Rashmika Mandanna: అందుకే ఆ చిత్రాన్ని ఒప్పుకున్నా! - rashmika warps mission majnu
close
Updated : 01/09/2021 20:08 IST
Facebook Share Twitter Share WhatsApp Share Telegram Share Link Share

Rashmika Mandanna: అందుకే ఆ చిత్రాన్ని ఒప్పుకున్నా!

ముంబయి: తెలుగులో ‘పుష్ప’, ‘ఆడవాళ్లు మీకు జోహార్లు’ సినిమాలతో బిజీగా ఉన్న భామ రష్మిక మందన.. ‘మిషన్‌ మజ్ను’ చిత్రంతో బాలీవుడ్‌లో అడుగుపెట్టనుంది. సిదార్థ్‌ మల్హోత్ర హీరోగా, 1970ల నాటి వాస్తవ సంఘటనల ఆధారంగా తెరకెక్కిన ఈ సినిమాకి శంతన్‌ బాగ్చి దర్శకత్వం వహించారు. తాజాగా ఈ చిత్రం షూటింగ్‌ పూర్తి చేసుకున్న రష్మిక.. ‘మిషన్‌ మజ్ను’ అనుభవాలను ట్విటర్‌ వేదికగా పంచుకుంది.

‘‘ఈ సినిమా కథ చెబుతున్నప్పుడే ఇందులో నటించాలనుకున్నా. ఇందులో నేను చేసిన పాత్ర నా కెరీర్‌లో మళ్లీ రాదనిపించింది. అందుకే ఈ సినిమా ఒప్పుకున్నా. షూటింగ్‌ నిమిత్తం నార్త్‌ ఇండియా మొత్తం తిరిగాను. అక్కడి సంస్కృతి, భాష, ప్రజలు, బాలీవుడ్‌ ఇండస్ట్రీ.. ఇలా ఎన్నో విషయాలు తెలుసుకోగలిగా. నిజానికి.. అప్పుడే షూటింగ్ అయిపోయిందా? అని అనిపించింది. అలాగే ఈ చిత్ర బృందంతో కలిసి పనిచేయడం నాకు చాలా సంతోషంగా అనిపించింది. ఇంతకు మించి మరేదీ అడగలేను. మిషన్‌ మజ్ను టీమ్‌.. ఐ లవ్‌ యూ’’ అంటూ బాలీవుడ్‌లో తన తొలి చిత్ర అనుభవాలను పంచుకుంది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని