3.3 కోట్ల ఏళ్ల పువ్వు!

అదొక పువ్వు. ఎప్పటిదో తెలుసా? 3.3 కోట్ల ఏళ్ల క్రితం నాటిది. శిలాజంగా మారిన జిగురులో చెక్కు చెదరకుండా ఇంకా భద్రంగా ఉంది. అందుకే దీన్ని అతిపెద్ద శిలాజ పువ్వుగా భావిస్తున్నారు. ఇది అడ్డంగా 28 మి.మీ. ఉంటుంది. ఉత్తర యూరప్‌లోని బాల్టిక్‌ అడవుల్లో బయటపడ్డ ఇది స్టీవార్టియా కోవాలీవ్‌స్కీ అనే పురాతన సతత హరిత మొక్కకు చెందిందని భావిస్తున్నారు. నిజానికి దీని గురించి 1872లోనే ప్రస్తావించారు. అయితే ఇటీవలే ఈ పువ్వు పుప్పొడిని శాస్త్రవేత్తలు విశ్లేషించారు. ఆసియాలో కనిపించే సింప్లోకాస్‌ జాతులకు సంబంధించినదని ఇందులో తేలింది. అందుకే దీనికి సింప్లోకాస్‌ కోవాలీవ్‌స్కీ అని పేరు పెట్టారు. జిగురులో చిక్కుకొని పోవటం వల్ల దీని మీద పురుగులు పెరగకపోయి ఉండొచ్చని, అందుకే దెబ్బతినకుండా ఉండి ఉంటుందని అనుకుంటున్నారు.