TS NEWS: దళితబంధు దేశానికి దారి చూపుతుంది

తాజా వార్తలు

Published : 17/08/2021 01:39 IST

TS NEWS: దళితబంధు దేశానికి దారి చూపుతుంది

టీఎన్జీవో అధ్యక్షుడు రాజేందర్‌

హైదరాబాద్‌: తెలంగాణ ప్రభుత్వం ప్రతిష్ఠాత్మకంగా ప్రారంభించిన దళితబంధు పథకం రాబోయే రోజుల్లో దేశానికి దారి చూపుతుందని టీఎన్జీవో అధ్యక్షుడు మామిళ్ల రాజేందర్‌, ప్రధాన కార్యదర్శి ప్రతాప్ అన్నారు. దేశంలోని దళితుల జీవనగతిని మార్చివేసే ఉజ్వలమైన పథకంగా చరిత్రకెక్కుతుందనే సంపూర్ణ విశ్వాసం ఉందని చెప్పారు. దళితులు ఇకముందు వ్యాపారవేత్తలుగా, పారిశ్రామికవేత్తలుగా ఎదిగుతారని ధీమా వ్యక్తం చేశారు. దళిత బంధును ఒక పథకంగా మాత్రమే కాకుండా ఉద్యమంగా ముందుకు తీసుకెళ్లాలని ప్రభుత్వం భావిస్తోందని, ప్రభుత్వ నిబద్ధతను దళిత మేధావులు,సంఘాల నాయకులు అభినందిస్తున్నారని చెప్పారు.ప్రతి లబ్ధిదారుడికి ప్రభుత్వం ఇచ్చేరూ.10లక్షల్లో రూ.10 వేలు లబ్ధిదారుని వాటా కింద జమచేసి, మరో 10 వేలు ప్రభుత్వం కలిపి దళిత రక్షణ నిధిని ఏర్పాటు చేస్తుందని, దళిత కుటుంబాల్లో ఎవరికి ఏ ఆపద వచ్చినా దళిత రక్షణ నిధి నుంచి ఆర్థిక సాయం అందిస్తుందని చెప్పారు. ప్రభుత్వంలో పనిచేస్తున్న సుమారు 40 వేల మంది దళిత ఉద్యోగులకు కూడా దళితబంధు పథకాన్ని వర్తింప చేస్తామని హుజూరాబాద్ సభలో ప్రకటించిన కేసీఆర్‌కు కృతజ్ఞతలు తెలిపారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని