కొత్త మంచు లోకం!
నీరు లేకపోతే మనుగడే లేదు. అందుకే శాస్త్రవేత్తలు మొదటి నుంచీ దీనిపై పరిశోధనలు చేస్తూనే వస్తున్నారు. ఎన్నెన్నో విషయాలను గుర్తించారు.
నీరు లేకపోతే మనుగడే లేదు. అందుకే శాస్త్రవేత్తలు మొదటి నుంచీ దీనిపై పరిశోధనలు చేస్తూనే వస్తున్నారు. ఎన్నెన్నో విషయాలను గుర్తించారు. అయినా ఆశ్చర్యం కలిగిస్తూనే ఉంది. ఆసక్తి రేపుతూనే ఉంది.
తాజాగా కొత్తరకం మంచును కనుగొనటమే దీనికి నిదర్శనం. సౌర మండలంలో, విశ్వంలో మరెక్కడో మనకు తెలియని రూపంలో నీరు ఉండొచ్చనే ఆశనూ ఇది రేకెత్తించింది. రోజువారీ జీవితంలో మనం ద్రవ, ఘన, వాయు రూపాల్లో నీటిని చూస్తుంటాం. వాడుకుంటుంటాం. ఆవిరి వంటి వాయువు.. ప్రవహించే ద్రవం.. ఘనీభవించిన, జారిపోయే మంచు మనకు తెలిసినవే. మనం వాడుకునే మంచులో నీటి అణువులు షడ్భుజి ఆకారంలో వరుసగా అమరి ఉంటాయి. ఈ షడ్భుజి జాలకాలు క్రమ పద్ధతిలో ఒకదాని మీద మరొకటి పేర్చుకొని ఉంటాయి. ఇవి బిగువుగా అంటుకోవు. అందువల్ల సాంద్రత తక్కువ. అందుకే నీటి కన్నా మంచు తేలికగా ఉంటుంది. నీటిపై తేలియాడుతుంది. భూమి మీద పడే ఒత్తిడి, ఉష్ణోగ్రతల వంటివి నీటి అణువులను ఇతర స్ఫటికాల రూపంలోకి మారిపోయేలా చేస్తాయి. నీటికి సంబంధించి 20 రకాల స్ఫటికాల ఆకారాలు ఉన్నట్టు శాస్త్రవేత్తలు గుర్తించారు. 20వ రకం నీటి స్ఫటికాన్ని గత సంవత్సరమే కనుగొన్నారు. ఇవే కాదు.. మరో రెండు రకాల మంచునూ పరిశోధకులు గుర్తించారు. వీటిని అవ్యవస్థిత (అమార్ఫస్) పదార్థాలుగా పిలుచుకుంటున్నారు. ఎందుకంటే వీటిల్లో ఒకటి నీటి కన్నా ఎక్కువ సాంద్రత.. మరోటి తక్కువ సాంద్రత కలిగుంటున్నాయి. వీటిల్లోని స్ఫటికాల ఆకారం సరైన క్రమంలో అమరి ఉండదు. నిజానికి అమార్ఫస్ మంచులు భూమ్మీద ఉండవు. కానీ అంతరిక్షానికి ఆవల, తోకచుక్కల్లో, నక్షత్ర మండలాల మధ్య మేఘాల్లో.. గురుడి ఉపగ్రహమైన యూరోపా వంటి మంచు ప్రపంచాల్లో ఉండే అవకాశముంది. శాస్త్రవేత్తలు 2018లో ‘సూపర్అయోనిక్ వాటర్’నూ సృష్టించారు. ఇది ఒకే సమయంలో ద్రవ, ఘన రూపాల్లోనూ ఉంటుంది! యూనివర్సిటీ కాలేజ్ లండన్కు చెందిన క్రిస్టోఫ్ సాల్జ్మన్ తాజాగా కొత్తరకం అమార్ఫస్ మంచునూ సృష్టించి అబ్బురపరిచారు. ఇది నీటి కన్నా ఎక్కువ, తక్కువ కాకుండా సమానమైన సాంద్రత కలిగుండటం విశేషం.
ఎలా సృష్టించారు?
చాలా సూక్ష్మమైన మంచు స్ఫటికాల మీద అధ్యయనం చేయాలన్నది సాల్జ్మన్ ఆయన బృందం ఉద్దేశం. ఎందుకంటే పెద్ద స్ఫటికాలతో పోలిస్తే ఇవి భిన్నమైన గుణాలను కలిగుంటాయి. వీటిని గుర్తించే క్రమంలోనే కొత్తరకం మంచు జాడ బయటపడింది. ఇదే ఇప్పుడు అబ్బుర పరుస్తోంది. ముందుగా మంచును ద్రవ నత్రజనిలో వేసి మైనస్ 320 డిగ్రీల సెంటీగ్రేడ్ ఉష్ణోగ్రత వరకు చల్లబరిచారు. దీన్ని స్టీలు బంతులతో కూడిన పెట్టెలో వేసి యంత్రం సాయంతో వేగంగా గిలక్కొట్టారు. ఇలా మంచును చిన్న చిన్న భాగాలుగా విడగొట్టాలనేది పరిశోధకుల ప్రయత్నం. అనంతరం పెట్టెను తెరచి చూడగా అనూహ్యమైన సంగతి బయటపడింది. అది మంచు ముద్దలా కాకుండా పూర్తిగా వేరే రూపంలోకి, పొడిగా మారిపోవటం ఆశ్చర్యకరం. దీని స్ఫటిక ఆకారం దాదాపు పూర్తిగా కనుమరుగైంది. అమార్ఫస్ రూపంలోకి మారిపోయింది. అయితే దీని సాంద్రత నీటి కన్నా ఎక్కువ, తక్కువ కాకుండా మధ్యస్థ స్థితిలో ఉండటం గమనార్హం. దాదాపు నీటితో సమానమైన సాంద్రతకు చేరుకుంది. అందుకే దీనికి మీడియం-డెన్సిటీ అమార్ఫస్ (ఎండీఏ) ఐస్గా పేరు పెట్టారు. పెట్టెలోని స్టీలు బంతులు మంచు స్ఫటికాల మీద గణనీయమైన బలాన్ని ప్రయోగించటం వల్ల నీటి అణువుల స్ఫటికాల స్థితులు మారిపోయాయి. దీంతో అవి మరింత బిగుతుగా ఒకదగ్గరకు అమరిపోయాయి.
ఏంటీ ప్రయోజనం?
నీటి గురించి తెలుసుకోవాల్సిన విషయాలు ఇంకా చాలానే ఉన్నాయనే సంగతిని కొత్తరకం మంచు తెలియజేసింది. ద్రవరూప నీటి రహస్యాలను తెలుసుకోవటానికీ ఇది తోడ్పడగలదని పరిశోధకులు ఆశిస్తున్నారు. కొత్తరకం మంచును గాజు దశ నీటిగానూ అభివర్ణిస్తున్నారు. ఇదో ప్రత్యేకమైన ఘన దశ. ఇందులో పదార్థం గట్టిగా ఉన్నప్పటికీ క్రమమైన స్ఫటిక నిర్మాణమేదీ ఉండదు. ద్రవ రూపం నుంచి ప్రత్యేక ఘనరూపంలోకి ఎలా మారుతుందన్నది స్పష్టంగా తెలియదు. సౌర వ్యవస్థ ఆవల ఉండే మంచు ఉపగ్రహాల్లో ఇలాంటి రూపంలోనే నీరు ఉండొచ్చని, అక్కడ ఇదే ప్రధానమైన భాగం కావొచ్చనీ భావిస్తున్నారు. గ్రహాల నుంచి పడే బలమైన గురుత్వాకర్షణ ప్రభావంతో అక్కడి ఉపగ్రహాల్లో నీరు ఎండీఏ స్థితికి చేరుకొని ఉండొచ్చని అనుకుంటున్నారు. కొత్తరకం మంచును వేడి చేసినప్పుడు పెద్ద మొత్తంలో ఉష్ణం వెలువడుతున్నట్టూ తేలింది. అందువల్ల మంచు గ్రహాల స్థానిక పరిస్థితుల మీద ఇది గణనీయమైన ప్రభావం చూపే అవకాశం లేకపోలేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు