ప్లాస్మా థెరపీతో ప్రయోజనం కనిపించలేదు: ఎయిమ్స్‌

తాజా వార్తలు

Published : 07/08/2020 03:05 IST

ప్లాస్మా థెరపీతో ప్రయోజనం కనిపించలేదు: ఎయిమ్స్‌

 మరింత పరిశోధన అవసరమన్న గులేరియా

దిల్లీ: కరోనా బాధితులపై ప్లాస్మా థెరపీ విధానం పెద్దగా ప్రభావం చూపడం లేదని దిల్లీ ఎయిమ్స్‌ స్పష్టంచేసింది. కొవిడ్‌ రోగులపై నిర్వహించిన ప్లాస్మా చికిత్స ఫలితాల ప్రాథమిక విశ్లేషణలో ఈ విషయం వెల్లడైందని ఎయిమ్స్‌ డైరెక్టర్‌ రణ్‌దీప్‌ గులేరియా తెలిపారు. ప్లాస్మా చికిత్స ఫలితాలను అంచనా వేసేందుకు 15 మంది కొవిడ్‌ రోగులతో కూడిన రెండు బృందాలపై పరిశీలన జరిపినట్టు వెల్లడించారు. అందులో ఒక బృందానికి సాధారణ విధానంలో చికిత్స అందించగా.. మరో 15 మందికి సాధారణ పద్ధతితో పాటు ప్లాస్మా చికిత్సను అందించినట్టు తెలిపారు. ఈ రెండు విధానాల్లోనూ మరణాల రేటు సమానంగా ఉన్నట్టు తమ ప్రాథమిక విశ్లేషణలో తేలినట్టు గులేరియా వెల్లడించారు. అయితే, దీనిపై స్పష్టత కోసం మరింత పరిశోధన అవసరమన్నారు. ప్లాస్మా థెరఫీ వల్ల కరోనా రోగులకు ఎలాంటి ప్రమాదమూ లేదన్న ఆయన.. అదే సమయంలో దీనివల్ల ప్రయోజనం కూడా లేదని పేర్కొన్నారు. 

ప్లాస్మా థెరపీ అంటే ఏంటి?
వైరస్‌ బారినపడి కోలుకున్న వారి రక్తంలోని ప్లాస్మాతో చేసే చికిత్సను ప్లాస్మా థెరపీ అంటారు. సాధారణంగా మన శరీరంలోకి బయటి నుంచి వైరస్‌ ప్రవేశించినప్పుడు దాంతో పోరాడేందుకు యాంటీబాడీస్‌ విడుదలవుతాయి. అప్పుడు శరీరం తట్టుకుని నిలబడుతుంది. తట్టుకోలేని శరీరాలు రోగం బారిన పడతాయి. మనకు నయమైన తర్వాత కూడా యాంటీబాడీస్‌ రక్తంలో ఉండిపోతాయి. వీటితో చేసే ప్లాస్మా థెరపీ ఒకరకంగా రక్తమార్పిడి లాంటిదే.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని