిఫాల్ట్గా వచ్చే విండోస్ సెక్యూరిటీ ఎసెన్షియల్స్ వంటి టూల్స్ కూడా ఉన్నాయి. వీటిని ఆన్ చేసి పెట్టుకోవాలి. ఆన్లైన్ మోసాల మీదా ఓ కన్నేసి ఉంచాలి. ఇంటర్నెట్లో మోసగాళ్లు తేలికగా బోల్తా కొటిస్తుంటారు. ఆఫర్లు, ఫేక్ రివ్యూల వంటి వాటితో ఆకర్షిస్తుంటారు. వీరి వలలో పడొద్దు. ఏదైనా తేడాగా అనిపిస్తే వెంటనే తిరస్కరించాలి. అన్నీ సవ్యంగా ఉన్నాయని అనిపించినా కూడా ఒకటికి రెండు సార్లు పరిశీలించి, ధ్రువీకరించుకోవాలి.
ట్యాబ్స్ అన్నీ తెరవద్దు
బ్రౌజ్ చేస్తుంటాం. ఏదో లింక్ ఆసక్తి కలిగిస్తుంది. తర్వాత చదువుదాం లెమ్మని కొత్త ట్యాబ్తో తెరుస్తాం. మన పనిలో మనం పడిపోతాం. మరో ట్యాబ్ తెరుస్తాం. దాన్ని పక్కన పెడతాం. చాలామంది చేసే పనే ఇది. ఇలా కుప్పలు తెప్పులుగా ట్యాబ్స్ ఓపెన్ చేసి పెడితే బ్రౌజర్ వేగం నెమ్మదిస్తుంది. ఒకవేళ ఎక్కువ ట్యాబ్స్ అవసరమనుకుంటే ట్యాబ్ గ్రూప్స్ను ఉపయోగించుకోవటం మంచిది. ఇది బ్రౌజర్ మీద భారాన్ని తగ్గిస్తుంది. ఆయా అంశాల వారీగా ట్యాబ్స్ను వర్గీకరిస్తుంది. దీంతో అవసరమైన ట్యాబ్ మీద క్లిక్ చేసి వెంటనే చూసుకోవచ్చు. క్రోమ్ వంటి బ్రౌజర్లలో బిల్టిన్గా వచ్చే రీడింగ్ లిస్ట్ ఫీచర్నైనా వాడుకోవచ్చు. ఇందుకోసం క్రోమ్లో థర్డ్ పార్టీ రీడ్ లేటర్ ప్లగిన్స్ కూడా అందుబాటులో ఉన్నాయి.
ప్లగిన్స్ విషయంలోనూ
గ్రామర్ చెకర్స్, పాస్వర్డ్ మేనేజర్లు, వీడియో డౌన్లోడర్ల వంటి ప్లగిన్లు కొత్త ఫీచర్లతో ఆన్లైన్ విహారాన్ని సులభం చేస్తాయనటంలో సందేహం లేదు. ఇవి ప్రస్తుతం ఉన్న ఫీచర్లనూ మరింత మెరుగుపరుస్తాయి. గుర్తుంచుకోవాల్సిన విషయం ఏంటంటే- ఇవీ చిన్నపాటి యాప్సేనని. ఇవీ మెమరీని, రిసోర్సులను వాడుకుంటాయి. ఎక్కువ ప్లగిన్స్ వాడుతున్నట్టయితే బ్రౌజర్ వేగమూ నెమ్మదిస్తుంది. కాబట్టి అవసరమైన ప్లగిన్స్ మాత్రమే ఎనేబుల్ చేసుకోవాలి. తరచూ వాడని వాటిని డిలీట్ లేదా డీయాక్టివేట్ చేయాలి. బ్రౌజర్ థీమ్ను మనకు ఇష్టమైనట్టుగా మార్చే ప్లగిన్స్ కూడా బ్రౌజర్ వేగాన్ని తగ్గిస్తాయి. నిజానికి వీటితో ఎలాంటి ఉపయోగమూ ఉండదని గుర్తుంచుకోవాలి.
పబ్లిక్ వైఫైలో వీపీఎన్
వైబ్సైట్లకు మన ఐపీ అడ్రస్ తెలవకుండా వీపీఎన్ (వర్చువల్ ప్రైవేట్ నెట్వర్క్) అడ్డుకుంటుంది. వెబ్లో ఇతరులకు తెలియకుండా పనులు చేసుకోవటానికి తోడ్పడుతుంది. ఇలా భద్రంగా ఉంచుతుంది. వర్చువల్ ఐపీతో ఇతరులు మనల్ని ట్రాక్ చేయకుండా నిలువరిస్తుంది. నిజానికి వీపీఎన్ యాప్ను ఇన్స్టాల్ చేసుకోవాల్సిన అవసరమేమీ లేదు. బ్రౌజర్ ప్లగిన్లలో ఎన్నో వీపీఎన్ ఎక్స్టెన్షన్లు అందుబాటులో ఉన్నాయి. పబ్లిక్ వైఫైని వాడుకునే టప్పుడు హ్యాకర్లు మనల్ని ఎక్కువగా హ్యాక్ చేయాలని చూస్తుంటారు. ఇలాంటి సందర్భాల్లో వీపీఎన్ రహస్య సమాచారాన్ని తస్కరించకుండా కాపాడుతుంది. కాబట్టి పబ్లిక్ వైఫైని వాడుకుంటున్నప్పుడు దీన్ని ఎనేబుల్ చేసుకోవటం మంచిది.
2ఎఫ్ఏ లేకుండా అదే పాస్వర్డ్ వాడొద్దు
ఆన్లైన్ మోసాలకు, హ్యకింగ్కు బలహీన పాస్వర్డ్లే ప్రధాన కారణం. అందువల్ల బలమైన పాస్వర్డ్లను పెట్టుకోవాలి. అన్ని వెబ్సైట్లకు ఒకే పాస్వర్డ్ వాడొద్దు. వేర్వేరు పాస్వర్డ్లు పెట్టుకోవాలి. లేకపోతే హ్యాకర్లు పాస్వర్డ్ల గుట్టును తెలుసుకొని, అన్ని ఖాతాలనూ యాక్సెస్ చేయొచ్చు. ఒకవేళ పాస్వర్డ్లను గుర్తుపెట్టుకోవటం కష్టమనిపిస్తే పాస్వర్డ్ మేనేజర్ టూల్స్ సాయం తీసుకోవచ్చు. ఇవి సులభంగా, సమర్థంగా పనిచేస్తాయి. టూ ఫ్యాక్టర్ అథెంటికేషన్ సెట్ చేసుకుంటే ఇంకా మంచిది. దీన్ని ఎనేబుల్ చేసుకుంటే రిజిస్టర్డ్ పరికరం లేదా మొబైల్ ఫోన్కు ఒక కోడ్ అందుతుంది. దాన్ని ఎంటర్ చేస్తేనే లాగిన్ ప్రక్రియ పూర్తవుతుంది. ఇది మంచి భద్రత కల్పిస్తుంది.
యాడ్స్ లింక్స్ క్లిక్ చేయొద్దు
హ్యాకర్లు స్పూఫింగ్ పద్ధతిలో బోల్తా కొట్టిస్తుంటారు. విశ్వసనీయమైనవిగా కనిపించే నకిలీ లింక్స్, ఈమెయిళ్లతో వలలో పడేస్తుంటారు. చాలావరకు వెబ్ యూజర్లే వీరి బారిన పడుతుంటారు. హ్యాకర్లు వెబ్ పేజీల్లో ఆకర్షణీయ యాడ్స్, డిస్కౌంట్ లేదా ఉచిత ఆఫర్లతో కూడిన ఈమెయిళ్లను పంపుతుంటారు. ఒకసారి వీటి మీద క్లిక్ చేస్తే చాలు. హ్యాకర్లు వైరస్లను పంపించి, డేటాను తస్కరించటానికి ప్రయత్నిస్తుంటారు. కాబట్టి ఇలాంటి మోసపూరిత లింక్స్ను ఎట్టి పరిస్థితుల్లోనూ క్లిక్ చేయొద్దు.
విశ్వసనీయ సైట్లలోనే క్రెడిట్ కార్డు వాడాలి
ఆన్లైన్ షాపింగ్ ఇట్టే పూర్తి చేయటంలో క్రెడిట్ కార్డులు బాగా ఉపయోగపడతాయి. అయితే విశ్వసనీయం కాని వెబ్సైట్లకు కార్డు వివరాలు ఇస్తే డబ్బు దొంగిలించే ప్రమాదముందని తెలుసుకోవాలి. హ్యాకర్లు వెంటనే ఈ వివరాలను వాడుకోకపోవచ్చు. కొద్దిరోజుల పాటు వేచి చూసి, తర్వాత డబ్బు కొల్లగొట్టొచ్చు. అందువల్ల విశ్వసనీయమైన వెబ్సైట్లలోనే ఆన్లైన్ షాపింగ్ చేయాలి. ఏదైనా అనుమానాస్పద వెబ్సైట్లో క్రెడిట్ కార్డును వాడినట్టు అనిపిస్తే వెంటనే ఆ విషయాన్ని బ్యాంకుకు తెలియ జేయాలి. వాళ్లు కార్డు భద్రంగా ఉండటానికి అవసరమైన చర్యలు తీసుకుంటారు.
సోషల్ మీడియా అతిగా షేరింగ్ వద్దు
వాట్సప్, ఫేస్బుక్ వంటి సామాజిక మాధ్యమాలతో రోజువారీ వ్యవహారాలు ఎంత తేలికయ్యాయో తెలిసిందే. కానీ ఇవి కొన్నిసార్లు ముప్పులనూ తెచ్చి పెట్టొచ్చు. ఉదాహరణకు- మన మీద నిఘా పెట్టేవారికి సమాచారం అందించొచ్చు. ఇలాంటి వారిని మనం ట్రాక్ చేయలేం కదా. అందువల్ల అవసరమైన విషయాలే షేర్ చేసుకోవాలి. రోజూ కాలేజీకి వెళ్తున్నామనో, ఫలానా పర్యటక కేంద్రాన్ని సందర్శి స్తున్నామనో, నివసిస్తున్న చిరునామానో.. ఇలా అదేపనిగా అతిగా సమాచారాన్ని షేర్ చేసుకుంటే కొన్నిసార్లు ప్రమాదం ముంచుకురావొచ్చు. ఇది మనకే కాదు, మన చుట్టుపక్కల వారికీ చేటు కలిగించొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్వచ్ఛ ఒలింపిక్స్
ఒలింపిక్ క్రీడలకు పారిస్ నగరం సమాయత్తమైంది. ప్రపంచంలోని నలుమూలల నుంచి వచ్చే క్రీడాకారులు, క్రీడాభిమానులతో విశ్వ నగరం కొత్త శోభలు సంతరించుకుంటోంది. -
వినూత్న ఫొటోనిక్స్
ఎలక్ట్రానిక్స్ రంగంలో ఎలక్ట్రాన్ల పాత్ర కీలకం. ఇవి ఒక చోటు నుంచి మరో చోటుకు డేటాను చేరవేయటం వంటి దగ్గరి దారులకు బాగా ఉపయోగపడతాయి. -
1పాస్వర్డ్ మారింది
పలు కొత ఫీచర్లతో 1పాస్వర్డ్ భారీగా అప్డేట్ అయ్యింది. మాస్టర్ పాస్వర్డ్ను మరిచిపోయినా అకౌంట్ను రికవరీ చేసుకునే వెలుసుబాటూ కల్పించింది. -
నవ్వు శాస్త్రం
నవ్వటం ఒక భోగం! అతిశయోక్తిలా అనిపించినా ఇది నిజం. ఇప్పుడు చాలామంది జీవితాల్లో నవ్వటమనేది కనుమరుగవుతోంది. రోజుకు ఒక్కసారైనా నవ్వనివారు ఎందరో. -
ఎక్కువ సిమ్లు తీసుకున్నారా?
నేటి డిజిటల్ ప్రపంచంలో ఒక్క సిమ్ కార్డు సరిపోవటం లేదు. ఆఫీసు వ్యవహారాలకు ఒకటి, సొంత పనులకు ఒకటి, కుటుంబ పనులకు మరోటి.. ఇలా బోలెడన్ని సిమ్లు ఎడాపెడా తీసేసుకుంటున్నారు. -
ఆన్లైన్ నేరాల మీద చక్షువు
నేటి డిజిటల్ ప్రపంచంలో ఆన్లైన్ నేరాలు పెరిగిపోతున్నాయి. మోసగాళ్లు రకరకాల పద్ధతుల్లో అమాయకులను బురిడీ కొట్టించి డబ్బులు దోచుకుంటున్నారు. -
మనిషిలా మరమనుషులు!
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు. -
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు.
తాజా వార్తలు (Latest News)
-
ఏపీకి ఐపీఎస్ కేడర్ స్ట్రెంత్ పెంపు
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం
-
‘కల్కి’లో రాజమౌళి ఎలా భాగమయ్యారు..?: నాగ్అశ్విన్ ఏం చెప్పారంటే
-
మదనపల్లె దస్త్రాల దహనం కేసులో ఆరోరోజు విచారణ