ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం.
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. దీని పేరు సోరా. టెక్స్ట్ ప్రాంప్ట్ను వీడియోగా మార్చటం దీని ప్రత్యేకత. ఇప్పటివరకూ జెన్ఏఐకి అంతగా కొరుకుడు పడని ఈ విద్యను తాజా మోడల్ సుసాధ్యం చేసేసి అబ్బురపరుస్తోంది.
యూజర్ ప్రాంప్ట్ను కచ్చితంగా పాటిస్తూ, దృశ్య నాణ్యతలో రాజీ పడకుండా నిమిషం నిడివి వీడియోలను సృష్టిస్తూ సోరా ఔరా అనిపిస్తోంది. పలు పాత్రలతో సంక్లిష్ట దృశ్యాలనూ ఇది పుట్టిస్తుండటం గొప్ప విషయం. అదీ నేపథ్యం, ఆయా అంశాల వివరాలను కచ్చితంగా ప్రతిబింబిస్తోంది. వాస్తవ ప్రపంచంలో అవి ఎలా ఉంటాయో కూడా సోరా అర్థం చేసుకోగలదని ఓపెన్ ఏఐ పేర్కొంటోంది. అయితే ఇంకా పరిపూర్ణత సాధించాల్సి ఉందని, ఇంకాస్త సంక్లిష్టమైన ప్రాంప్ట్లకు స్పందించటం నేర్చుకోవాల్సి ఉందని చెబుతోంది.
ఏంటీ దీని గొప్పతనం?
జనరేటివ్ ఏఐ రోజురోజుకీ నైపుణ్యాన్ని పెంపొందించు కుంటోంది. ఇప్పటికే ప్రాంప్ట్ల ఆధారంగా ఛాట్జీపీటీ అక్షర రూపంలో సమాచారాన్ని అందిస్తోంది. ఆన్లైన్లో ఉన్న విషయాన్ని ఒకదగ్గర గుది గుచ్చి ఇవ్వటం చాలామందిని ఆకర్షిస్తోంది. పదాల సాయంతో ఇమేజ్లను, సంగీతాన్నీ సృష్టించటం నేర్చుకుంది. కానీ టెక్స్ట్ ప్రాంప్ట్లతో వీడియోను రూపొందించే ప్రక్రియే కాస్త వెనకబడింది. కదులుతున్న వస్తువులను 3డీలో విశ్లేషించటం సంక్లిష్టమైంది కావటం పెద్ద అడ్డంకిగా నిలుస్తోంది. వీడియో అనేది ఇమేజ్ల పరంపర కాబట్టి ఒకే కొలతల్లో వాటిని కూర్చాల్సి ఉంటుంది కూడా. ఇలాంటి సవాళ్లను అధిగమించటంలో సోరా విజయం సాధించింది. భాషను లోతుగా అర్థం చేసుకోవటంలో, ప్రాంప్ట్లను కచ్చితంగా ఊహించటం, వేర్వేరు భావోద్వేగాలను పలికించే పాత్రలను సృష్టించటంలో పురోగతి సాధించింది. ఇది ఒకే వీడియోలో వేర్వేరు షాట్లనూ సృష్టించగలదు. అదీ పాత్రల రూపురేఖల్లో ఎలాంటి తేడా లేకుండా. దీని పనితనాన్ని చూపించే కొన్ని ఊదాహరణలనూ ఎక్స్లో పోస్ట్ చేశారు. ‘అందమైన, మంచు కురుస్తున్న టోక్యో పట్టణం. ఆ వాతావరణాన్ని ఆస్వాదిస్తున్న ప్రజలు. దగ్గరలో దుకాణాలు. గాల్లో ఎగురుతున్న మంచు స్ఫటికాలు’ ఇలాంటి వాతావరణంతో కూడిన దృశ్యాన్ని జనరేట్ చేయమని అడగగానే అచ్చం అలాంటి వీడియోనే సృష్టించేసింది.
ఇతర కంపెనీలూ..
ఓపెన్ ఏఐ సంస్థ ఒక్కటే కాదు.. పలు ఇతర టెక్ కంపెనీలూ టెక్స్ట్-టు-వీడియో రంగంలోకి దిగుతున్నాయి. గూగుల్కు చెందిన ల్యూమిరే ఐదు సెకండ్ల వీడియోను సృష్టించగలదు. ఇది ఒక్క టెక్స్ట్తోనే కాకుండా ఇమేజ్ ప్రాంప్ట్లనూ వాడుకుంటుంది. రన్వే, పికా వంటి కంపెనీలూ టెక్స్ట్-టు-వీడియో మోడళ్ల విషయంలో గణనీయమైన ప్రగతిని సాధించాయి.
ఇప్పుడు కొందరికే..
ప్రస్తుతం ఎంపిక చేసిన కొందరికే సోరాను అందుబాటులోకి తెచ్చారు. ఓపెన్ ఏఐ ప్రొడక్టుల్లో దీన్ని చేర్చటానికి ముందు కొన్ని భద్రత చర్యలు తీసుకోవాల్సి ఉందని కంపెనీ ప్రకటించింది. ప్రజలకు అందుబాటులోకి తేవటానికి ముందు సెక్యూరిటీ నిపుణులు, విధాన కర్తలు ప్రయత్నించటం కోసం దీన్ని అందుబాటులో ఉంచాలని భావిస్తున్నారు. అవాస్తవాలు, రెచ్చగొట్టే అంశాలను సృష్టించకుండా చూడటానికే ఈ ప్రయత్నం. అవసరమైన సూచనలు తీసుకునే ఉద్దేశంతో నటులు, డిజైనర్లు, దర్శకులకూ సోరాను వాడుకోవటానికి అనుమతించారు. ఇది సోరాను మరింత మెరుగు పరచటానికి తోడ్పడుతుంది. తప్పుడు అంశాలను గుర్తించేందుకు డిటెక్షన్ క్లాసిఫయర్ వంటి టూల్స్నూ అభివృద్ధి చేస్తున్నారు. ఇది సోరా సాయంతో వీడియోను ఎప్పుడు జనరేట్ చేశారో తెలియజేస్తుంది.
లోపాలు లేకపోలేదు
సోరాలో కొన్ని లోపాలు లేకపోలేదని ఓపెన్ ఏఐ చెబుతోంది. సంక్లిష్ట దృశ్యాల తీరుతెన్నులను కచ్చితంగా సృజించటంలో ఇబ్బంది పడొచ్చని వివరిస్తోంది. కొన్ని పనులకు సంబంధించి కార్య కారణ ప్రభావాన్ని అర్థం చేసుకోలేకపోవచ్చు. ఉదాహరణకు- ఎవరైనా బిస్కట్ను కొరికిన తర్వాత దాని మీద పళ్ల గుర్తు పడకపోవచ్చు. ప్రాంతాలకు సంబంధించిన ప్రాంప్ట్ల విషయంలోనూ తికమక పడొచ్చు. కుడి, ఎడమలను కలగలపొచ్చు. కెమెరా ఫోకస్ చేసే దారిని అనుసరించటంలోనూ ఇబ్బంది పడొచ్చు. ఏ పరిజ్ఞానానికైనా ఆదిలో ఇలాంటి ఇక్కట్లు తప్పవు. రాన్రానూ మెరుగవటం చూస్తూనే ఉన్నాం. ఛాట్జీపీటీ గత ఐదేళ్లలో ఎంత గణనీయంగా మెరుగుపడిందో ప్రత్యక్షంగా గమనిస్తూనే ఉన్నాం. టెక్స్ట్-టు-వీడియో మోడళ్లూ మున్ముందు నైపుణ్యాన్ని గణనీయంగా మెరుగు పరచుకోవటం ఖాయం. అప్పుడు కేవలం పదాల ఆధారంగానే చిన్నపాటి సినిమాలు సృష్టించినా ఆశ్చర్యపోనవసరం లేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
నన్ను చంపేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్