Breaking | Feedback | ePratibha | E-PAPER | Pratibha

KKR vs PBKS: ఆఖరి బంతికి గెలిచిన కోల్‌కతా.. ప్లేయర్‌ ఆఫ్‌ ది మ్యాచ్‌గా రస్సెల్

పంజాబ్‌ కింగ్స్‌తో జరిగిన ఉత్కంఠ పోరులో కోల్‌కతా నైట్‌రైడర్స్‌ ఐదు వికెట్ల తేడాతో గెలుపొందింది. ఈ విక్టరీతో ఐదో విజయాన్ని ఖాతాలో వేసుకున్న కోల్‌కతా ప్లేఆఫ్స్‌ అవకాశాలను సజీవంగా ఉంచుకుంది. పంజాబ్‌ నిర్దేశించిన 180 పరుగుల లక్ష్యాన్ని ఐదు వికెట్లు కోల్పోయి చివరి బంతికి ఛేదించింది.

Updated : 08 May 2023 23:50 IST

08/05/2023 23:23(IST)

ఉత్కంఠ పోరులో కోల్‌కతాదే గెలుపు

08/05/2023 22:57(IST)

రాణా హాఫ్‌ సెంచరీ.. ఔట్

నితీశ్ రాణా (51) ఔటయ్యాడు. రాహుల్ చాహర్‌ వేసిన 15.1 ఓవర్‌కు రెండు పరుగులు చేసి అర్ధ శతకం అందుకున్న రాణా.. తర్వాతి బంతికే లివింగ్‌స్టోన్‌కు క్యాచ్‌ ఇచ్చాడు. దీంతో 124 పరుగుల వద్ద కోల్‌కతా నాలుగో వికెట్ కోల్పోయింది. 16 ఓవర్లకు స్కోరు 129/4. రస్సెల్ (9), రింకు సింగ్ (1) క్రీజ్‌లో ఉన్నారు.

08/05/2023 22:18(IST)

రాయ్‌ ఔట్

జేసన్‌ రాయ్ (38; 24 బంతుల్లో) దూకుడుకు హర్‌ప్రీత్‌ బ్రార్‌ చెక్‌ పెట్టాడు. బ్రార్‌ వేసిన ఎనిమిదో ఓవర్‌లో రెండో బంతికి రాయ్‌.. షారూక్‌ ఖాన్‌కు క్యాచ్‌ ఇచ్చాడు. దీంతో 64 పరుగుల వద్ద కోల్‌కతా రెండో వికెట్ కోల్పోయింది. 8 ఓవర్లకు స్కోరు 67/2. నితీశ్‌ రాణా (10), వెంకటేశ్‌ అయ్యర్ (2) పరుగులతో ఉన్నారు.

08/05/2023 22:12(IST)

రాయ్‌ దూకుడు

జేసన్‌ రాయ్‌ దూకుడుగా ఆడుతున్నాడు. సామ్ కరన్‌ వేసిన ఆరో ఓవర్‌లో చివరి రెండు బంతులను బౌండరీకి పంపాడు. ఇదే ఓవర్‌లో రెండో బంతికి నితీష్‌ రాణా ఫోర్ బాదాడు. 6 ఓవర్లకు స్కోరు 52/1. జేసన్ రాయ్ (29), నితీష్‌ రాణా (6) పరుగులతో ఉన్నారు.

08/05/2023 22:04(IST)

ఫస్ట్ వికెట్

కోల్‌కతా మొదటి వికెట్ కోల్పోయింది. రెహ్మనుల్లా గుర్భాజ్ (15) ఔటయ్యాడు. నాథన్‌ ఎల్లిస్‌ వేసిన 4.4 ఓవర్‌కు ఎల్బీడబ్ల్యూగా వెనుదిరిగాడు. 5 ఓవర్లకు స్కోరు 39/1. నితీశ్ రాణా (1), జేసన్ రాయ్‌ (21) క్రీజ్‌లో ఉన్నారు.

08/05/2023 21:59(IST)

గుర్భాజ్‌ వరుసగా ఒక సిక్స్‌, ఫోర్స్‌..

నాలుగో ఓవర్‌ను అర్ష్‌దీప్‌ వేశాడు. ఈ ఓవర్లో తొలి బంతికి గుర్భాజ్‌ సిక్స్‌ బాదాడు. రెండో బంతిని బౌండరీకి తరలించాడు. తర్వాత ఆఖరి బంతిని ఎదుర్కొన్న రాయ్‌ మరో ఫోర్‌ బాదాడు. ఈ ఓవర్లో మొత్తం 16 పరుగులు వచ్చాయి. నాలుగో ఓవర్ పూర్తయ్యే సరికి కోల్‌కతా వికెట్‌ నష్టపోకుండా 36 పరుగులు చేసింది. క్రీజులో రాయ్‌ (20), గుర్భాజ్‌ (15) కొనసాగుతున్నారు.

08/05/2023 21:39(IST)

కోల్‌కతా ఛేదన ప్రారంభం

పంజాబ్‌ నిర్దేశించిన 180 పరుగుల లక్ష్య ఛేదనను కోల్‌కతా ప్రారంభించింది. ఇంపాక్ట్‌ ప్లేయర్‌గా కోల్‌కతా జట్టులోకి జేసన్‌ రాయ్‌ రాగా.. పంజాబ్‌ జట్టులోకి నాథన్‌ ఎలిస్‌ వచ్చాడు. తొలి ఓవర్‌ను రిషి ధావన్‌ వేస్తున్నాడు. జేసన్‌ రాయ్‌, గుర్భాజ్‌ ఓపెనర్లుగా బరిలోకి దిగారు.

08/05/2023 21:24(IST)

కోల్‌కతా టార్గెట్ ఫిక్స్‌

కోల్‌కతా నైట్‌రైడర్స్‌తో జరుగుతున్న మ్యాచ్‌లో పంజాబ్‌ కింగ్స్‌ భారీ స్కోరు సాధించింది. నిర్ణీత 20 ఓవర్లలో 7 వికెట్ల నష్టానికి 179 పరుగులు చేసింది. శిఖర్ ధావన్ (57; 47 బంతుల్లో 9 ఫోర్లు, 1 సిక్స్‌) అర్ధ శతకంతో మెరిశాడు. చివర్లో షారూక్‌ ఖాన్ (21*; 8 బంతుల్లో 3 ఫోర్లు, 1 సిక్స్‌), హర్‌ప్రీత్‌ బ్రార్‌ (17; 9 బంతుల్లో 2 ఫోర్లు, 1 సిక్స్‌) దూకుడుగా ఆడారు. జితేశ్‌ శర్మ (21), రిషి ధావన్ (19), లివింగ్‌స్టోన్ (15), ప్రభ్‌సిమ్రన్‌ సింగ్ (12) పరుగులు చేశారు. కోల్‌కతా బౌలర్లలో వరుణ్ చక్రవర్తి మూడు, హర్షిత్ రాణా రెండు, సుయాశ్‌ శర్మ, నితీశ్‌ రాణా ఒక్కో వికెట్ పడగొట్టారు.

08/05/2023 21:09(IST)

విజృంభిస్తున్న బౌలర్లు

కోల్‌కతా బౌలర్లు విజృంభిస్తున్నారు. దీంతో పంజాబ్‌ వరుసగా వికెట్లు కోల్పోతోంది. సుయాశ్‌ శర్మ వేసిన 17.2 ఓవర్‌కు సామ్ కరన్‌ (4) వికెట్‌ కీపర్‌ గుర్భాజ్‌కు క్యాచ్‌ ఇచ్చాడు. 18 ఓవర్లకు స్కోరు 143/7. హర్‌ప్రీత్‌ బ్రార్ (2), షారూక్ ఖాన్‌ (1) క్రీజ్‌లో ఉన్నారు.

