మనసున్నవాడైతే చాలు...
close
Updated : 05/08/2021 06:22 IST

మనసున్నవాడైతే చాలు...

సింధూ పేరు వినగానే తన ఆట, సాధించిన పతకాలే గుర్తొస్తాయి. ఒలింపిక్స్‌లో తాజాగా రెండో పతకంతో అటు తల్లిదండ్రులకీ, దేశానికీ మరోసారి గుర్తింపు తెచ్చింది. ఇదంతా తెలిసిందే! వ్యక్తిగతంగా తన ఇష్టాయిష్టాలు, ఆలోచనలను, లాక్‌డౌన్‌ అనుభవాలను ‘వసుంధర’తో ప్రత్యేకంగా పంచుకుందిలా!
* ఏమవుదామని?: డాక్టరవ్వాలనుకున్నా. అనుకోకుండా బ్యాడ్మింటన్‌లో అడుగుపెట్టినా ఉన్నతస్థాయి క్రీడాకారిణవ్వాలనుకున్నా. ప్రతిక్షణం విజయాలను సాధించాలనే లక్ష్యంతోనే ఉంటా.
* ఫ్రెండ్స్‌: స్కూల్లో చాలా తక్కువ. అప్పుడప్పుడు మెసేజ్‌లు పంపినా టోర్నమెంట్స్‌ బిజీ వల్ల కలవడం కుదిరేది కాదు. అమ్మానాన్న, స్క్వాష్‌ ప్లేయర్‌ జ్యోత్స్న నా బెస్ట్‌ ఫ్రెండ్స్‌.
* వార్డ్‌రోబ్‌లో: అన్నిరకాలూ ఇష్టమే. అచ్చ తెలుగమ్మాయిలా తయారవడం మరీ ఇష్టం. పండగలు, శుభకార్యాలేవైనా చీర, లంగావోణీకే ప్రాధాన్యం. దుస్తుల సెలక్షన్‌ అంతా అమ్మ, అక్కదే. కానీ నా వార్డ్‌రోబ్‌ నిండా ప్రాక్టీస్‌ దుస్తులే.
* షాపింగ్‌?: వీలు చిక్కేది ప్రయాణాలు, విమానాశ్రయాల్లోనే. ఆ కొద్ది సమయంలోనే  అమ్మ, అమ్మమ్మ, అక్క కోసం ఏదైనా కొని సర్‌ప్రైజ్‌ చేస్తా.
* వంటా గట్రా!: లాక్‌డౌన్‌లో నేర్చుకున్నా. ఆరుగంటలు ఫిట్‌నెస్‌కు, మిగిలిన సమయంలో వంటింట్లో అమ్మకు సాయం చేస్తూ, వంటలు నేర్చుకుంటూ గడిపేశా. బిర్యానీ, ఆమ్లెట్‌, దోశ, శాండ్‌విచ్‌, ఉప్మా వంటివన్నీ చేస్తా. అంతేకాదు... టీ కాయడం, పూలు మాల కట్టడమూ నేర్చుకున్నా. టేబుల్‌పై అన్నీ సర్దడంలో అమ్మకు సాయం చేయడమూ ఇష్టమే.

* ఇష్టంగా తినేవి: షాగౌస్‌ బిర్యానీ లొట్టలేసుకుని తినేస్తా. అమ్మ చేతి చేపలకూరన్నా ప్రాణమే. ఒలింపిక్స్‌కు ముందు మాత్రం అన్నింటినీ త్యాగం చేశా. అమ్మ కొంచెం తిను అన్నా, నాకు నేను విధించుకున్న నియమాలను ఏనాడూ వదల్లేదు. పాలు, పండ్లు, డ్రైప్రూట్స్‌, పండ్ల రసాలు, ఉడికించిన గుడ్లు, కూరగాయల సలాడ్స్‌.. ఇదే నా భోజనం.
* కాబోయే వాడిలో..: మంచి మనసుండాలి. నన్ను అర్థం చేసుకుని నన్ను నన్నుగా ప్రేమించే వాడై ఉండాలి. అలాంటి వ్యక్తి ఇంకా ఎదురుపడలేదు. ఎదురైతే చేసుకుంటా.


* ఖాళీ దొరికితే: క్రీడా సంబంధిత చిత్రాలు, బయోగ్రఫీలు చూస్తుంటా. మహేశ్‌, ప్రభాస్‌, అనుష్కలకు వీరాభిమానిని. పుస్తకాలు చదివే అలవాటు తక్కువే. ఫాస్ట్‌బీట్‌ మ్యూజిక్‌ అంటే చాలా ఇష్టం. ఇంట్లో, జిమ్‌లో సంగీతం వింటూనే సాధన చేస్తా. కొన్ని హిందీ పాటలకు అద్దంలో చూసుకుంటూ కాలు కూడా కదుపుతా.

*అందం: నేనూ అమ్మాయినే కదా! అందంపై శ్రద్ధ చూపిస్తా. నచ్చిన దుస్తులు వేసుకుంటా. ఇవన్నీ ఎలా ఉన్నా... మనసులోని తృప్తి ముఖానికి మరింత అందం తెస్తుందని నమ్ముతా. అందుకే నాకు నేనెప్పుడూ అందంగానే ఉంటా.
* ఓటములు: ఆటలోనైనా, జీవితంలోనైనా గెలుపోటములు సహజం. ఓడిన ప్రతిసారీ బాధపడతా. అలాగని దాన్ని అధిగమించలేకపోతే... విజేతలం కాలేం. ఊహ తెలిసినప్పటి నుంచి బ్యాడ్మింటనే నా ప్రపంచం. అది మనసుకెంతో తృప్తినిస్తుంది. అమ్మాయిలకీ అదే చెబుతా.. మనసుకి నచ్చిన రంగాన్ని ఎంచుకోమని! అప్పుడే అనుకున్నది సాధిస్తారు. నా లక్ష్యం 2024 ఒలింపిక్స్‌లో బంగారు పతకం.
* విజయం వెనుక: అమ్మానాన్నల త్యాగాలే నా విజయానికి పునాదులు. క్రీడాకారులుగా గెలుపోటములు వాళ్లకు తెలుసు. నేను ఓటమిని ఎదుర్కోవడానికి తగిన శక్తిని అందించి స్ఫూర్తిని నింపేది వారే.


ఇది నా పుట్టినరోజు కానుక
                - విజయ, సింధు తల్లి

సింధుకు ఎనిమిదేళ్ల వయసులో అనుకుంటా. ఓసారి కారులో వెళుతున్నప్పుడు వాళ్ల నాన్న గుర్తింపు కార్డును తీసుకుని అందులో ఆయన పేరున్న చోటులో తనది రాసుకుని, ‘ఐ వాంట్‌ టూ బికమ్‌ యాన్‌ అథ్లెట్‌’ అని రాసింది. అది చూసి అందరం నవ్వుకున్నాం. అయితే అప్పటికే తన లక్ష్యాన్ని ఫిక్స్‌ చేసుకుందని ఆ తర్వాత తెలుసుకున్నాం. అండర్‌-13 ఆడేటప్పుడు ఓడిపోతే ఏడ్చేది. ఇప్పుడు తనలో చాలా పరిణతి కనిపిస్తోంది. ఒత్తిడిని ఎలా జయించాలో నేర్చుకుంది. తనకు కుటుంబమంటే ప్రాణం. వాళ్ల అమ్మమ్మ అంటే మరీ ఇష్టం. ఆవిడ దీవెనలు చిన్నప్పటి నుంచి సింధుకు ఓ సెంటిమెంట్‌. సింధు...తన కోసం మేం త్యాగాలు చేశామని చెబుతుంది. కానీ నా కూతురు సాధించిన విజయాలు మేం పడ్డ కష్టాల్ని మరిచిపోయేలా చేశాయి. ఆగస్టు 25న నా పుట్టినరోజు. గతంలో అదే తేదీన ప్రపంచ ఛాంపియన్‌షిప్‌ను గెలిచి, పతకాన్ని పుట్టినరోజు కానుకగా ఇచ్చింది మా బంగారుతల్లి. ఇప్పుడీ పతకాన్ని తెచ్చింది.


 

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని