20 ఏళ్ల సహజీవనం.. 60వ ఏట వివాహం!

తాజా వార్తలు

Updated : 17/07/2021 06:15 IST

20 ఏళ్ల సహజీవనం.. 60వ ఏట వివాహం!

లఖ్‌నవూ: విదేశాల్లో సహజీనం సంస్కృతి ఏళ్లుగా ఉంది. వాళ్లకు నచ్చినప్పుడు వివాహం చేసుకోవడం అక్కడ సర్వ సాధారణం. ఇటీవల కాలంలో ఈ సంస్కృతి మన దేశంలోనూ పెరుగుతోంది. అయితే, ఉత్తర్‌ప్రదేశ్‌కు చెందిన ఓ జంట రెండు దశాబ్దాల కిందటే సహజీవనాన్ని మొదలుపెట్టింది. తీరా షష్టిపూర్తి చేసుకోవాల్సిన వయసులో వివాహం చేసుకుంది.

ఉన్నావ్‌ జిల్లాలోని రసూల్‌పుర్‌ రూరీ గ్రామానికి చెందిన నరైన్‌ రైదాస్‌ (60), రామ్‌రతి (55) ప్రేమించుకున్నారు. 2001 నుంచి అదే గ్రామంలో సహజీవనం చేస్తున్నారు. గ్రామంలో ప్రజలంతా వ్యతిరేకించినా.. ఊరిపెద్దలను ఒప్పించి కలిసి జీవిస్తున్నారు. వారికి ప్రస్తుతం 13 ఏళ్ల కుమారుడు ఉన్నాడు. కారణాలేవైనా.. గ్రామస్థులు ఎంత అవమానించినా ఎందుకో ఇన్నాళ్లు వారు వివాహం చేసుకోవాలని అనుకోలేదు. ఇటీవల గ్రామపెద్ద రమేశ్‌కుమార్‌, సామాజిక కార్యకర్త ధర్మేంద్ర బాజ్‌పేయీ కలిసి నరైన్‌, రామ్‌రతిని వివాహం చేసుకోవాలని కోరారు. వారు, వారి కుమారుడు అవమానాల నుంచి తప్పించుకోవాలంటే పెళ్లి చేసుకోక తప్పదని ఒప్పించారు. వివాహ వేడుకకు అయ్యే ఖర్చు తామే భరిస్తామని హామీ ఇచ్చారు. దీంతో ఆ జంట వివాహం చేసుకోవడానికి అంగీకరించింది. అలా గ్రామ ప్రజలు, కన్న కుమారుడి సమక్షంలో వారిద్దరూ వివాహబంధంలోకి అడుగుపెట్టారు. వీరి పెళ్లి వేడుకను గ్రామస్థులంతా కలిసి నిర్వహించడం విశేషం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని