కొత్త కాలానికి కొత్త టెక్కులు
అణు సంయోగ ఇంధనం.. పూర్తిగా విద్యుత్తుతో విజయవంతంగా ఎగిరిన ప్రయాణికుల విమానం.. కొవిడ్-19 బూస్టర్ మోతాదు.. 2022లో ఇలాంటి అద్భుతాలెన్నో సాధించాం
అణు సంయోగ ఇంధనం.. పూర్తిగా విద్యుత్తుతో విజయవంతంగా ఎగిరిన ప్రయాణికుల విమానం.. కొవిడ్-19 బూస్టర్ మోతాదు.. 2022లో ఇలాంటి అద్భుతాలెన్నో సాధించాం. ఇప్పుడు 2023లో ఎలాంటి విజయాలను ఆశించొచ్చు? శాస్త్ర, సాంకేతిక పరిజ్ఞానం ఎలా పురోగమించనుంది?
వర్చువల్ రియాలిటీ విస్తృతం
వర్చువల్ రియాలిటీ, ఆగ్మెంటెడ్ రియాలిటీ, మిక్స్డ్ రియాలిటీ వాడకం ఈ ఏడాదిలో కొత్త పుంతలు తొక్కొచ్చు. మెటావర్స్ సంస్థ వినూత్న మెటాక్వెస్ట్ 3 హెడ్సెట్ను ఈ సంవత్సరంలోనే ప్రవేశపెట్టనుంది. ఇది మెటాక్వెస్ట్ ప్రొ కన్నా చవకగా అందుబాటులోకి రావొచ్చు. వర్చువల్ రియాలిటీ కంపెనీలు కేవలం గేమింగ్ మీదే కాదు.. ఇతర రంగాలకూ విస్తరించటం మీద దృష్టి సారించనున్నాయి. దీంతో ఇంటి నుంచి పని, వ్యాయామాలు, సామాజిక అనుసంధాన రంగంలో వినూత్న మార్పులు రావొచ్చు. ఆఫీస్ 365 యాప్స్ను వర్చువల్ రియాలిటీతో అనుసంధానించొచ్చు. మెటా, మైక్రోసాఫ్ట్ కంపెనీల భాగస్వామ్యం దీనికి బీజం వేయనుంది. యాపిల్ సంస్థ కూడా ఆగ్మెంటెడ్ రియాలిటీ ఉత్పత్తులను తీసుకురానుంది. యాపిల్ సంస్థ చిరకాల కోరిక మిక్స్డ్ రియాలిటీ హెడ్సెట్ గురించి ఈ సంవత్సరంలో మరిన్ని వివరాలు బయటకు రావొచ్చు.
ప్రధాన స్రవంతిలోకి బయోటెక్
కొవిడ్ను ఎదుర్కోవటానికి రూపొందించిన ఎంఆర్ఎన్ఏ టీకా పరిజ్ఞానం మరింత విసృతం కావటం ఖాయంగా కనిపిస్తోంది. ప్రాణాంతక జబ్బుల పనిపట్టే దిశగా శాస్త్రవేత్తలు దీన్ని వినియోగించుకోవటం ముమ్మరం చేశారు. కొవిడ్ ఎంఆర్ఎన్ఏ టీకాను రూపొందించిన బయోఎన్టెక్ సంస్థ ఈ ఏడాది క్షయ, మలేరియా, హెర్పిస్ టీకాలను మనుషులపై కొత్త టీకాలను ప్రయోగించాలని భావిస్తోంది. మరో అధునాతన చికిత్స పద్ధతైన క్రిస్ప్ఆర్ కూడా విస్తృతంగా అందుబాటులోకి వచ్చేలా కనిపిస్తోంది. క్రిస్ప్ఆర్ జన్యు సవరణ చికిత్సను అమెరికా ఎఫ్డీఏ తొలిసారి ఆమోదించే అవకాశముంది. జన్యుపరంగా తలెత్తే రక్త సమస్యలైన సికిల్ సెల్, థలసీమియా జబ్బులు క్రిస్ప్ఆర్ చికిత్స అనుమతి కోసం వేచి చూస్తున్నాయి. అన్నీ సవ్యంగా జరిగితే ఈ సంవత్సరమే ఇది మార్కెట్లోకి రావొచ్చు.
చవక ఈవీలు
ఎలక్ట్రిక్ వాహనాల (ఈవీ) వెల్లువ 2022లో కొత్త పుంతలు తొక్కింది. ఈ సంవత్సరం ఇవి మరింత చవకగా, ఎక్కువమందికి అందుబాటులోకి వచ్చే అవకాశాలే ఎక్కువగా కనిపిస్తున్నాయి. ఇప్పటికే ఎన్నో వాహన తయారీ సంస్థలు చవక ఈవీలను తీసుకురానున్నట్టు ప్రకటించాయి. ఇవే కాదు.. స్వయంచాలిత (అటానమస్) వాహనాలూ ప్రయాణాన్ని మరింత సులభతరం చేయొచ్చు. ఉబర్ సంస్థ పూర్తిగా డ్రైవర్ రహిత వాహన సేవలను ఆరంభించటానికి సన్నాహాలు చేస్తోంది. అమెరికాలోని కొన్ని రాష్ట్రాల్లో సేవలందిస్తున్న జనరల్ మోటార్స్కు చెందిన రోబోటాక్సీ విభాగం పెద్దఎత్తున విస్తరించాలనీ భావిస్తోంది. ఒక్క కార్లు మాత్రమేనా? అటానమస్ ట్రక్కులు కూడా విస్తరించనున్నాయి. ఇవి సరకు రవాణా రంగాన్ని సమూలంగా మార్చేసినా ఆశ్చర్యపోనవసరం లేదు.
వాణిజ్య అంతరిక్ష ప్రయోగాలు
అంతరిక్ష ప్రయోగ రంగంలో ప్రైవేటు భాగస్వామ్య ముద్ర ఈసారి ఇంకాస్త స్పష్టం కావచ్చు. మన దేశంలోనూ గత సంవత్సరం ప్రైవేటు రాకెట్ ప్రయోగం జరిగిన సంగతి తెలిసిందే. ఇలాంటివి ఈ సంవత్సరం మరింత ఎక్కువ సంఖ్యలో ప్రయోగించొచ్చు. చంద్రుడి మీద అడుగుపెట్టాలని భావిస్తున్న ఎలాన్ మస్క్కు చెందిన స్పేస్ఎక్స్ సంస్థ ఈ సంవత్సరం స్టార్షిప్ రాకెట్ను తొలిసారిగా కక్ష్యలోకి ప్రవేశపెట్టొచ్చని భావిస్తున్నారు. చంద్రుడితో పాటు అంగారకుడి మీదికి వ్యోమగాములను పంపాలనే ప్రయత్నంలో దీంతో పెద్ద ముందడుగు పడటం ఖాయంగా తోస్తోంది. సిబ్బంది రహిత వాణిజ్య ల్యాండర్లు కూడా చంద్రుడి మీద దిగే అవకాశమూ కనిపిస్తోంది. జపాన్కు చెందిన ఐస్పేస్ గత డిసెంబరులో ప్రయోగించిన లూనార్ ల్యాండర్ వచ్చే మార్చిలో జాబిల్లి మీద దిగనుంది. అన్నీ సవ్యంగా జరిగితే చంద్రుడి మీద అడుగుపెట్టిన మొట్టమొదటి ప్రైవేటు సంస్థగా ఇది రికార్డులకూ ఎక్కొచ్చు. అమెరికాకు చెందిన ఆస్ట్రోబాటిక్, ఇంట్యూటివ్ మెషిన్స్ వంటివీ ఈ దిశగా ప్రయత్నాలు చేస్తున్నాయి. స్పేస్ఎక్స్కు చెందిన పోలారిస్ డాన్ మొట్టమొదటి స్పేస్వాక్ను పూర్తి చేయాలనీ భావిస్తోంది. ఈ ప్రయోగం మార్చిలోనే జరగనుంది. దీని ద్వారా అంతరిక్షంలో నడిచే వ్యోమగాములు ప్రత్యేక కాంటాక్టు లెన్సులను ధరించనున్నారు. గురుత్వాకర్షణ అత్యంత స్వల్పంగా ఉన్నచోట్ల కంటి మీద పడే ఒత్తిడిని తెలుసుకోవటం వీటి ఉద్దేశం. మీథేన్తో నడిచే తొలి రాకెట్ ప్రయోగమూ ఈసారి సాకారం కావొచ్చు. ద్రవ హైడ్రోజన్ కన్నా మీథేన్ మరింత స్థిరంగా ఇంధనాన్ని సరఫరా చేస్తుంది. ఒక మాదిరి ఉష్ణోగ్రత వద్దే నిల్వ చేయొచ్చు. కాబట్టి అంతరిక్ష ప్రయోగ రంగంలో ఇది విప్లవాత్మక మార్పులకు శ్రీకారం చుట్టొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
ఏపీ ఇంటెలిజెన్స్ డీజీగా విశ్వజిత్, విజయవాడ సీపీగా రామక్రిష్ణ
-
ఎన్నికల బరిలో ‘పొలిమేర’ నటి..
-
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం