తన ఈ-రిక్షా... కరోనా బాధితులకు సురక్ష...
close
Published : 05/07/2021 00:41 IST

తన ఈ-రిక్షా... కరోనా బాధితులకు సురక్ష...

పశ్చిమబంగలోని సిలిగురిలో తొలి ఈ రిక్షా డ్రైవర్‌గా నిలిచిన 49 ఏళ్ల మున్‌మున్‌ సర్కార్‌... తాజాగా మళ్లీ వార్తల్లోకెక్కింది. కరోనా రోగులను తన వాహనంలో ఉచితంగా ఆసుపత్రులకు తరలిస్తూ ఆదర్శంగా నిలుస్తోంది.

మున్‌మున్‌ సర్కార్‌ కుటుంబ పోషణ కోసం ఈ-రిక్షా నడపడం మొదలుపెట్టింది. ఆ ప్రయత్నం ఆమెను సిలిగురి తొలి మహిళా ఈ-రిక్షా డ్రైవరుగా నిలిపింది. ఆమే కరోనా మొదటి వేవ్‌లో రోగులపై సామాజిక వివక్షను చూసి చలించింది. ముఖ్యంగా అత్యవసర సర్వీసులకు వేల రూపాయలు చెల్లించాల్సి రావడంతో పేద, మధ్యతరగతి వర్గాలు పడుతోన్న ఇబ్బందులు ఆమెను ఆలోచింపజేశాయి. దాంతో తన ఈ-ఆటోరిక్షాను అంబులెన్స్‌గా మార్చి రోగులను ఉచితంగానే ఆసుపత్రులకు తరలించడం మొదలుపెట్టింది. దాతల సాయంతో శానిటైజేషన్‌ యంత్రం కొని రోగుల ఇళ్లు, పోలీస్‌స్టేషన్లు, శ్మశానాలు, ప్రార్థనా మందిరాలను ఉచితంగా శుద్ధి కూడా చేసేది.

రెండో దశలోనూ వ్యాధి లక్షణాలున్న వారిని నిర్ధారణ పరీక్షాకేంద్రాలకు తీసుకెళ్లడం, అలాగే రోగులను ఆసుపత్రికి తరలించడం, వ్యాధి తగ్గినవారిని ఇళ్లకు చేరుస్తోంది. ఇదంతా ఉచితంగా చేస్తూ, సమయం ఉన్నప్పుడు సాధారణ ప్రయాణికులను వారి గమ్యాలకు చేరుస్తోంది. అయితే కరోనా రోగులను తరలిస్తున్నానని తన ఆటోలో ప్రయాణించడానికి చాలామంది ఆసక్తి చూపడం లేదని వాపోతోందీమె. ‘ఎప్పటికప్పుడు ఆటోను శానిటైజ్‌ చేస్తున్నా కూడా చాలామంది ప్రయాణికులు భయంతో వెనుకడుగు వేస్తున్నారు. దీంతో నెలకు రెండుమూడు వేలు కూడా రావడం లేదు. అయినా నా సేవలను మాత్రం ఆపలేదు. ఇవన్నీ చేయడానికి ముందు మా ఇంట్లో వాళ్లు ఒప్పుకోలేదు. నెమ్మదిగా వారికి నచ్చజెప్పగలిగా. ఇప్పుడు మావారు, మా ఇద్దరు పిల్లలు నన్ను ప్రోత్సహిస్తున్నారు. పీపీఈ కిట్‌ ధరించి, కరోనా రోగులను దింపిన ప్రతిసారీ ఆటోను శానిటైజ్‌ చేస్తా. జాగ్రత్తలు పాటించడంతో ఇప్పటివరకు నేను కొవిడ్‌ బారిన పడలేదు. సిలిగురిలో నాలుగేళ్లకిత్రం తొలి ఆటో రిక్షాడ్రైవరుగా మారిన సమయంలో చాలా విమర్శలెదుర్కొన్నా. మహిళలు అనుకున్న దాన్ని సాధించగలరని నేను నిరూపించాను. ఆ తరువాత దాదాపు 130 మంది మహిళలు ఈ రిక్షాలు నడుపుతూ కుటంబాలకు ఆసరాగా నిలుస్తున్నారు.. మాకందరికీ మార్గదర్శకురాలివని ఆ మహిళా డ్రైవర్లు అంటుంటే చాలా సంతోషంగా, గర్వంగా ఉంటుంది. ఏ మార్గంలోనైనా ధైర్యం చేసి ముందడుగు వేయాలి’ అంటోంది మున్‌మున్‌.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని