హై హై ఏఐ నాయకా!
చూస్తుండగానే కృత్రిమ మేధ రోజువారీ జీవితంలోకీ అడుగుపెట్టింది. విజ్ఞాన సముపార్జన దగ్గర్నుంచి సులువుగా ఫొటోల ఎడిటింగ్ వరకూ ఎన్నెన్నో పనులను సుసాధ్యం చేసేస్తోంది.
చూస్తుండగానే కృత్రిమ మేధ రోజువారీ జీవితంలోకీ అడుగుపెట్టింది. విజ్ఞాన సముపార్జన దగ్గర్నుంచి సులువుగా ఫొటోల ఎడిటింగ్ వరకూ ఎన్నెన్నో పనులను సుసాధ్యం చేసేస్తోంది. వీడియోలు, సంగీతాన్ని సృష్టించటమంటే ఒకప్పుడు చాలా కష్టమైన పని. ప్రయాస పడాల్సి వచ్చేది. ఇప్పుడు అంతర్జాలంతో బోలెడన్ని కృత్రిమ మేధ (ఏఐ) అప్లికేషన్లు, వెబ్సైట్లు ఇలాంటి పనులను చిటికెలో చేసి పెడుతున్నాయి. అలాంటి కొన్ని వినూత్న వెబ్సైట్ల గురించి తెలుసుకుందామా..
ఫొటోలతో యానిమేషన్
వెయ్యి మాటల్లో వ్యక్తం చేయలేని భావాలను ఒక్క ఫొటో విడమరచి చెబుతుంది. అందుకే సెల్ఫీలు, బంధుమిత్రులతో కలిసి తీసుకునే ఫొటోలన్నింటినీ జాగ్రత్తగా దాచుకుంటాం. కొన్నిసార్లు వీటిని వీడియోగా మలచుకుంటే బాగుంటుందనీ అనిపించొచ్చు. కృత్రిమ మేధ పుణ్యమాని ఇదిప్పుడు మునివేళ్ల మీది పనిలా మారిపోయింది. దీనికి డి-ఐడీ.కామ్ వెబ్సైటే నిదర్శనం. ఇది అధునాతన జెనరేటివ్ ఏఐ టూల్స్తో ఫొటోలను యానిమేషన్ రూపంలోకి మార్చేస్తుంది. ఈ వెబ్సైట్లోని క్రియేటివ్ రియాలిటీ స్టుడియో ద్వారా మాట్లాడే అవతార్లనూ సృష్టించుకోవచ్చు. స్టేబుల్ డిఫ్యూజన్, జీపీటీ-3 పరిజ్ఞానాల సాయంతో మన భావాలను ఇష్టమైన వీడియోలుగానూ మలచుకోవచ్చు. వీడియో కంటెంట్ను సృష్టించాలనే కోరిక ఉన్నా టెక్నికల్ జ్ఞానం లేనివారికిది చవకలో మోక్షం చూపిస్తుంది.
https://www.d-id.com/
రాత, మాట, సంగీతం
కృత్రిమ మేధ రాయటం, మాట్లాడటమే కాదు. సంగీతాన్నీ సృష్టించగలదు. కావాలంటే సౌండ్ఫుల్.కామ్ వెబ్సైట్లో ప్రయత్నించి చూడండి. ఇది ఏఐ సాయంతో రాయల్టీ ఫ్రీ ట్రాక్స్ను సృష్టిస్తుంది. కొద్ది స్టెప్స్తోనే సంగీతాన్ని సృష్టించాలని భావించేవారికిది తేలికైన వేదికగా ఉపయోగపడుతుంది. ఇష్టమైన జానర్ను ఎంచుకొని, ఇన్పుట్స్ను జోడించి కావాల్సినట్టుగా సంగీతాన్ని సృష్టించుకోవచ్చు. ఈ వెబ్సైట్ అత్యధిక నాణ్యమైన మ్యూజిక్ శాంపిల్స్నూ అందుబాటులో ఉంచింది. నిర్మాతలు, సంగీత స్రష్టలు, సంస్థల అవసరాలను దృష్టిలో పెట్టుకొనే సౌండ్ఫుల్.కామ్ను తీర్చిదిద్దారు. ఇందులో ఉచిత సేవలతో పాటు ప్రీమియం, ఎంటర్ప్రైజ్ ప్లాన్స్ కూడా ఉన్నాయి. సృష్టించిన సంగీతాన్ని అమ్మటం ద్వారా ఆదాయాన్నీ సమకూర్చుకోవచ్చు.
https://soundful.com/
వాట్సప్తోనే ఛాట్జీపీటీ
ఓపెన్ఏఐ సంస్థ రూపొందించిన ఛాట్జీపీటీ సృష్టిస్తున్న సంచలనం అంతా ఇంతా కాదు. రెండు నెలల్లోనే ప్రపంచమంతా విస్తరించింది. అత్యంత వేగంగా విస్తరిస్తున్న టూల్గా రికార్డులు సృష్టిస్తోంది. ఇప్పటికే దీన్ని 10కోట్లకు పైగా మంది వినియోగిస్తుండటం విశేషం. దీంతో వ్యాసాలు, కవితలు, ఈమెయిళ్లు, కథనాల వంటివెన్నో రాసుకోవచ్చు. మరి దీన్ని వాట్సప్తోనే వాడుకుంటే? మైటీజీపీటీ.కామ్ చేసేది ఇదే. వాట్సప్ ద్వారా నేరుగా స్మార్ట్ఫోన్కే ఛాట్జీపీటీ సేవలను అందిస్తుంది. కాకపోతే దీనికి డబ్బులు చెల్లించాల్సి ఉంటుంది. అయితేనేం? ఇతరులతో ఛాట్ చేస్తున్నంత తేలికగా దీన్ని వాడుకోవచ్చు. ప్రస్తుతానికి ఆండ్రాయిడ్ పరికరాలకే అందుబాటులో ఉన్నా త్వరలోనే ఐఓఎస్కూ విస్తరించనున్నట్టు వైబ్సైట్ పేర్కొంటోంది.
https://mightygpt.com/
ఛాట్బాట్ తయారీకి
కస్టమర్లతో మాటామంతీని నెరపటంలో ఛాట్బాట్లు కంపెనీలకు ఎంతగానో తోడ్పడుతున్నాయి. టెక్స్ట్ లేదా టెక్స్ట్ టు స్పీచ్ ద్వారా ఆన్లైన్లోనే చాలా సేవలను అందిస్తున్నాయి. నేరుగా కస్టమర్లతో వ్యవహారాలు సాగించటానికి దోహదం చేస్తున్నాయి. అయితే ఛాట్బాట్ను రూపొందించటం అంత తేలికైన పని కాదు. సాంకేతిక పరిజ్ఞానం అవసరం. ఇలాంటి పరిస్థితుల్లోనే తేలికగా ఛాట్బాట్ను సృష్టించుకునే వీలుంటే బాగుంటుందనీ అనిపిస్తుంటుంది. మరీ అంతలా చింతించాల్సిన పనిలేదు. ల్యాండ్బాట్.ఐఓ వైబ్సైట్ సాయం తీసుకుంటే చాలు. ఇది కోడ్తో పనిలేని అత్యంత శక్తిమంతమైన ఛాట్ బిల్డర్. దీంతో ఎవరైనా, ఎలాంటి ఛాట్బాట్నైనా సొంతంగా రూపొందించుకోవచ్చు. ఎక్కడైనా వినియోగించుకోవచ్చు. వెబ్సైట్ ఛాట్బాట్స్, వాట్సప్ ఆటోమేషన్, ఏపీఐ ఇంటర్ఫేస్, ఎస్డీకే ఇంటర్ఫేస్.. ఇలా ఇది చాలా ఫ్లాట్ఫామ్స్ను అందిస్తోంది. వీటిని యాప్లలో, ఛానెళ్లలో వాడుకోవచ్చు. చిన్న వ్యాపార సంస్థలకిది బాగా ఉపయోగపడుతుంది. ఇంటరాక్టివ్ పేజీలను సత్వరం తయారుచేసి పెడుతుంది.
https://landbot.io/
మెమేల తయారీ
మెమేలు కొత్త భాషగా మారిపోయాయి. ఇవి లేని సామాజిక మాధ్యమాలను ఊహించుకోలేం. రోజువారీ సంభాషణల్లో విడదీయలేని భాగమైపోయాయి. ఇప్పుడు ప్రతి సందర్భానికీ తగిన మెమేలు ఉన్నాయి. తమ ఆలోచనలను, ఉద్దేశాలను మెమేలుగా సృష్టించుకుంటున్నారు. అయితే అన్ని అవసరాలకు తగిన మెమేలను సృష్టించుకోవటం అందరికీ సాధ్యం కాదు. మనసులో ఏదో ఆలోచన ఉంటుంది. కాని దానికి సరిపడిన మెమేను తయారుచేయటానికి ఏం చేయాలో పాలుపోదు. ఈ ఇబ్బందిని తప్పించటానికి సూపర్మెమే.ఏఐ వెబ్సైట్ బాగా తోడ్పడుతుంది. టెక్స్ట్ రూపంలో ఆయా సందర్భాలను, అంశాలను వర్ణించి.. జెనరేట్ బటన్ను నొక్కితే చాలు. దీనిలోని ఏఐ టూల్ తగిన ఒరిజినల్ మెమేను క్షణాల్లో తయారుచేసి పెడుతుంది. 110 భాషల్లో మెమేలను సృష్టిస్తుండటం గమనార్హం. పైగా ఇది మెమే సెర్చ్ ఇంజిన్గానూ పనిచేస్తుంది. దీంతో నచ్చిన మెమేను వెదికి, పట్టుకోవచ్చు. ఇలా మెమే ప్రియులకు తక్షణ పరిష్కారాన్ని చూపిస్తుంది.
https://www.supermeme.ai/
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్వచ్ఛ ఒలింపిక్స్
ఒలింపిక్ క్రీడలకు పారిస్ నగరం సమాయత్తమైంది. ప్రపంచంలోని నలుమూలల నుంచి వచ్చే క్రీడాకారులు, క్రీడాభిమానులతో విశ్వ నగరం కొత్త శోభలు సంతరించుకుంటోంది. -
వినూత్న ఫొటోనిక్స్
ఎలక్ట్రానిక్స్ రంగంలో ఎలక్ట్రాన్ల పాత్ర కీలకం. ఇవి ఒక చోటు నుంచి మరో చోటుకు డేటాను చేరవేయటం వంటి దగ్గరి దారులకు బాగా ఉపయోగపడతాయి. -
1పాస్వర్డ్ మారింది
పలు కొత ఫీచర్లతో 1పాస్వర్డ్ భారీగా అప్డేట్ అయ్యింది. మాస్టర్ పాస్వర్డ్ను మరిచిపోయినా అకౌంట్ను రికవరీ చేసుకునే వెలుసుబాటూ కల్పించింది. -
నవ్వు శాస్త్రం
నవ్వటం ఒక భోగం! అతిశయోక్తిలా అనిపించినా ఇది నిజం. ఇప్పుడు చాలామంది జీవితాల్లో నవ్వటమనేది కనుమరుగవుతోంది. రోజుకు ఒక్కసారైనా నవ్వనివారు ఎందరో. -
ఎక్కువ సిమ్లు తీసుకున్నారా?
నేటి డిజిటల్ ప్రపంచంలో ఒక్క సిమ్ కార్డు సరిపోవటం లేదు. ఆఫీసు వ్యవహారాలకు ఒకటి, సొంత పనులకు ఒకటి, కుటుంబ పనులకు మరోటి.. ఇలా బోలెడన్ని సిమ్లు ఎడాపెడా తీసేసుకుంటున్నారు. -
ఆన్లైన్ నేరాల మీద చక్షువు
నేటి డిజిటల్ ప్రపంచంలో ఆన్లైన్ నేరాలు పెరిగిపోతున్నాయి. మోసగాళ్లు రకరకాల పద్ధతుల్లో అమాయకులను బురిడీ కొట్టించి డబ్బులు దోచుకుంటున్నారు. -
మనిషిలా మరమనుషులు!
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు. -
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు.
తాజా వార్తలు (Latest News)
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్