08/05/2023 21:03(IST)

రిషి ధావన్ క్లీన్‌బౌల్డ్

దూకుడుగా ఆడుతున్న రిషి ధావన్ (19; 11 బంతుల్లో)ను వరుణ్‌ చక్రవర్తి వెనక్కి పంపాడు. చక్రవర్తి వేసిన 17వ ఓవర్లో మొదటి బంతికి సిక్స్ బాదిన రిషి.. ఐదో బంతికి క్లీన్‌ బౌల్డ్‌ అయ్యాడు. 17 ఓవర్లకు స్కోరు 139/6. సామ్ కరన్ (4), షారూక్‌ ఖాన్ (0) క్రీజులో ఉన్నారు.

08/05/2023 20:51(IST)

సగం వికెట్లు డౌన్

పంజాబ్‌ కింగ్స్‌ ఐదో వికెట్ కోల్పోయింది. నితీశ్ రాణా వేసిన 14.4 ఓవర్‌కు శిఖర్ ధావన్‌ (57) వైభవ్‌ అరోరాకు క్యాచ్‌ ఇచ్చాడు. తర్వాత క్రీజులోకి వచ్చిన రిషి ధావన్ (5) ఫోర్ బాదాడు. 15 ఓవర్లకు స్కోరు 124/5. సామ్‌ కరన్ (3) క్రీజ్‌లో ఉన్నాడు.

08/05/2023 20:42(IST)

జితేశ్‌ ఔట్

జితేశ్‌ శర్మ (21) ఔటయ్యాడు. వరుణ్ చక్రవర్తి వేసిన 12.3 ఓవర్‌కు వికెట్ కీపర్‌ రెహ్మనుల్లా గుర్భాజ్‌కు క్యాచ్‌ ఇచ్చాడు. దీంతో 106 పరుగుల వద్ద పంజాబ్ నాలుగో వికెట్ కోల్పోయింది. 13 ఓవర్లకు స్కోరు 109/4. సామ్‌ కరన్ (2), శిఖర్‌ ధావన్ (48) పరుగులతో ఉన్నారు.

08/05/2023 20:34(IST)

సిక్స్‌,ఫోర్

సుయాశ్‌ శర్మ వేసిన 11వ ఓవర్‌లో 11 పరుగులు వచ్చాయి. రెండో బంతికి జితేశ్ శర్మ సిక్స్‌ బాదాడు. ఫుల్ టాస్‌గా వచ్చిన ఐదో బంతిని ధావన్‌ బ్యాక్‌వర్డ్ పాయింట్‌ మీదుగా బౌండరీకి పంపాడు. 11 ఓవర్లకు స్కోరు 93/3. ధావన్ (37), జితేశ్ (20) పరుగులతో ఉన్నారు.

08/05/2023 20:08(IST)

పంజాబ్‌కు బిగ్ షాక్

పంజాబ్‌ కింగ్స్‌కు భారీ షాక్‌ తగిలింది. దూకుడుగా ఆడుతున్న పవర్‌ హిట్టర్ లియామ్‌ లివింగ్‌స్టోన్ (15) ఔటయ్యాడు. వరుణ్ చక్రవర్తి వేసిన 5.3 ఓవర్‌కు ఎల్బీడబ్ల్యూగా వెనుదిరిగాడు. దీంతో 53 పరుగుల వద్ద పంజాబ్ మూడో వికెట్ కోల్పోయింది. 6 ఓవర్లకు స్కోరు 58/3. శిఖర్‌ ధావన్ (25), జితేశ్ శర్మ (1) క్రీజ్‌లో ఉన్నారు.

08/05/2023 20:04(IST)

నాలుగు ఫోర్లు

లివింగ్‌స్టోన్ దూకుడుగా ఆడుతున్నాడు. రస్సెల్ వేసిన ఐదో ఓవర్‌లో వరుసగా మూడు ఫోర్లు బాదాడు. ఇందులో ఒక ఫ్రీ హిట్ ఉంది. చివరి బంతిని శిఖర్‌ ధావన్ (20) బౌండరీకి పంపాడు. 5 ఓవర్లకు స్కోరు 51/2. లివింగ్‌స్టోన్ (14) పరుగులతో ఉన్నాడు.

08/05/2023 19:51(IST)

రెండో వికెట్

పంజాబ్‌ కింగ్స్‌ రెండో వికెట్ కోల్పోయింది. హర్షిత్ రాణా వేసిన 3.4 ఓవర్‌కు రాజపక్స (0) వికెట్ కీపర్‌ రెహ్మనుల్లా గుర్భాజ్‌కు క్యాచ్‌ ఇచ్చాడు. 4 ఓవర్లకు స్కోరు 32/2. శిఖర్‌ ధావన్ (15), లివింగ్‌స్టోన్ (1) క్రీజ్‌లో ఉన్నారు.

08/05/2023 19:41(IST)

ప్రభ్‌సిమ్రన్‌ ఔట్

పంజాబ్‌ కింగ్స్‌ మొదటి వికెట్ కోల్పోయింది. హర్షిత్ రాణా వేసిన రెండో ఓవర్‌లో చివరి బంతికి ప్రభ్‌సిమ్రన్‌ సింగ్ (12) వికెట్ కీపర్‌ రెహ్మనుల్లా గుర్భాజ్‌కు క్యాచ్‌ ఇచ్చాడు. 2 ఓవర్లకు స్కోరు 21/1.

08/05/2023 19:10(IST)

కోల్‌కతా నైట్ రైడర్స్ ప్లేయింగ్ XI:

రెహ్మానుల్లా గుర్బాజ్(వికెట్‌ కీపర్), వెంకటేశ్ అయ్యర్, నితీశ్ రాణా(కెప్టెన్), రింకు సింగ్, ఆండ్రూ రస్సెల్, సునీల్ నరైన్, శార్దూల్ ఠాకూర్, వైభవ్ అరోరా, హర్షిత్ రాణా, సుయాశ్‌ శర్మ, వరుణ్ చక్రవర్తి.

08/05/2023 19:09(IST)

నేటి పంజాబ్ కింగ్స్ వీరే:

ప్రభ్‌సిమ్రాన్ సింగ్, శిఖర్ ధావన్(కెప్టెన్), భానుక రాజపక్స, లియామ్ లివింగ్‌స్టోన్, జితేశ్ శర్మ(వికెట్‌ కీపర్‌), సామ్ కరన్, షారుక్ ఖాన్, హర్‌ప్రీత్ బ్రార్, రిషి ధావన్, రాహుల్ చాహర్, అర్ష్‌దీప్ సింగ్.

08/05/2023 17:10(IST)

‘బంతి ఎలా విసిరినా క్యాచ్‌ చేస్తా’.. శార్దూల్‌ ఠాకుర్‌ ఫన్నీ వీడియో

క్రికెట్‌ ఫీల్డింగ్‌లో క్యాచ్‌లు చాలా ముఖ్యం. అందుకేనేమో.. కోల్‌కతా నైట్‌ రైడర్స్‌ (KKR) ఆటగాడు శార్దూల్‌ ఠాకుర్‌ (Shardul Thakur).. బంతి ఎలా వేసినా క్యాచ్‌ చేస్తానంటున్నాడు. ప్రాక్టీస్‌లో భాగంగా పలు విధాలుగా విసిరిన బంతులను తనదైన స్టైల్లో క్యాచ్‌లు పడుతున్న సరదా వీడియో విడుదల చేశారు. చివరగా కోల్‌కతా ప్రాంఛైజీ ఓనర్ షారుఖ్‌ స్టైల్లో బంతిని క్యాచ్‌ చేసి అలరించాడు. ఆ ఫన్నీ వీడియో కోసం క్లిక్ చేయండి

08/05/2023 17:06(IST)

ఈడెన్‌ గార్డెన్స్‌లో ఇలా

ఈ మ్యాచ్‌ కోల్‌కతాలోని ఈడెన్‌ గార్డెన్స్‌లో జరగనున్న విషయం తెలిసిందే. ఈ మైదానంలో ఇరుజట్లు 11 సార్లు తలపడగా.. కోల్‌కతా ఏకంగా ఎనిమిది మ్యాచ్‌ల్లో విక్టరీ సాధించింది. మిగిలిన మూడు మ్యాచ్‌ల్లో పంజాబ్‌ గెలిచింది.

08/05/2023 17:05(IST)

ఆధిపత్యం ఎవరిదంటే?

ఈ సీజన్‌లో కోల్‌కతా, పంజాబ్ మధ్య మ్యాచ్‌ జరగ్గా.. డక్‌వర్త్ లూయిస్‌ ప్రకారం పంజాబ్‌ ఏడు పరుగుల తేడాతో విజయం సాధించింది. ఓవరాల్‌గా చూసుకుంటే ఇరుజట్లు ఇప్పటివరకు 31సార్లు తలపడ్డాయి. కేకేఆర్‌ 20 మ్యాచ్‌ల్లో విజయం సాధించగా.. పంజాబ్‌ 11 మ్యాచ్‌ల్లో గెలుపొందింది.

08/05/2023 17:05(IST)

ప్లేఆఫ్స్‌ ఆశలు సజీవంగా ఉండాలంటే నెగ్గాల్సిందే

కోల్‌కతా 10 మ్యాచ్‌ల్లో నాలుగు విజయాలతో ఎనిమిదో స్థానంలో ఉన్న కోల్‌కతా.. ప్లేఆఫ్స్‌ అవకాశాలు సజీవంగా ఉండాలంటే మిగిలిన నాలుగు మ్యాచ్‌ల్లో తప్పక నెగ్గాలి. మరి ఈ మ్యాచ్‌లో కోల్‌కతా నెగ్గుతుందో లేదో చూడాలి మరి.

08/05/2023 16:35(IST)

PBKS vs KKR: సెంటిమెంట్‌ వర్కవుట్‌ అయితే పంజాబ్‌దే విజయం!

క్రికెట్‌ ఆడేవాళ్లకు, చూసేవాళ్లకు సెంటిమెంట్స్‌ ఉంటాయి అంటుంటారు. ఆడేవాళ్ల సంగతేమో కానీ.. చూసేవాళ్లకైతే చాలానే ఉంటాయి. అలాంటి ఓ సెంటిమెంట్‌ పంజాబ్‌ కింగ్స్‌ (Punjab Kings)కి ఈ ఐపీఎల్‌ (IPL 2023)లో గత కొన్ని రోజులుగా వర్కవుట్‌ అవుతోంది. ఈ రోజు కూడా అదే జరిగితే కోల్‌కతా నైట్‌రైడర్స్‌ (Kolkata Knight Riders)పై పంజాబ్‌ కింగ్స్‌ విజయం పక్కా అని చెప్పొచ్చు అని నెటిజన్లు అంటున్నారు. పూర్తి వార్త కోసం క్లిక్ చేయండి

App

KKR vs PBKS: ఆఖరి బంతికి గెలిచిన కోల్‌కతా.. ప్లేయర్‌ ఆఫ్‌ ది మ్యాచ్‌గా రస్సెల్

తాజా వార్తలు (Latest News)

తాత, నానమ్మల పెళ్లంట.. మనవలే పెద్దలంట!

అరగంట కరెంట్‌ కట్‌.. కీసర డీఈపై సస్పెన్షన్‌ వేటు

‘దేవర’లో కీలక పాత్ర.. అల్లరి నరేశ్‌ ఏమన్నారంటే?

తెదేపా ఎన్నికల ప్రచార రథంపై వైకాపా మూకల రాళ్ల దాడి

నేనెందుకు సమాధానం చెప్పాలి?: వరలక్ష్మీ శరత్‌కుమార్‌

అతిపెద్ద ఎయిర్‌పోర్టు.. 400 గేట్లు.. రూ.2.9 లక్షల కోట్ల ఖర్చు!

సుఖీభవ

చదువు