ఇంటర్నెట్‌ డెస్క్‌: ప్రస్తుతం భారతీయ సినీ పరిశ్రమలో మార్మోగుతున్న పేర్లలో యష్‌ ఒకటి. ఎవరూ పెద్దగా పట్టించుకోని కన్నడ సినిమా ఇండస్ట్రీని ‘కేజీఎఫ్‌’తో ఒక్కసారిగా ప్రపంచ సినిమాకు పరిచయం చేశాడు. డైరెక్టర్‌ ప్రశాంత్‌నీల్‌, హీరో యష్‌ కాంబినేషన్‌లో ‘కేజీఎఫ్‌2’ సైతం ఇటీవల చిత్రీకరణ పూర్తి చేసుకుంది. అయితే.. దొరికిన కాస్త ఖాళీ సమయాన్ని కుటుంబంతో గడిపేందుకు నిర్ణయించుకున్నాడీ కన్నడ రాకింగ్‌ స్టార్‌. అందుకే సినిమా పూర్తి కాగానే.. తర్వాతి సినిమా పట్టాలెక్కించకముందే కుటుంబంతో మాల్దీవులకు పయనమయ్యాడు. భార్య రాధికా పండిట్‌, ఇద్దరు పిల్లలతో కలిసి అక్కడ ప్రకృతి అందాలను ఆస్వాదిస్తున్నాడు. ఫొటోలను ఎప్పటికప్పుడు సోషల్‌ మీడియా వేదికగా అభిమానులతో పంచుకుంటున్నాడు. ఇటీల ప్రభాస్‌ హీరోగా నటిస్తున్న ‘సలార్‌’ ప్రారంభ వేడుకలో యష్‌ పాల్గొని సందడి చేసిన సంగతి తెలిసిందే.

ఇదీ చదవండి..

ముద్దుపెట్టలేదని బ్రేకప్‌ చెప్పిందట..