ఎదగటానికో ఏఐ కోచ్!
జీవితంలో ఎదగాలని అంతా కోరుకుంటారు.పెద్ద ఉద్యోగం సంపాదించాలనో, వ్యాపారంలో రాణించాలనో, సమాజంలో పై స్థాయికి చేరుకోవాలనో అనుకోవటం సహజమే. అయితే ఇది అనుకున్నంత తేలిక కాదు. ఎప్పటికప్పుడు కొత్త నైపుణ్యాలు సంపాదించుకోవాలి.
జీవితంలో ఎదగాలని అంతా కోరుకుంటారు.పెద్ద ఉద్యోగం సంపాదించాలనో, వ్యాపారంలో రాణించాలనో, సమాజంలో పై స్థాయికి చేరుకోవాలనో అనుకోవటం సహజమే. అయితే ఇది అనుకున్నంత తేలిక కాదు. ఎప్పటికప్పుడు కొత్త నైపుణ్యాలు సంపాదించుకోవాలి. మానసిక ధోరణి మార్చుకోవాలి. ప్రతికూల ఆలోచనల నుంచి విముక్తం కావాలి. సానుకూల భావాలను పెంపొందించుకోవాలి. లక్ష్య సాధనలో నిరంతరం పురోగతిని సమీక్షించుకుంటూ, దారి తప్పకుండా ముందడుగు వేయటం చాలా ముఖ్యం. అప్పుడే గమ్యం త్వరగా చేరువవుతుంది. ఇది అన్నిసార్లూ అందరికీ సాధ్యం కాకపోవచ్చు. అలాగని నిరాశ తగదు. ఇప్పుడు ఆన్లైన్లో మంచి వెబ్సైట్లు, యాప్లెన్నో ఉన్నాయి. ప్రస్తుతం కృత్రిమ మేధ (ఏఐ) కూడా తోడై ఇవి మరింత శక్తిమంతమవుతున్నాయి. ఆయా అవసరాలకు అనుగుణంగా వ్యక్తిగత, వృత్తిగత నైపుణ్యాలను మెరుగు పరచుకోవటానికి తోడ్పడుతున్నాయి. సమస్యలను, సవాళ్లను అధిగమించి త్వరగా జీవితంలో వృద్ధి చెందటానికి దోహదం చేస్తున్నాయి. అలాంటి కొన్ని ఏఐ యాప్లు, వెబ్సైట్లు ఇవిగో..
రాకీ మైండ్ సెటర్
ఇదో ఏఐ వ్యక్తిగత కోచ్ యాప్. మైండ్సెట్ను మలచుకోవటానికి తోడ్పడే ఇది జీవితంలో పెద్ద లక్ష్యాలు, ఆశయాలు చేరుకోవటానికి ఆయా వ్యక్తులకు అనుగుణంగా ఛాట్బాట్ రూపంలో సూచనలు, సలహాలు ఇస్తుంది. దీని సెటింగ్స్లో బహుళ నైపుణ్యాలు, గుణాల వంటి ఫీచర్లెన్నో ఉంటాయి. ఇవి భవిష్యత్తును మంచిగా తీర్చిదిద్దుకునే క్రమంలో స్పష్టంగా మాట్లాడటం, మరింత ఆత్మ విశ్వాసంగా ఉండటం, కెరియర్ వృద్ధి వంటి విషయాల్లో తోడుగా నిలుస్తాయి. ఆయా లక్ష్యాలను చేరుకోవటానికి నడవాల్సిన మార్గాలనూ రాకీ సూచిస్తుంది. ముందుగా మన మానసిక ధోరణిని, ఆశయాలను అర్థం చేసుకుంటుంది. ఆ తర్వాతే వ్యక్తిగత వృద్ధికి తోడ్పడే పనులను, సలహాలను సూచిస్తుంది. రాకీతో ఛాట్ చేసే సమయంలో మన ప్రతిస్పందలను బట్టి ఇంకాస్త ఎత్తుకు ఎదగటానికి సాయం చేసే కథనాలనూ ముందుంచుతుంది. పాజిటివ్ సైకాలజీ పునాదుల మీద రాకీని రూపొందించారు. అందువల్ల పరిష్కార దృక్పథంతో సవాళ్లను ఎదుర్కోవటంలో సాయం చేస్తుంది. ఇందులో మనం చేరుకోవాల్సిన గమ్యానికి సంబంధించిన నోటిఫికేషన్నూ జోడించుకోవచ్చు. ఇది మనకు ఎలాంటి సలహాలు కావాలో రాకీ నిర్ణయించుకోవటానికి ఉపయోగపడుతుంది.
మైండ్బ్యాంక్ ఏఐ కవల తోడు
డిజిటల్ కవలను రూపొందించి, వ్యక్తిగత ఎదుగుదలకు తోడ్పడటం దీని ప్రత్యేకత. ఇది జేబులో ఉంటే సైకాలిజిస్టు వెంట ఉన్నట్టే. మనం మాట, రాత రూపంలో ఇచ్చే సమాచారాన్ని బట్టి సవివరంగా వ్యక్తిత్వ తీరును విశ్లేషించుకుంటుంది. రోజుకు ఒక ప్రశ్నకు సమాధానం ఇస్తే చాలు. మన బలాలు, బలహీనతలను లోతుగా అర్థం చేసుకుంటుంది. దీనిలోని కృత్రిమ మేధ ‘ఫైవ్ ఫ్యాక్టర్ మోడల్’ సాయంతో వ్యక్తిత్వాన్ని విశ్లేషిస్తుంది. మొత్తంగా అప్రమత్తత, అంగీకార గుణం, విశాల దృక్పథం, ప్రతికూలాత్మత, కలుపుగోలుతనం విభాగాలుగా వర్గీకరిస్తుంది. వీటి మీద క్లిక్ చేస్తే గణాంకాల రూపంలో మన గుణగణాల వివరాలు కనిపిస్తాయి. గ్రాఫ్ల కింద కనిపించే వ్యక్తిత్వం తీరును బట్టి జీవితంలో పైకి ఎదగటానికి ఏయే జాగ్రత్తలు తీసుకోవాలో తెలుసుకోవచ్చు. ఈ యాప్ తొలిసారే కచ్చితమైన సూచనలు ఇవ్వకపోవచ్చు. తరచూ వాడుతుంటే మన నుంచి కొంత విలువైన సమాచారాన్ని గ్రహిస్తుంది. ఎన్ని ఎక్కువ ప్రశ్నలకు సమాధానాలు ఇస్తుంటే అంత కచ్చితంగా సలహాలు, సూచనలు అందజేస్తుంది. బలహీనతలను అధిగమించటంలో తోడ్పడుతుంది.
రిఫ్లెక్టర్ తక్షణ ఫీడ్బ్యాక్
ఇదో డైరీలాంటి జర్నలింగ్ యాప్. తక్షణం ఫీడ్బ్యాక్ ఇస్తూ మరింత త్వరగా వృద్ధి చెందటానికి దోహదం చేస్తుంది. సాధారణంగా జర్నలింగ్ యాప్స్ మనం రాసే విషయాలను మాత్రమే రికార్డు చేస్తుంటాయి. కానీ రిఫ్లెక్టర్ అలా కాదు. రాసిన విషయాన్ని విశ్లేషించుకొని, సలహా ఇస్తుంది. ఇలా ముందుకు సాగటానికి పురికొల్పుతుంది. ఆలోచనలను సుదృఢం చేస్తుంది. ఒకవేళ తొందరలో ఏదైనా రాసినా కూడా రిఫ్లెక్టర్ అంతే వేగంగా వాటిని గ్రహించి, నిక్షిప్తం చేసుకుంటుంది. ఏదైనా విషయాన్ని వెతికితే దానంతటదే కామెంట్లు, ట్యాగ్స్ సృష్టిస్తుంది. దీనిలోని ఇన్సైట్ విభాగం రోజు, వారం వారీగా పునఃశ్చరణ చేస్తుంది. ఆ వారమంతా మన ఆలోచనల సమాహారాన్ని ముందుంచుతుంది. మనం వెతకాల్సిన శ్రమ తప్పుతుంది. ఎప్పుడైనా ఆలోచనలు తట్టకపోతే ఇన్స్పిరేషన్ విభాగం సాయం చేస్తుంది. రోజూ మంచి మంచి సూక్తులు, రాత చిట్కాలను సూచిస్తుంది. రిఫ్లెక్టర్లో మరో శక్తిమంతమైన ఫీచర్ కామెంట్స్. ఇది మనం రాసిన విషయాలను ఐదు కోణాల్లో వ్యాఖ్యానిస్తుంది. విశాల దృక్పథం గలవారికి, త్వరగా జీవితంలో పైకి ఎదగాలని అనుకునేవారికి రిఫ్లెక్టర్ మంచి ఎంపిక కాగలదు.
స్క్రైబ్లర్ సారాంశ గని
ఇదొక ఆన్లైన్ టూల్. జీవితంలో, కెరీర్లో త్వరగా పైకి రావాలనుకునేవారు తమను ప్రోత్సహించే ఆలోచనలు, సూచనలు, సలహాల కోసం దీన్ని ప్రయత్నించొచ్చు. దీని ప్రత్యేకత- ప్రఖ్యాత పర్సనల్ గ్రోత్ పాడ్కాస్ట్ల సారాంశాలను సృష్టించి, ముందుంచటం. మామూలుగా పాడ్కాస్ట్లు 30 నిమిషాల కన్నా ఎక్కువ నిడివి కలిగుంటాయి. వీటిల్లో కెరీర్, స్వీయ వృద్ధికి సంబంధించిన అంశాలను వెతకటం కష్టం. ఇలాంటి ఇబ్బందిని స్క్రైబ్లర్ దూరం చేస్తుంది. ఇది పాడ్కాస్ట్ల సారాంశాన్ని గుది గుచ్చి, అంశాల వారీగా వర్గీకరించి ముందుంచుతుంది. ఇలా అవసరమైన అంశాన్ని తేలికగా, కచ్చితంగా కనుక్కోవటానికి వీలు కల్పిస్తుంది. స్క్రైబ్లర్లోని సెర్చ్ టూల్ ద్వారా కొత్త పాడ్కాస్ట్లను వెతుక్కోవచ్చు. పాడ్కాస్ట్ నుంచి యూట్యూబ్ వీడియోకు మారే సదుపాయమూ ఉంది. మనం వెతికే అంశాన్ని బట్టి పాడ్కాస్ట్లను సూచిస్తుంది కూడా. కావాలనుకుంటే పాడ్కాస్ట్స్ విభాగంలోకి వెళ్తే స్వీయ వృద్ధి, ఉత్పాదకత, న్యూరోసైన్స్ మీద బోలెడన్ని ట్రెండింగ్ పాడ్కాస్ట్లు కనిపిస్తాయి. త్వరగా ఆరోగ్య సంరక్షణ లక్ష్యాలను సాధించాలనుకునే వారికీ ఇందులో ఆరోగ్య, వ్యాయామ ఫీచర్లు ఉంటాయి.
డైరెక్షన్ ఏఐ ప్లానర్
ఉపయోగపడని అలవాట్లను విడిచిపెట్టటానికి, సరైన పనులు చేయటానికి తోడ్పడే యాప్ ఇది. ఏఐ కోచింగ్తో లక్ష్యాన్ని ముడిపెడుతుంది. ఇలా నిరంతరం ప్రోత్సహిస్తుంది. జీవితంలో పైకి ఎదిగే విషయంలో ఎక్కడ, ఎలా మొదలెట్టాలో తెలియక తికమక పడేవారికి సైతం రకరకాల ఆలోచనలను సూచిస్తుంది. వాటిపై చర్చిస్తుంది. రోజులో దేనికి ప్రాధాన్యం ఇవ్వాలో తెలుసుకోవటానికీ డైరెక్షన్ యాప్ను ఉపయోగించుకోవచ్చు. ఆయా పరిస్థితుల పర్యవసానాలు అర్థం చేసుకోవచ్చు. యాప్లో సెట్ చేసుకున్న లక్ష్యాన్ని చేరుకోవటానికిది సలహాలూ ఇస్తుంది. సాధారణంగా ఛాట్జీపీటీ వంటి లాంగ్వేజ్ మోడళ్లు అడిగిన విషయానికి నేరుగా సమాధానాలిస్తాయి. కానీ డైరెక్షన్ యాప్ ప్రశ్నలను సంధిస్తూ జవాబులిస్తుంది. అచ్చం కోచ్ మాదిరిగానే వ్యవహరిస్తుందన్నమాట. దీనిలోని గోల్-సెటింగ్ టూల్స్ను ఉచితంగా వాడుకోవచ్చు. ఏఐ కోచింగ్ సేవలు పొందాలంటే నెలవారీ చందా కట్టాల్సి ఉంటుంది.
ఫింగర్ప్రింట్ ఫర్ సక్సెస్ ఆన్లైన్ కోచింగ్ వేదిక
ఇది కృత్రిమ మేధతో కూడిన ఆన్లైన్ కోచింగ్ వేదిక. వ్యక్తిగత, వృత్తిగత నైపుణ్యాలను మెరుగు పరచుకోవటంలో సాయం చేస్తుంది. ఈ వెబ్సైట్లో కోచ్ మార్లీ అనే ఏఐ కోచ్ ఉంది. దీన్ని ప్రసిద్ధ కోచ్ మిషెల్ డువల్ రూపొందించారు. ఇది వివిధ బోధన ప్రోగ్రామ్ల ద్వారా బలాలను పెంచుకోవటానికి, బలహీనతలను అధిగమించటానికి శిక్షణ ఇస్తుంది. సాధించాలనుకునే లక్ష్యాన్ని సెట్ చేసుకోవటం ద్వారా అవసరమైన సిఫారసులను ఇచ్చేలా మార్చుకోవచ్చు. ప్రతి కోచింగ్ ప్రోగ్రామ్లో యూజర్ రేటింగ్, కోర్సు అవధి కనిపిస్తాయి. చాలా కోర్సులు 8 వారాల వరకు ఉంటాయి. స్వల్పకాల కోర్సులైతే వారంలోనే ముగుస్తాయి. ఇందులో ప్రోగ్రామ్లతో పాటు ప్రత్యేక ఆలోచనల కోసం ఇన్సైట్స్, స్వీయ ఎదుగుదలను కొలిచే మీ ఓవర్ టైమ్ విభాగాలు కూడా ఉండటం గమనార్హం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
నన్ను చంపేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్