paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు. ఇంత సుదీర్ఘకాలం అలా ఉన్నవారెవరూ లేరు. పెట్టెలా కనిపించినా నిజానికది ఐరన్ లంగ్. అంటే శ్వాస తీసుకోవటానికి తోడ్పడే సాధనమన్నమాట. కాబట్టే పాల్ అలెగ్జాండర్ ‘ద మ్యాన్ ఇన్ ఐరన్ లంగ్’ అనీ పేరొందారు. ఇటీవల ఆయన మరణంతో ఐరన్ లంగ్ మరోసారి ప్రాచుర్యంలోకి వచ్చింది. ఇది ప్రాణాలను కాపాడే వెంటిలేటర్, ఐసీయూల రూపకల్పనకూ దారితీసింది. ఇంతకీ ఆయన అందులో ఎందుకున్నారు? అసలు ఐరన్ లంగ్ కథేంటి?
ఇప్పుడంటే పోలియో టీకా రావటంతో సరిపోయింది గానీ లేకపోతే ఎంతమంది పిల్లలకు ఐరన్ లంగ్ అవసరమయ్యేదో. పోలియో అంత భయంకరమైన జబ్బు మరి. ఇది శరీరం మీద దాడి చేసి పక్షవాతానికి దారితీస్తుంది. దీంతో కాళ్లూ చేతులే కాదు.. శ్వాస తీసుకోవటానికి తోడ్పడే ఊపిరితిత్తులు, కండరాలు చచ్చుబడితే ప్రాణాపాయమూ సంభవిస్తుంది. ఇక్కడే ఐరన్ లంగ్ ఎంతగానో ఉపయోగపడింది. అప్పట్లో పోలియోతో అవయవాలు చచ్చుబడ్డ పిల్లలను ఇందులోనే పెట్టి, ప్రాణాలను కాపాడేవారు. కాళ్లతో కూడిన శవ పేటికలా కనిపించే ఇది ఎంతోమందిని కాపాడింది. ఊపిరితిత్తులు చచ్చుబడ్డవారికి గాలి పీడనం మార్పులతో శ్వాస తీసుకునేలా చేయటం దీని ప్రత్యేకత. ఇలా ఏళ్ల కొద్దీ ప్రాణాలను కాపాడుతుంది. పాల్ అలెగ్జాండరే దీనికి నిదర్శనం. ఆయనకు ఆరేళ్ల వయసులోనే పోలియోతో కాళ్లూ చేతులూ, ఊపిరితిత్తులు చచ్చుబడ్డాయి. తల, మెడ, నోరు మాత్రమే కదిలేవి. శ్వాస తీసుకోలేక పోవటంతో వైద్యులు ఐరన్ లంగ్లో పెట్టి సంరక్షించారు. కొంచెం సేపు సొంతంగా శ్వాస తీసుకునేలా నేర్చుకున్నప్పటికీ అలెగ్జాండర్ దాదాపు జీవితాంతం అందులోనే గడిపారు.
మరెన్నో ఆవిష్కరణలు
కృత్రిమ శ్వాస విధానమైన మెకానికల్ వెంటిలేషన్ రూపకల్పనలో ఐరన్ లంగ్ను మేలి మలుపుగా భావిస్తారు. పోలియో విజృంభణకు ముందు దీన్ని అంతగా వాడేవారు కాదు. ఐరన్ లంగ్తోనే కృత్రిమ శ్వాస ప్రక్రియ ప్రాముఖ్యాన్ని సంతరించుకుంది. యంత్రంతో శరీరంలోకి గాలి వచ్చి, పోతుండటం ద్వారా ఊపిరితిత్తుల్లో వాయు మార్పిడి తీరును అర్థం చేసుకోవటం సాధ్యమైంది. దీని ఆధారంగానే జాన్ ఏజ్ ఇబ్సన్ తొలి వెంటిలేటర్ను రూపొందించారు. ఆయన 1953లో దీన్ని తయారుచేయటం ఆరంభించారు. పాజిటివ్ ప్రెజర్ వెంటిలేటర్గా ఈ పరికరాన్ని అభివర్ణించారు. నెగెటివ్ పీడనం సాయంతో ఐరన్ లంగ్ రోగి ఊపిరితిత్తులు గాలి పీల్చుకునేలా చేస్తుంది. అదే ఇబ్సెన్ రూపొందించిన వెంటిలేటర్ అయితే పాజిటివ్ పీడనంతో పనిచేస్తుంది. ముక్కుకు వెంటిలేటర్ గొట్టాన్ని జతచేస్తే ఊపిరితిత్తుల్లోకి గాలి నెట్టుకొని వెళ్తుంది. పైగా దీన్ని ఎక్కడికంటే అక్కడికి తీసుకెళ్లొచ్చు. ఐరన్ లంగ్ స్థాయిలో ఇబ్బంది కలిగించదు. ఇలాంటి పాజిటివ్ పీడనం పరికరాన్ని ఆపరేషన్ గదిలో తరచూ ఉపయోగించుకోవచ్చు. ఇదీ ఐరన్ లంగ్ మాదిరిగానే రోగుల ఊపిరితిత్తుల్లోకి గాలిని కొడుతుంది. శ్వాస తీసుకునేలా చేస్తుంది. అనంతరం వెంటిలేటర్లు గణనీయంగా పరిణామం చెందినప్పటికీ ప్రాథమిక సూత్రం పెద్దగా మారలేదు. దాదాపు ఇబ్సెన్ పరికరం పనిచేసినట్టుగానే వీటిని తీర్చిదిద్దుతూ వచ్చారు. ప్రస్తుతం ఐసీయూల్లో రోగుల పడకల పక్కన కనిపించే అధునాతన వెంటిలేటర్లకు మూలం ఆనాటి పోలియో విజృంభణ కాలమే అని చెప్పుకోవచ్చు.
నేటి ఐసీయూ గదుల భావన కూడా ఐరన్ లంగ్ చికిత్స నుంచే పుట్టుకొచ్చింది. అప్పట్లో నెగెటివ్ పీడనంతో కూడిన వెంటిలేషన్ అవసరమైన పోలియో బాధితులను చాలామందిని ఒకే చోట పెట్టి చికిత్స చేస్తుండే వారు. ఇది ఐరన్ లంగ్తోనే సాధ్యం కావటం ఆలోచింప జేసింది. చాలామందిని ఒకే దగ్గర పెట్టి ప్రాణాలను కాపాడొచ్చని దీంతోనే నిరూపితమైంది. ఒకరకంగా మొట్టమొదటి ఐసీయూలూ అవేనని చెప్పుకోవచ్చు. కాబట్టే మత్తుమందు నిపుణులు మొదటి అత్యవసర చికిత్స నిపుణులుగా అవతరించారు. ఎందుకంటే ఇలాంటి చికిత్స గదుల్లో మొదట్లో మత్తు నిపుణులే చికిత్సలు చేసేవారు. సంక్లిష్ట సమస్యలకు ఆయా రంగాల్లో మంచి నైపుణ్యం గలవారు అవసరమనే భావన కూడా ఐరన్ లంగ్ చికిత్సతోనే స్థిరపడింది. ప్రస్తుత ఐసీయూల్లోనూ ఇదే కీలకం. కృత్రిమ శ్వాసను మరింత సమర్థంగా అందించే విధానం మెరుగుపడిన కొద్దీ ఇతర ప్రాణాపాయ జబ్బుల చికిత్సలకూ అవకాశం కలిగించింది. తీవ్ర సెప్సిస్, న్యుమోనియా, ఇన్ఫెక్షన్ల వంటి జబ్బులతో బాధపడేవారిలో శ్వాసకోశ వ్యవస్థ కుప్పకూలటం చూస్తున్నదే. వీరికి ముందుగా వెంటిలేటర్తో కృత్రిమ శ్వాస కల్పించటం ద్వారానే ఇతర అవయవాలు కోలుకునేలా చేస్తుంటారు.
ఎలా పనిచేస్తుంది?
ఐరన్ లంగ్లో ప్రధానమైంది గాలి చొరబడని భారీ లోహ సిలిండర్. సుమారు 295 కిలోల బరువుండే దీనికి తోలు తిత్తులు అనుసంధానమై ఉంటాయి. సిలిండర్లో పోలియో బాధితులను పడుకోబెడతారు. మెడ నుంచి కింది వరకూ శరీరం మొత్తం లోపలే ఉంటుంది. పంపు సాయంతో కదిలే తిత్తులు నిరంతరం పెట్టె లోపలకు, బయటకు గాలి వచ్చేలా చేస్తాయి. ఈ సమయంలో సిలిండర్లో తలెత్తే పీడన ప్రభావంతో ఊపిరితిత్తుల్లోకి గాలి చొచ్చుకెళ్తుంది. శ్వాస తీసుకోవటానికి వీలవుతుంది. ఈ కృత్రిమ శ్వాస ప్రక్రియను ఎక్స్టర్నల్ నెగెటివ్ ప్రెషర్ వెంటిలేషన్ (ఈఎన్పీవీ) అంటారు. ఈ ఐరన్ లంగ్ ఆవిష్కరణతో మనుషులు, యంత్రాల మధ్య విడదీయలేని సంబంధం ఏర్పడిందని చెప్పుకోవచ్చు. ఇది శ్వాస తీసుకోలేక ఇబ్బంది పడుతున్నవారికి తొలిసారిగా ఎక్కువకాలం ఊపిరి తీసుకునే అవకాశం కలిగించింది. శ్వాస ప్రక్రియను పాక్షికంగా లేదా పూర్తిగా ఒక పరికరమే తలకెత్తుకోవటం వైద్యరంగంలోనే గొప్ప మేలి మలుపుగా నిలిచింది. ఐరన్ లంగ్లో పెట్టినవారిలో కొందరు కొద్ది వారాలు, నెలలకే కోలుకునేవారు. ఛాతీ బలం పుంజుకున్నాక, సొంతంగా శ్వాస తీసుకోవటం నేర్చుకున్నాక వారిని బయటకు తీసేవారు. కానీ ఛాతీ కండరాలు శాశ్వతంగా చచ్చుబడ్డవారికి సుదీర్ఘకాలం ప్రాణాలు నిలవడానికి ఇదే ప్రధాన సాధనంగా ఉపయోగపడింది. ఐరన్ లంగ్ ప్రాణాలు నిలవటానికి తోడ్పడినప్పటికీ కొన్ని ఇబ్బందులు లేకపోలేదు. నిరంతరం పెట్టెలోనే ఉండటం రోగులకు, వైద్యులకు ఇబ్బంది కలిగించింది. తాము పరికరంలో చిక్కుకున్నామని రోగులు బాధపడేవారు. డాక్టర్లకేమో మిగతా అవయవాలను పరిశీలించటం, చికిత్స చేయటం కష్టంగా ఉండేది. అయితేనేం? కొంగొత్త వైద్య పరికరాలకు పునాదిగా నిలిచింది. ఊపిరితిత్తుల వంటి అవయవాలకు దన్ను కల్పించటమనే భావన అత్యవసర చికిత్సల్లో కీలకంగా మారింది.
ఎక్కడా ఆగలేదు
జీవితాంతం ఐరన్ లంగ్లోనే ఉండిపోయినప్పటికీ పాల్ అలెగ్జాండర్ చదువులో మేటే. చిన్నప్పుడు పోలియో బారినపడ్డాక 18 నెలలు ఆసుపత్రిలో గడిపారు. ట్రక్కు సాయంతో ఆయనను ఐరన్ లంగ్తో పాటు ఇంటికి చేర్చారు. ఫిజియోథెరపిస్టు, సంరక్షకుల సాయంతో కాసేపు సొంతంగా శ్వాస తీసుకోవటం నేర్చుకున్నారు. ఓపెన్ స్కూలు విధానంలో చదువుకున్నారు. నోట్స్ రాసుకోవటం సాధ్యం కాదు కాబట్టి ఆయా విషయాలను జ్ఞాపకం చేసేవారు. డల్లాస్ హై స్కూల్లో 21 ఏళ్ల వయసులో ఉన్నత విద్య పూర్తి చేశారు. ఇలా ఆ స్కూలులో హాజరు కాకుండా ఉన్నత విద్య పూర్తిచేసిన తొలి వ్యక్తిగా చరిత్రకు ఎక్కారు. అనంతరం సదరన్ మెథడిస్ట్ యూనివర్సిటీ నుంచి స్కాలర్షిప్ అందుకున్నారు. ఆస్టిన్లోని యూనివర్సిటీ ఆఫ్ టెక్సాస్లో చేరి 1978లో డిగ్రీ సాధించారు. అక్కడితోనే ఆగిపోలేదు. ఆ తర్వాత న్యాయవిద్యనూ అభ్యసించారు. ఆస్టిన్ ట్రేడ్ స్కూలులో కోర్టు స్టెనోగ్రాఫర్లకు న్యాయ పరిభాష ఇన్స్ట్రక్టర్గా పనిచేశారు. అంతేకాదు.. శరీరాన్ని నిలువుగా ఉంచే ప్రత్యేక వీల్ఛైర్లో కోర్టుకు హాజరై కేసులూ వాదించారు. అత్యంత ఎక్కువకాలం ఐరన్ లంగ్లో గడిపిన వ్యక్తిగా గిన్నెస్ రికార్డునూ అందుకున్నారు. 2024లో టిక్టాక్ ఖాతాను ఆరంభించి తన జీవితం గురించి వివరించటం ఆరంభించారు. ఆయన చనిపోయేనాటికి 3.30 లక్షల మంది ఫాలోయర్లు ఉండేవారు.
ఎవరు రూపొందించారు?
హార్వర్డ్ టి.హెచ్. చాన్ స్కూల్ ఆఫ్ పబ్లిక్ హెల్త్కు చెందిన ఫిలిప్ డ్రింకర్ 1927లో ఐరన్ లంగ్ను రూపొందించారు. దీన్ని తొలిసారిగా 1928లో ఒక పిల్లాడి ప్రాణాన్ని కాపాడటానికి వాడారు. పోలియో ఉద్ధృతమయ్యాక పోలియో వార్డుల్లో ఇదొక తప్పనిసరి యంత్రంగా మారిపోయింది. పోలియో టీకా అందుబాటులోకి వచ్చేంతవరకూ ఐరన్ లంగ్ ప్రాణాలను కాపాడే సాధనంగా తోడ్పడింది. తీవ్రమైన పోలియో బారినపడ్డ పిల్లలకు ఇదే మొట్టమొదటి చికిత్సగా నిలిచింది. అప్పట్లో దీన్ని అత్యంత అధునాతన వైద్య పరిజ్ఞానంగా భావించేవారు కూడా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
నన్ను చంపేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్