ట్రిక్కు టమారం!
కంప్యూటర్ను తరచూ వాడేవారు ఇక కొత్త చిట్కాలు నేర్చుకోవాల్సిన పనిలేదని, తమకు అంతా తెలుసని భావిస్తుంటారు. నిజానికి కొత్త మార్గాలకు కొదవలేదు
కంప్యూటర్ను తరచూ వాడేవారు ఇక కొత్త చిట్కాలు నేర్చుకోవాల్సిన పనిలేదని, తమకు అంతా తెలుసని భావిస్తుంటారు. నిజానికి కొత్త మార్గాలకు కొదవలేదు. నిత్యనూతన సాంకేతిక పరిజ్ఞానంలో రోజూ ఎన్నెన్నో కొత్త ఫీచర్లు తోడవుతూనే వస్తుంటాయి. వీటిల్లో మనకు తెలియనివి చాలానే ఉండొచ్చు. వీటి గురించి తెలుసుకుంటే పీసీ మీద పని చేస్తున్నప్పుడు నైపుణ్యాలను మెరుగు పరచుకోవటానికి ఎంతగానో ఉపయోగపడతాయనటంలో సందేహం లేదు. అలాంటి కొన్ని సాధారణ, టైపింగ్, కీబోర్డు షార్ట్కట్స్, వెబ్ బ్రౌజింగ్, ఫైల్ మేనేజ్మెంట్ ట్రిక్కులు తెలుసుకుందాం.
క్లోజయిన ట్యాబ్ తిరిగి
వెబ్ బ్రౌజింగ్ చేస్తున్నప్పుడు కొన్నిసార్లు తెలిసీ తెలియకో, పొరపాటుననో ట్యాబ్ను క్లోజ్ చేస్తుంటాం. ఆనక అయ్యో అని చింతిస్తుంటాం. తిరిగి దాన్ని చూడాలంటే హిస్టరీలోకి వెళ్లి ఓపెన్ చేస్తాం. అంత పని అవసరం లేదు. కంట్రోల్, షిఫ్ట్, టి మీటలను కలిపి నొక్కితే, అంతకుముందు క్లోజ్ చేసిన ట్యాబ్ వెంటనే ఓపెన్ అవుతుంది. మ్యాక్లోనైతే కమాండ్, షిఫ్ట్, టి మీటలను కలిపి నొక్కాలి.
వేగం వేగం
బూట్ కావటానికి పీసీ ఎక్కువ సమయం తీసుకుంటోందా? దీనికి కారణం స్టార్ట్ అయ్యేటప్పుడు ఎక్కువ ప్రోగ్రామ్స్ రన్ కావటం కావొచ్చు. వీటిని తగ్గించుకుంటే కంప్యూటర్ వేగం పుంజుకుంటుంది. విండోస్ సిస్టమ్లో కంట్రోల్, షిఫ్ట్, ఎస్క్ మీటలను కలిపి నొక్కితే చాలు. స్టార్టప్ ట్యాబ్ ఓపెన్ అవుతుంది. విండోస్ 7, అంతకుముందు పీసీల్లోనైతే విండోస్ కీ, ఆర్ బటన్లను కలిపి నొక్కాలి. ప్రోగామ్స్ జాబితాల్లోంచి అనవసరమైన వాటిని ఎంచుకొని ఆఫ్ చేసుకోవాలి. మ్యాక్లోనైతే సిస్టమ్ ప్రిఫరెన్స్ ద్వారా యూజర్స్ అండ్ గ్రూప్స్లోకి వెళ్లి యూజర్ను ఎంచుకోవాలి. లాగిన్ ఐటమ్స్ మీద ట్యాబ్ చేసి స్టార్టప్ యాప్లను తొలగించుకోవచ్చు, హైడ్ చేసుకోవచ్చు.
నేరుగా అడ్రస్ బార్కు
వెబ్పేజీలో నేరుగా అడ్రస్ బార్లోకి చేరటానికి ఎఫ్6 బటన్ నొక్కాలి. కంట్రోల్, ఎల్ బటన్లు కలిపి నొక్కితే బుక్మార్కు సైట్ల జాబితా కనిపిస్తుంది కూడా.
ఫోన్ నుంచి పీసీకి ఫొటో
ఫోన్తో ఫొటో తీసుకుంటాం. వెంటనే దాన్ని పీసీలోకి చేర్చాలంటే? ఏముంది.. కేబుల్తో కనెక్ట్ అయ్యి కాపీ, పేస్ట్ చేస్తామంటారా? అది సరేగానీ ఫోన్లోని ఫొటోలను నేరుగా పీసీలో చూడాలంటే? మ్యాక్, ఐఫోన్ వాడేవారు కమ్యూనిటీ కెమెరాతో దీన్ని తేలికగా చేసుకోవచ్చు. దీన్ని సపోర్టు చేసే యాప్లో టాప్ మెనూలోకి వెళ్లి ఎడిట్ను ఎంచుకోవాలి. తర్వాత ఇన్సర్ట్ యువర్ ఐఫోన్ ఆర్ ఐప్యాడ్ ద్వారా టేక్ ఫొటో లేదా స్కాన్ డాక్యుమెంట్ ఆప్షన్ను ఎంచుకోవాలి. దీంతో ఐఫోన్లోని కెమెరా యాక్టివేట్ అవుతుంది. అప్పుడు ఫొటో తీస్తే నేరుగా డెస్క్టాప్ మీద ప్రత్యక్షమవుతుంది.
ఒకేసారి అన్ని ట్యాబులు వెనక్కి!
మానిటర్ మీద వేర్వేరు ట్యాబులు ఓపెన్ చేసి ఉన్నాయి. డెస్క్టాప్ను చూడాలంటే ఒక్కో దాన్నీ మినిమైజ్ చేయాల్సి ఉంటుంది. అన్ని ట్యాబులనూ ఒకేసారి మినిమైజ్ అయితే? దీనికి కంట్రోల్, ట్యాబ్ మీటలను ఉపయోగించుకోవచ్చు. ఆల్ట్, షిఫ్ట్, ట్యాబ్ బటన్లను కలిపి నొక్కితే అన్నీ ఒకేసారి మినిమైజ్ అవుతాయి. మళ్లీ అవే మీటలను నొక్కితే ఒకేసారి అన్నీ ఓపెన్ అవుతాయి. విండోస్ కీ, డి బటన్లు కలిపి నొక్కినా అన్ని ట్యాబులు ఒకేసారి మినిమైజ్ అవుతాయి. విండోస్ కీ, ఎం బటన్లతోనూ ట్యాబ్లన్నీ మినిమైజ్ అవుతాయి గానీ తిరిగి ఓపెన్ చేయాలంటే ఒక్కో ట్యాబ్ను విడివిడిగా క్లిక్ చేయాల్సి ఉంటుంది.
యూట్యూబ్ భిన్నంగా..
యూట్యూబ్ వీడియోను పాజ్ చేయటానికి స్పేస్బార్ మీటను చాలామంది ఉపయోగిస్తూనే ఉంటారు. ఇదొక్కటే కాదు, కె మీట కూడా వీడియో పాజ్, స్టార్ట్ కావటానికి తోడ్పడుతుంది. వీడియోను వెనక్కి జరపటానికి జె, ముందుకు జరపటానికి ఎల్ మీటలను వాడుకోవచ్చు. మ్యూట్ చేసుకోవాలంటే ఎం బటన్ నొక్కితే చాలు.
గాడ్ మోడ్ ఫోల్డర్
ఏ సెటింగ్స్నైనా చిటికెలో చూసుకోవటానికి తోడ్పడేది గాడ్ మోడ్. విండోస్ విస్టా 2007 నుంచే ఇది ఆరంభమైంది. అప్పట్నుంచి విండోస్ 10, విండోస్ 11 వరకూ మారకుండా వస్తోంది. దీన్ని డెస్క్టాప్ మీద మనమే సృష్టించుకోవచ్చు. డెస్క్టాప్ మీద రైట్ క్లిక్ చేసి, క్రియేట్ ఫోల్డర్ను ఎంచుకోవాలి. కొత్త ఫోల్డర్ను సృష్టించుకున్నాక GodMode.{ED7BA470-8E54-465E-825C-99712043E01C} అని పేరు పెట్టుకోవాలి. అంతే. ఆ ఫోల్డర్ కంట్రోల్ ప్యానెల్ రూపంలోకి మారిపోతుంది. ఇందులో 200కు పైగా సెటింగ్స్ మెనూ అందుబాటులో ఉండటం విశేషం. వీటి ద్వారా ఎలాంటి సెటింగ్ మార్పులైనా చేసుకోవచ్చు. ముద్దుగా గాడ్ మోడ్ అని పిలుచుకుంటుంటారు గానీ దీని అసలు పేరు ‘విండోస్ మాస్టర్ కంట్రోల్ ప్యానెల్ షార్ట్కట్’. పలకటానికి తేలికగా ఉంటుందని బ్లాగర్లు దీనికి గాడ్ మోడ్ పేరును ఖాయం చేసేశారు.
అంకెల మీటల గారడీ
టాస్క్బార్ మీద రకరకాల ప్రోగ్రామ్లు ఉండొచ్చు. వాటిని తేలికగా ఓపెన్ చేయటానికి విండోస్ కీ, అంకెల మీటలను ఉపయోగించుకోవచ్చు. ఉదాహరణకు టాస్క్బార్ మీద క్రోమ్ రెండో అప్లికేషన్గా ఉన్నట్టయితే విండోస్ కీ, 2 మీటలను కలిపి నొక్కాలి. అప్పుడు వెంటనే క్రోమ్ ఓపెన్ అవుతుంది. అప్పటికే క్రోమ్ ఓపెన్ అయ్యుంటే దాన్ని హైలైట్ చేస్తుంది. ఒకవేళ ఓపెన్ అయ్యుంటే క్లోజ్ కూడా చేసుకోవచ్చు.
టైపింగ్ రయ్ రయ్
టెక్స్ట్ను కాపీ చేయటానికి కంట్రోల్, సి బటన్లను.. పేస్ట్ చేయటానికి కంట్రోల్, వి బటన్లను కలిపి నొక్కటం తెలిసిందే. సాధారణంగా టెక్స్ట్ను కాపీ చేసినప్పుడు దాని ఫార్మాట్ కూడా కాపీ అవుతుంది. మరి కేవలం మామూలు టెక్స్ట్ను మాత్రమే పేస్ట్ చేయాలంటే? కంట్రోల్, వి బటన్లకు బదులు కంట్రోల్, షిఫ్ట్, వి బటన్లను కలిపి నొక్కితే సరి. దీంతో ఫార్మాట్ రహిత టెక్స్ట్ పేస్ట్ అవుతుంది. మ్యాక్లోనైతే కమాండ్, ఫిష్ట్, వి బటన్లను కలిపి నొక్కాలి.
* వర్డ్ప్యాడ్లో ఏదైనా పదాన్ని డిలీట్ చేయాలనుకుంటే ఒక్కొక్క అక్షరాన్ని తొలగించాల్సిన అవసరమేమీ లేదు. కంట్రోల్, బ్యాక్స్పేస్ మీటలను కలిపి నొక్కితే కర్సర్ వెనకున్న పదమంతా ఒకేసారి డిలీట్ అవుతుంది.
* పదం ముందు లేదా వెనక ఏదైనా టైప్ చేయాలంటే కర్సర్ను అక్కడికి తీసుకెళ్తాం. కానీ కంట్రోల్, యారో బటన్లతోనే ముందుకూ వెనక్కూ వెళ్లొచ్చు. కంట్రోల్, లెఫ్ట్ యారో బటన్లను కలిపి నొక్కితే వెనక్కు.. కంట్రోల్, రైట్ యారో బటన్లను కలిపి నొక్కితే కర్సర్ ముందుకు కదులుతుంది. మొత్తం పేరాను ఒకేసారి సెలెక్ట్ చేయాలనుకుంటే షిఫ్ట్, కంట్రోల్, అప్ లేదా డౌన్ యారో బటన్లను కలిపి నొక్కితే సరి.
* ఏదైనా పదాన్ని గానీ పేరాను గానీ చిన్నగా చేయాలంటే దాన్ని సెలెక్ట్ చేసుకొని కంట్రోల్, ప్లస్ గుర్తు మీటలను కలిపి నొక్కొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
‘అప్పుడు ఆత్మహత్య చేసుకోవాలనుకున్నా’: బైడెన్
-
నక్కపల్లి వద్ద ఘోర ప్రమాదం: ముగ్గురి మృతి
-
అమెజాన్ గ్రేట్ సమ్మర్ సేల్ తేదీలు వచ్చేశాయ్.. ఈ ఫోన్లపై డిస్కౌంట్
-
ఈనాడు.నెట్లో టాప్ 10 వార్తలు @ 5 PM
-
మారుతీ నుంచి అందుబాటు ధరకే త్వరలో హైబ్రిడ్ కారు
-
వాటిని తెంచుకున్నంత సులువుగా ప్రేమను వదులుకోలేకపోయా: కమల్ హాసన్