ఉచితంగా వైరస్ కట్టడి!
కంప్యూటర్కు వైరస్లు పెద్ద పీడకలలు. ఆపరేటింగ్ సిస్టమ్ను దెబ్బతీయటం దగ్గరి నుంచి పీసీ సామర్థ్యాన్ని తగ్గించటం వరకూ రకరకాల ఇబ్బందులు సృష్టిస్తాయి.
కంప్యూటర్కు వైరస్లు పెద్ద పీడకలలు. ఆపరేటింగ్ సిస్టమ్ను దెబ్బతీయటం దగ్గరి నుంచి పీసీ సామర్థ్యాన్ని తగ్గించటం వరకూ రకరకాల ఇబ్బందులు సృష్టిస్తాయి. ఫైళ్లు, డేటా కూడా పోతాయి. గోప్యతకు భంగం వాటిల్లుతుంది. ఇక్కడే యాంటీవైరస్లు ఆదుకుంటాయి. ఇవి సమర్థమైనవే అయినా ధర ఎక్కువ. అదృష్టం కొద్దీ కొన్ని ఉచిత మార్గాలతో పీసీని వైరస్ రహితం చేసుకోవచ్చు.
విండోస్ డిఫెండర్ సాయం
విండోస్ ఆపరేటింగ్ సిస్టమ్ గలవారికిది మంచి ప్రత్యామ్నాయం. ఇది బిల్టిన్గానే ఉంటుంది. అజ్ఞాత మార్గాల నుంచి మాల్వేర్లు, వైరస్లు పీసీ మీద దాడి చేయకుండా అడ్డుకుంటుంది. దీన్ని ఎనేబుల్ చేసుకోవటమూ తేలికే. స్టార్ట్ బటన్ను నొక్కి, బాక్సులో ‘విండోస్ సెక్యూరిటీ’ అని టైప్ చేయాలి. పాపప్ అయ్యే యాప్ మీద క్లిక్ చేయాలి. ఇందులో ‘వైరస్ అండ్ థ్రెట్ ప్రొటెక్షన్’ ఆప్షన్ ఉంటుంది. దీని మీద క్లిక్ చేసి, సెటింగ్స్లోకి వెళ్లి ‘మేనేజ్ సెటింగ్స్’ మీద నొక్కాలి. ఇందులో ‘రియల్-టైమ్ ప్రొటెక్షన్’ ఆప్షన్ను ఆన్ చేసుకోవాలి. అడ్మినిస్ట్రేటర్ పాస్వర్డ్ను ఎంటర్ చేయటం లేదా ఇతర మార్గాలతో కన్ఫర్మ్ చేసుకుంటే చాలు. విండోస్ డిఫెండర్ యాక్టివ్ అవుతుంది. తరచూ పీసీని స్కాన్ చేస్తూ హానికర ముప్పుల గురించి హెచ్చరించి, తొలగిస్తుంది.
వైరస్ నేపథ్యప్రక్రియల కట్టడి
వైరస్లు తరచూ ప్రాసెస్ల రూపంలో అజ్ఞాతంగా పనిచేస్తుంటాయి. ఇవి జలగ మాదిరిగా పీసీ వనరులను పీల్చేస్తుంటాయి. వ్యక్తిగత వివరాల్లోకి తొంగి చూస్తుంటాయి. డేటానూ దొంగిలిస్తుంటాయి. ఇలాంటి అవాంఛిత బ్యాక్గ్రౌండ్ ప్రోగ్రామ్స్ బెడద తొలగించు కోవటానికి, కంప్యూటర్ను వైరస్ల బారి నుంచి కాపాడుకోవటానికి తేలికైన మార్గముంది. స్టార్ట్ బటన్ను నొక్కి, సెర్చ్ బాక్సులో ‘టాస్క్ మేనేజర్’ అని టైప్ చేసి, ఎంటర్ చేయాలి. అప్పుడు విండోస్ టాస్క్మేనేజర్ యాప్ ఓపెన్ అవుతుంది. ఇందులో ప్రాసెసెస్ లేదా డిటెయిల్స్ విభాగంలో అనుమానిత ప్రాసెస్లను వెతకాలి. వాటిని ఎంచుకొని ‘ఎండ్ టాస్క్’ మీద క్లిక్ చేయాలి.
అజ్ఞాత స్టార్టప్ ప్రోగ్రామ్స్ డిసేబుల్
పీసీని ఆన్ చేసిన ప్రతిసారీ తెర దిగువన కుడివైపున పాపప్ అయ్యే చిన్న ఐకాన్లు చికాకు కలిగిస్తాయి. ఇవి హానికరమైనవి కావని అనిపించినప్పటికీ రహస్యంగా డేటాను దొంగిలిస్తాయి. బ్రౌజింగ్ హిస్టరీ మీద నిఘా వేస్తాయి. కంప్యూటర్ స్టార్టప్ వేగాన్ని నెమ్మదింప జేస్తాయి. అందువల్ల అంత ముఖ్యం కాని స్టార్టప్ ప్రోగ్రామ్స్ను డిసేబుల్ చేసుకోవటం మంచిది. ఇందుకోసం కీబోర్డు మీద కంట్రోల్, ఆల్ట్, డిలీట్ బటన్లు అన్నింటినీ కలిపి నొక్కాలి. మెనూలోంచి టాస్క్ మేనేజర్ను ఎంచుకోవాలి. స్టార్టప్ విభాగం మీద క్లిక్ చేస్తే బోలెడన్ని పేర్లు, ఐకాన్లు కనిపిస్తాయి. ఇవన్నీ సిస్టమ్ను బూట్ చేసినప్పుడు తమకు తామే లాంచ్ అయ్యే ప్రోగ్రామ్లే. ఏదైనా అనుమానాస్పదంగా కనిపిస్తే దాని మీద రైట్ క్లిక్ చేసి ‘డిసేబుల్’ మీద నొక్కాలి. దీంతో దాని పని అక్కడితో ఆగిపోతుంది. ఇలాగే మిగతా అనుమానాస్పద ప్రాసెస్లను డిసేబుల్ చేసుకోవాలి. అనంతరం టాస్క్ మేనేజర్ను క్లోజ్ చేసి, పీసీని రీస్టార్ట్ చేయాలి. ఆ వెంటనే స్టార్టప్ ప్రాసెస్ వేగం పెరగటం, సాఫీగా సాగటం గమనించొచ్చు.
తాత్కాలిక ఫైళ్ల తొలగింపు
కంప్యూటర్ మీద పనిచేస్తున్నప్పుడు వివిధ ప్రోగ్రామ్లు, యాప్లు తాత్కాలిక ఫైళ్లను సృష్టించు కుంటాయి. ఇవి కొంత సమాచారాన్ని దాచుకుంటాయి. దీని అవసరమేమీ ఉండదు. కొన్నిసార్లు ఇలాంటి తాత్కాలిక ఫైళ్ల వెనక హానికర సాఫ్ట్వేర్ దాగి ఉండొచ్చు. వీటిని డిలీట్ చేసుకుంటే ముప్పులనూ తగ్గించుకోవచ్చు. స్టార్ట్ బటన్ను నొక్కి, ‘డిస్క్ క్లీనప్’ కోసం వెతకాలి. ఇది ఓపెన్ అయ్యాక శుభ్రం చేసుకోవాల్సిన డ్రైవ్ను ఎంచుకొని ‘ఓకే’ మీద క్లిక్ చేయాలి. వివిధ రకాల ఫైళ్లను తొలగించాక ఎంత స్పేస్ మిగులుతుందో ఇది సూచిస్తుంది. రీసైకిల్ బిన్, డౌన్లోడ్స్, థంబ్నెయిల్స్.. ఇలా ఆయా బాక్సుల్లో టిక్ పెట్టుకోవాలి. ‘ఓకే’ బటన్ మీద క్లిక్ చేసి, కన్ఫర్మ్ చేసుకుంటే తాత్కాలిక ఫైళ్లు పోతాయి. ఒకవేళ విండోస్ అప్డేట్ లేదా ప్రీవియస్ ఇన్స్టలేషన్ వంటి మరిన్ని ఫైళ్లను డిలీట్ చేసుకోవాలనుకుంటే ‘క్లీనప్ సిస్టమ్ ఫైల్స్’ ఆప్షన్నూ ఎంచుకోవచ్చు. ప్రాసెస్ ముగిసేంతవరకు డిస్క్ క్లీనప్ యాప్ను క్లోజ్ చేయొద్దు. తర్వాత పీసీని రీస్టార్ట్ చేస్తే సరి. తాత్కాలిక ఫైళ్లతో పాటు వైరస్ల బెడదా తొలగిపోతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్వచ్ఛ ఒలింపిక్స్
ఒలింపిక్ క్రీడలకు పారిస్ నగరం సమాయత్తమైంది. ప్రపంచంలోని నలుమూలల నుంచి వచ్చే క్రీడాకారులు, క్రీడాభిమానులతో విశ్వ నగరం కొత్త శోభలు సంతరించుకుంటోంది. -
వినూత్న ఫొటోనిక్స్
ఎలక్ట్రానిక్స్ రంగంలో ఎలక్ట్రాన్ల పాత్ర కీలకం. ఇవి ఒక చోటు నుంచి మరో చోటుకు డేటాను చేరవేయటం వంటి దగ్గరి దారులకు బాగా ఉపయోగపడతాయి. -
1పాస్వర్డ్ మారింది
పలు కొత ఫీచర్లతో 1పాస్వర్డ్ భారీగా అప్డేట్ అయ్యింది. మాస్టర్ పాస్వర్డ్ను మరిచిపోయినా అకౌంట్ను రికవరీ చేసుకునే వెలుసుబాటూ కల్పించింది. -
నవ్వు శాస్త్రం
నవ్వటం ఒక భోగం! అతిశయోక్తిలా అనిపించినా ఇది నిజం. ఇప్పుడు చాలామంది జీవితాల్లో నవ్వటమనేది కనుమరుగవుతోంది. రోజుకు ఒక్కసారైనా నవ్వనివారు ఎందరో. -
ఎక్కువ సిమ్లు తీసుకున్నారా?
నేటి డిజిటల్ ప్రపంచంలో ఒక్క సిమ్ కార్డు సరిపోవటం లేదు. ఆఫీసు వ్యవహారాలకు ఒకటి, సొంత పనులకు ఒకటి, కుటుంబ పనులకు మరోటి.. ఇలా బోలెడన్ని సిమ్లు ఎడాపెడా తీసేసుకుంటున్నారు. -
ఆన్లైన్ నేరాల మీద చక్షువు
నేటి డిజిటల్ ప్రపంచంలో ఆన్లైన్ నేరాలు పెరిగిపోతున్నాయి. మోసగాళ్లు రకరకాల పద్ధతుల్లో అమాయకులను బురిడీ కొట్టించి డబ్బులు దోచుకుంటున్నారు. -
మనిషిలా మరమనుషులు!
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు. -
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!