అమ్మకు అండగా దీదీ

అవీ ఇవీ...

అమ్మకు అండగా దీదీ

లాక్‌డౌన్‌ సమయంలో ఎంతో మంది గర్భిణులు సకాలంలో సరైన వైద్య సదుపాయాలు అందక ప్రాణాల మీదకు తెచ్చుకున్నారు. గ్రామీణ, గిరిజన ప్రాంతల్లో ఉన్న గర్భిణుల పరిస్థితి అయితే వర్ణనాతీతం. ఈ కష్టాలకు చెక్‌ పెట్టేందుకు మధ్యప్రదేశ్‌లో ప్రభుత్వం ద ఉమెన్‌ రూరల్‌ లైవ్లీహుడ్‌ మిషన్‌ ఆధ్వర్యంలో ‘దీదీ వెహికల్‌ సర్వీస్‌’ పేరుతో ప్రత్యేక వాహనాలను ప్రారంభించింది. గర్భిణిలకు అత్యవసర చికిత్సలను అందించడానికి ఇవి నిత్యం సిద్ధంగా ఉంటాయి. జహాబువా జిల్లాలోని దాదాపు 30 గ్రామాల్లో ఉండే మహిళలకు గతవారం నుంచీ ఈ ‘దీదీ వాహనాలు’ తమ వంతు సేవలు అందిస్తున్నాయి. ముఖ్యంగా కరోనా విస్తృతంగా ఉన్న ప్రాంతాల్లో స్త్రీలు ఎటువంటి ఇబ్బందీ పడకుండా ఉండేలా ఈ వాహనాలను ఆధునిక వైద్య సౌకర్యాలతో ప్రత్యేకంగా డిజైన్‌ చేశారు. ఫోన్‌లో దీదీ యాప్‌ని పొందుపరుచుకుంటే చాలు. బటన్‌ దూరంలో ఈ వాహన సేవలు అందుబాటులోకి వస్తాయి. స్మార్ట్‌ ఫోన్‌ లేనివారు ప్రసవ సమయం సమీపించినప్పుడు దగ్గర్లోని ప్రాథమిక వైద్య కేంద్రానికి ఫోన్‌ చేసినా చాలు. ఈ వాహనాలు తక్షణం అక్కడకు చేరుకుని సురక్షిత ప్రసవానికి కావాల్సిన ఏర్పాట్లు చేస్తాయి.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి