భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి.
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. ఒకేలాంటి పరికరాలు బోర్ కొట్టవూ? అందుకే వీటిని వినూత్నంగా మార్చి, వినియోగదారులను ఆకట్టుకోవటమెలా అనే దానిపై కంపెనీలు నిరంతరం ఆలోచిస్తుంటాయి. తమ ప్రయోగాలను ప్రత్యేక టెక్ షోల్లో ప్రదర్శిస్తుంటాయి. ఇటీవల స్పెయిన్లోని బార్సిలోనాలో నిర్వహించిన మొబైల్ వరల్డ్ కాంగ్రెస్లో ఇలాంటి కొంగొత్త పరికరాలెన్నో కనిపించాయి.
ఫోనే వాచీ
స్మార్ట్ఫోన్, స్మార్ట్వాచీ, ఫిట్నెస్ ట్రాకర్.. అన్నీ కలగలిస్తే ఎలా ఉంటుంది? సామ్సంగ్ క్లింగ్ బ్యాండ్లా ఉంటుంది. బ్రేస్లెట్ మాదిరిగా చేతికి చుట్టుకునే దీనిలో మూడు పరికరాలూ ఒదిగిపోయి ఉంటాయి మరి. ఇటీవల స్మార్ట్ వాచ్లు బాగా తెలివి మీరిపోతున్న నేపథ్యంలో ఇలాంటి వినూత్న ఆలోచన చేశారు. స్మార్ట్వాచీలకు చిన్న తెర పెద్ద సమస్య. టైప్ చేయటం కష్టం. మరి పరికరం మొత్తమూ టచ్స్క్రీన్ అయిపోతే? ఫొటోలు స్క్రోల్ చేయటం దగ్గరి నుంచి వెబ్ బ్రౌజ్ చేయటం, మెసేజ్లు టైప్ చేయటం వంటివన్నీ సాధ్యమైతే? సామ్సంగ్ క్లింగ్ బ్యాండ్తో ఇవన్నీ చేసుకోవచ్చు.
మోటొరోలా సంస్థ కూడా తక్కువేమీ తినలేదు. వెనక్కు వంగే తెరతో కూడిన ఫోన్ను తీసుకొచ్చింది. చేత్తో పట్టుకుంటే మామూలుగా ఆండ్రాయిడ్ ఫోన్లాగే వాడుకోవచ్చు. అవసరమైతే వంచి, చేతికి చుట్టుకోనూ వచ్చు. చివర్లలో అయస్కాంత పట్టీ ఉండటం వల్ల చేతికి అలాగే అంటుకొని ఉంటుంది. అప్పుడది స్మార్ట్వాచ్ మాదిరిగానూ పనిచేస్తుంది. నోటిఫికేషన్లను చూసుకోవటంతో పాటు యాప్లనూ స్క్రోల్ చేయొచ్చు. ఫోన్ను వెనక్కి వంచి స్టాండు లేకపోయినా టేబుల్ మీద నిలువుగా నిలిపి ఉంచుకోవచ్చు.
స్మార్ట్ ఉంగరం
ఆవిష్కరణల విషయంలో సామ్సంగ్ నిరంతరం కొత్తపుంతలు తొక్కుతూనే ఉంటుంది. ఈసారి గెలాక్సీ రింగ్తో అబ్బుర పరిచింది. ఇదో స్మార్ట్ ఉంగరం. స్మార్ట్వాచీని చేతికి ధరిస్తే దీన్ని వేలికి తొడుక్కోవచ్చు. నిద్ర పోతున్నప్పుడు తీయాల్సిన అవసరమేమీ ఉండదు. సెన్సర్లతో కూడిన ఈ స్మార్ట్ ఉంగరంలో ఆరోగ్యాన్ని ట్రాక్ చేసే ఫీచర్లు ఎన్నో ఉంటాయి. దీన్ని ధరిస్తే ఫిట్నెస్ సమాచారంతో పాటు నిద్ర తీరుతెన్నులనూ తెలియజేస్తుంది. ఒకసారి ఛార్జ్ చేస్తే ఐదు నుంచి తొమ్మిది రోజుల వరకు పనిచేస్తుందని తెలుస్తోంది. బహిరంగ మార్కెట్లోకి కచ్చితంగా ఎప్పుడు విడుదల చేస్తారో తెలియదు గానీ ఈ సంవత్సరం చివర్లో అందుబాటులోకి రావొచ్చని భావిస్తున్నారు.
యాప్ రహిత ఫోన్
స్మార్ట్ఫోన్ అంటేనే యాప్ల పుట్ట. మరి ఒక్క యాపైనా లేకపోతే? డాయిషే టెలికాం కంపెనీ అలాంటి ప్రయోగాత్మక ఫోన్నే ప్రదర్శించింది. అమెరికా అంకురసంస్థ బ్రెయిన్.ఏఐ సహకారంతో రూపొందించిన దీని ఇంటర్ఫేస్ విభిన్నంగా ఉంటుంది. ఇందులో ఒక్కటంటే ఒక్క యాపైనా లేకపోవటం విచిత్రం. ఏఐ ఆధారిత పర్సనల్ అసిస్టెంట్ ఒక్కటే నిక్షిప్తమై ఉంటుంది. ఇదే అన్ని పనులూ చేసి పెడుతుంది. ఇష్టమైన సామాజిక మాధ్యమాల యాప్లు లేని ఫోన్ని ఊహించుకోవటం కష్టమే గానీ అధునాతన ఏఐ రాకతో అప్లికేషన్లకు కాలం చెల్లినట్టే అనిపిస్తోంది. ఆమధ్య వచ్చిన హ్యూమేన్ ఏఐ పరికరం గురించి తెలిసిందే కదా. చొక్కాకు తగిలించుకునే ఇది మాటల ఆదేశాలతోనే కాల్స్తో పాటు ఇంటర్నెట్తో అన్ని పనులూ చేసేస్తుంది. లేజర్ కాంతి సాయంతో చేతినే తెరలా మార్చేస్తుంది. ఇలాంటి చిత్ర విచిత్రాలు ఇంకా ఎన్ని పుట్టుకొస్తాయో?
విస్తరించే తెర
ఇప్పటికే మడత ఫోన్లతో అలరిస్తున్న టెక్నో కంపెనీ తాజాగా విస్తరించే తెర ఫోన్ను ఆవిష్కరించింది. ఇప్పటివరకూ డెమో వీడియోల్లోనే ప్రదర్శించిన ఈ కాన్సెప్ట్ను ప్రయోగాత్మక పరికరం రూపంలోకి తీసుకొచ్చింది. దీని పేరు ఫాంటమ్ అల్టిమేటమ్. నిజానికి దీని అసలు తెర సైజు 6.55 అంగుళాలు. కానీ ఫోన్ మీదుండే చిన్న బటన్ను నొక్కితే తెర విస్తరిస్తుంది. అప్పుడది 7.11 అంగుళాల తెరగా మారుతుంది. కేవలం 1.3 సెకండ్ల సమయంలోనే తెర విస్తరిస్తుంది. ఇలా ఫోన్ కాస్తా ట్యాబ్లెట్లా మారుతుంది. విస్తరించకుండా ఉన్నప్పుడు ఈ తెర ఫోన్కు అవతలి వైపున పరచుకొని ఉంటుంది. అంటే రెండు వైపులా తెర ఉంటుందన్నమాట. కాకపోతే అవతలి వైపున తెర అడ్డంగా కనిపిస్తుంది. ఇందులో టైమ్, నోటిఫికేషన్ల వంటివి కనిపిస్తాయి.
పారదర్శక ల్యాప్టాప్
మొబైల్ వరల్డ్ కాంగ్రెస్ ఒక్క ఫోన్లకే పరిమితం కాదు. వినూత్న పీసీలు, ల్యాప్ టాప్లకూ వేదికే. వీటి విషయంలో లెనోవా సంస్థ అందరి దృష్టిని ఆకర్షించింది. కొన్ని టీవీల మాదిరిగా పూర్తి పారదర్శక తెరతో కూడిన ల్యాప్టాప్ను ప్రదర్శించింది. దీని సైజు 17 అంగుళాలు. కీబోర్డు స్థానంలోనూ ప్యానెల్ను తీసుకొచ్చారు. ఇది వర్చువల్ కీబోర్డులా పనిచేస్తుంది. అలాగే బొమ్మలు గీయటం వంటి పనుల కోసం టచ్స్క్రీన్ మాదిరిగానూ ఉపయోగపడుతుంది.
భలే ఆటో కాక్పిట్
కన్జ్యూమర్ గ్రేడ్ చిప్సెట్లకు, టెలికం సొల్యూషన్లకు మారుపేరైన మీడియాటెక్ సంస్థ ఇతర విభాగాలకూ విస్తరిస్తోంది. చిప్ తయారీ, స్మార్ట్ డిస్ప్లే, నావిగేషన్, చివరికి 5జీతో కార్ల అనుసంధానం వంటి అన్ని టెక్నాలజీలు కలగలసిన డైమెన్సిటీ ఆటో కాక్పిట్ ప్రదర్శనతో ఆకట్టుకుంది. ఇది కృత్రిమ మేధతో కూడిన మల్టీ-ప్రాసెసర్ ఆధారిత డీప్లెర్నింగ్ యాక్సిలరేటర్ (ఎండీఎల్ఏ), విజన్ ప్రాసెసింగ్ యూనిట్ (ఎంవీపీయూ)తో పనిచేస్తుంది. ఈ టెక్నాలజీలన్నీ బోలెడన్ని కెమెరాలు, మైక్రోఫోన్లు, ఏఐ సన్నద్ధ చిప్సెట్లతో కార్లను ఆధునికీకరిస్తాయన్నమాట. అధునాతన డ్రైవర్ అసిస్టెంట్ సిస్టమ్ సాయంతో ఇతర కార్లతో కమ్యూనికేట్ అయ్యేలా చేస్తాయి. ఫలితంగా సురక్షిత ప్రయాణానికి వీలు కల్పిస్తాయి.
రోబో శునకం
టెక్నో సంస్థ డైనమిక్ 1 పేరుతో రోబో శునకాన్ని పరిచయం చేసింది. జర్మన్ షెఫర్డ్ జాతి కుక్క స్ఫూర్తితో దీన్ని రూపొందించారు. ఇది నిజం కుక్క మాదిరిగానే ప్రవర్తిస్తుంది. మెట్లు ఎక్కటం, గెంతటం, షేక్ హ్యాండ్ ఇవ్వటం, రెండు కాళ్ల మీద నిల్చోవటం వంటివన్నీ చేస్తుంది. ఏఐ హైపర్సెన్స్ ఫ్యూజన్ సిస్టమ్ సాయంతో పనిచేసే ఇందులో 8-కోర్ ఏఆర్ఎం సీపీయూ ఉంటుంది. రియల్సెన్స్ డీ430 డెప్త్ కెమెరా, డ్యుయల్ ఆప్టికల్ సెన్సర్లు, ఇన్ఫ్రారెడ్ సెన్సర్లతో కూడిన ఈ మర శునకం చుట్టుపక్కల పరిసరాలను పసిగట్టి, విశ్లేషించగలదు. ఫొటోలు తీయగలదు. మైక్రోఫోన్ కూడా ఉండటం వల్ల మాటలకు అనుగుణంగానూ స్పందిస్తుంది. బ్లూటూత్, వైఫైతో అనుసంధానమై స్మార్ట్ఫోన్ యాప్ లేదా రిమోట్తో ఆదేశాలను అందుకుంటుంది. హెడ్లైట్ వ్యవస్థ ఉండటం వల్ల దారిని వెలుగుతో నింపుతుంది. సెకండుకు 3.7 మీటర్ల వేగంతో కదిలే ఇది పరుగెత్తుతున్నప్పుడు అడ్డంకులనూ దాటుకుంటుంది. ఒకసారి ఛార్జ్ చేస్తే 90 నిమిషాల సేపు పని చేస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్వచ్ఛ ఒలింపిక్స్
ఒలింపిక్ క్రీడలకు పారిస్ నగరం సమాయత్తమైంది. ప్రపంచంలోని నలుమూలల నుంచి వచ్చే క్రీడాకారులు, క్రీడాభిమానులతో విశ్వ నగరం కొత్త శోభలు సంతరించుకుంటోంది. -
వినూత్న ఫొటోనిక్స్
ఎలక్ట్రానిక్స్ రంగంలో ఎలక్ట్రాన్ల పాత్ర కీలకం. ఇవి ఒక చోటు నుంచి మరో చోటుకు డేటాను చేరవేయటం వంటి దగ్గరి దారులకు బాగా ఉపయోగపడతాయి. -
1పాస్వర్డ్ మారింది
పలు కొత ఫీచర్లతో 1పాస్వర్డ్ భారీగా అప్డేట్ అయ్యింది. మాస్టర్ పాస్వర్డ్ను మరిచిపోయినా అకౌంట్ను రికవరీ చేసుకునే వెలుసుబాటూ కల్పించింది. -
నవ్వు శాస్త్రం
నవ్వటం ఒక భోగం! అతిశయోక్తిలా అనిపించినా ఇది నిజం. ఇప్పుడు చాలామంది జీవితాల్లో నవ్వటమనేది కనుమరుగవుతోంది. రోజుకు ఒక్కసారైనా నవ్వనివారు ఎందరో. -
ఎక్కువ సిమ్లు తీసుకున్నారా?
నేటి డిజిటల్ ప్రపంచంలో ఒక్క సిమ్ కార్డు సరిపోవటం లేదు. ఆఫీసు వ్యవహారాలకు ఒకటి, సొంత పనులకు ఒకటి, కుటుంబ పనులకు మరోటి.. ఇలా బోలెడన్ని సిమ్లు ఎడాపెడా తీసేసుకుంటున్నారు. -
ఆన్లైన్ నేరాల మీద చక్షువు
నేటి డిజిటల్ ప్రపంచంలో ఆన్లైన్ నేరాలు పెరిగిపోతున్నాయి. మోసగాళ్లు రకరకాల పద్ధతుల్లో అమాయకులను బురిడీ కొట్టించి డబ్బులు దోచుకుంటున్నారు. -
మనిషిలా మరమనుషులు!
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు. -
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!
-
కమలా.. మా మద్దతు మీకే
-
‘రెడ్బుక్ తెరవక ముందే జగన్ గగ్గోలు’
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి