Silicone Cookware: వీటితో వంట చేయడం ఎంతో ఈజీ! - all you need to know about silicone cookware in telugu
close
Published : 19/09/2021 18:19 IST

Silicone Cookware: వీటితో వంట చేయడం ఎంతో ఈజీ!

వంట చేయడమంటే ఇది వరకు పెద్ద పనిగా భావించే వారు. కానీ ఇప్పుడు ఎంత పెద్ద వంటైనా అలవోకగా పూర్తి చేసేస్తున్నారు అతివలు. అందుకు కారణం.. కాలక్రమేణా అనువుగా ఉండే కొత్త కొత్త వంట పాత్రలు పుట్టుకురావడమే! సిలికాన్‌ కుక్‌వేర్‌ కూడా అలాంటిదే! ఎటుపడితే అటు సులభంగా వంగేలా, హ్యాండీగా ఉండే ఈ వంటపాత్రల్లో వంట చాలా త్వరగా పూర్తవుతుందంటున్నారు నిపుణులు. ముఖ్యంగా బేకింగ్‌ చేసుకోవడానికి వీటికంటే అనువైన కుక్‌వేర్‌ లేదంటున్నారు. అంతేకాదు.. పర్యావరణహితమైన ఈ కుక్‌వేర్‌తో ఆరోగ్యానికి కూడా ఎలాంటి ఢోకా లేదంటున్నారు. మరి, ఇంతకీ ఏంటీ సిలికాన్‌ కుక్‌వేర్‌? వీటిని వాడే క్రమంలో తీసుకోవాల్సిన జాగ్రత్తలేంటో తెలుసుకుందాం రండి..

సిలికాన్‌ అనేది సింథటిక్‌ రబ్బర్‌.. దీని తయారీలో వాడే ఆక్సిజన్‌, సిలికాన్‌, కార్బన్లు సహజసిద్ధమైనవి, సురక్షితమైనవని నిపుణులు చెబుతున్నారు. అమెరికాకు చెందిన ఆహార, ఔషధ విభాగం (Food and Drug Administration) కూడా ఈ వంటపాత్రలు సురక్షితమైనవే అంటూ ఆమోదముద్ర వేసింది. అయితే వీటిలో వంట చేసే క్రమంలో వేడికి ఈ రబ్బర్‌ కరుగుతుందేమోనన్న సందేహం చాలామందిలో ఉంటుంది. కానీ 428 డిగ్రీల ఫారన్‌హీట్‌/220 డిగ్రీల సెల్సియస్‌ ఉష్ణోగ్రతను ఇవి తట్టుకోగలవని అంటున్నారు నిపుణులు. అలాగే ఉష్ణ నిరోధకాలు (Heat Resistant)గా, ఫ్రీజర్‌లో పెట్టేందుకు అనువుగా, ఒవెన్‌లో చేసే వంటకాల కోసం సైతం వీటిని ఉపయోగించుకోవచ్చు.

స్పూన్ల దగ్గర్నుంచి బ్రష్‌ల దాకా..!

సిలికాన్‌ కుక్‌వేర్‌/బేక్‌వేర్‌లో భాగంగా ప్రస్తుతం విభిన్న రకాల వంటపాత్రలు అందుబాటులోకొచ్చాయి. స్పూన్స్‌, స్పాచులాస్‌, బీటర్స్‌, బేక్‌వేర్‌ మౌల్డ్‌, కప్‌ కేక్‌ మౌల్డ్స్‌, ఫోల్డబుల్‌ పాట్‌/ప్యాన్‌, ఇతర వంట పాత్రలు, గ్రీజింగ్‌ బ్రష్‌.. వంటివి అందులో కొన్ని. వీటితో పాటు వేడి పాత్రల్ని ప్లాట్‌ఫామ్‌/డైనింగ్‌ టేబుల్‌పై పెట్టుకోవడానికి వీలుగా సిలికాన్‌ కుక్‌వేర్‌ ప్రొటెక్టర్స్‌, వేడిపాత్రల్ని పట్టుకోవడానికి సిలికాన్‌ గ్లోవ్స్‌ కూడా మార్కెట్లో లభిస్తున్నాయి. వేడిని నిరోధించడమే వీటికున్న ప్రత్యేకత!

ప్రయోజనాలివే!

* ఇతర వంట పాత్రలతో పోల్చితే ఇవి తక్కువ ధరకే లభిస్తాయి. ఆయా కుక్‌వేర్‌ సెట్‌ని బట్టి సుమారు రూ. 734 నుంచి రూ. 3,673 వరకు ఉంటుంది.

* అధిక వేడిని తట్టుకునే శక్తి ఉన్న ఈ వంటపాత్రల్లో ఆవిరి వంటలు, స్టీమ్‌ బేకింగ్‌ ఐటమ్స్‌ తయారుచేయడం సులభం!

* వంట చేసే క్రమంలో/బేకింగ్‌ సమయంలో.. ఒకేసారి ఉష్ణోగ్రతలు పెరిగినా, తగ్గినా.. సిలికాన్‌ వంట పాత్రలకు ఎలాంటి డ్యామేజ్‌ కాదని చెబుతున్నారు నిపుణులు. అందుకే డీప్‌ ఫ్రీజర్‌, ఒవెన్‌లలో పెట్టుకునే ఐటమ్స్‌ కోసం వీటిని ఉపయోగించచ్చు.

* సాధారణంగా బేకింగ్‌ చేసే క్రమంలో పాత్రలకు వెన్న పూసినా.. వాటి అవశేషాలు ఎంతో కొంత అంటుకుపోతాయి. కానీ సిలికాన్‌ బేక్‌వేర్‌తో ఆ సమస్య ఉండదు. అంతేకాదు.. ఇవి ఫ్లెక్సిబుల్‌గా ఉంటాయి కాబట్టి.. బేక్‌ చేసిన పదార్థాలు వీటి నుంచి వేరు చేయడం కూడా సులువవుతుంది. అలాగే వీటిని శుభ్రం చేయడమూ సులువేనట!

* ఇక ఇవి వేడికి రంగు మారవు.. పదార్థాల వాసన వీటికి అంటుకోదు.. ఎక్కువ కాలం మన్నుతాయి.

ఇలా ఎంచుకోవాలి?!

* నాణ్యమైన సిలికాన్‌ కుక్‌వేర్‌ని ఎంచుకున్నప్పుడే పైన చెప్పిన ప్రయోజనాలన్నీ చేకూరతాయంటున్నారు నిపుణులు. ఈ క్రమంలో మూడు అంశాలు దృష్టిలో ఉంచుకోవాలి. ఒకటి - సాధారణ సిలికాన్‌ కుక్‌వేర్‌తో పోల్చితే నాణ్యమైన వంటపాత్రల నుంచి రబ్బర్‌ తరహా వాసన వెలువడదు.. రెండోది - ఇవి ముట్టుకుంటే గట్టిగా, ఫ్లెక్సిబుల్‌గా ఉంటాయి. మూడోది - ఫుడ్‌ గ్రెయిన్‌ కోటింగ్‌ ఉన్నవి ఎంచుకోవాలి. ఎందుకంటే ఈ పూత రసాయనాలు ఆహారంలో కలవకుండా అడ్డుగోడగా నిలుస్తుంది.

* గీతలు, పగుళ్లు లేని కుక్వేర్‌ని ఎంచుకోవాలి. తద్వారా వాటి తయారీలో వాడిన పదార్థాలు వేడికి బయటికి రాకుండా ఉంటాయి.

* వీటిని డిష్‌వాషర్‌లో వేయకూడదు.. అలాగే శుభ్రం చేయడానికి స్టీల్‌ స్క్రబ్బర్‌ని వాడకూడదు.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని