Covid మూలాలపై పూర్తి దర్యాప్తు జరగాలి
close

తాజా వార్తలు

Published : 15/05/2021 10:57 IST
Facebook Share Twitter Share WhatsApp Share Telegram Share Link Share

Covid మూలాలపై పూర్తి దర్యాప్తు జరగాలి

చైనాలోని ల్యాబ్‌ నుంచి వైరస్‌ లీకై ఉండొచ్చన్న వాదనపైనా దృష్టి సారించాలి
 అమెరికా, బ్రిటన్‌ శాస్త్రవేత్తల డిమాండ్‌ 

లండన్‌: కొవిడ్‌-19 మూలాలను తేల్చడానికి మరింత పరిశోధన జరపాలని అమెరికా, బ్రిటన్‌ శాస్త్రవేత్తలు డిమాండ్‌ చేశారు. చైనాలోని వుహాన్‌ వైరాలజీ ల్యాబ్‌ నుంచి ఈ వైరస్‌ ప్రమాదవశాత్తు విడుదలై ఉంటుందన్న వాదనపైనా దృష్టి సారించాలని కోరారు. ఈ శాస్త్రవేత్తల్లో భారత సంతతికి చెందిన ఇమ్యునాలజీ, అంటువ్యాధుల నిపుణుడు రవీంద్ర గుప్తా కూడా ఉన్నారు. పూర్తిస్థాయి డేటా లభ్యమయ్యేవరకూ ఈ వైరస్‌.. ల్యాబ్‌ నుంచి వెలువడిందన్న వాదనతోపాటు అది సహజసిద్ధంగా వచ్చి ఉంటుందన్న వాదననూ పరిగణనలోకి తీసుకోవాలని శాస్త్రవేత్తలు కోరారు. ఈ మేరకు వారు రాసిన లేఖ ‘సైన్స్‌’ జర్నల్‌లో ప్రచురితమైంది. కరోనా మూలాలపై స్పష్టత అవసరమని ప్రపంచ ఆరోగ్య సంస్థ (డబ్ల్యూహెచ్‌వో) డైరెక్టర్‌ జనరల్, అమెరికా, 13 దేశాలు, యూరోపియన్‌ యూనియన్‌ వ్యక్తంచేసిన అభిప్రాయంతో తాము ఏకీభవిస్తున్నట్లు వారు చెప్పారు. ఈ వైరస్‌ మూలాలను గుర్తించేందుకు చైనా-డబ్ల్యూహెచ్‌వో ఉమ్మడి అధ్యయన బృందం ఏర్పడిందని తెలిపారు. ‘‘ఈ అధ్యయనానికి సంబంధించిన మొదటి దశలో సమాచారం, డేటా, నమూనాలను.. ఈ బృందంలోని చైనా సభ్యులు సేకరించారు. దీని ఆధారంగా మిగతా బృందం విశ్లేషణ చేసింది. కరోనా వైరస్‌ సహజసిద్ధంగా వచ్చిందా లేక ల్యాబ్‌ నుంచి లీకైందా అన్నదానిపై ఇతమిత్థంగా ఏమీ తేలలేదు. ఒక జంతువు నుంచి ఈ వైరస్‌ వచ్చి ఉండటానికే ఆస్కారం ఎక్కువగా ఉందని నివేదిక పేర్కొంది. ల్యాబ్‌ ద్వారా లీకై ఉండటానికి అవకాశం దాదాపుగా లేదని తెలిపింది. నిజానికి ఈ రెండు సిద్ధాంతాలపై సరైన పరిశీలన జరగలేదు’’ అని పేర్కొన్నారు. ల్యాబ్‌ నుంచి లీకై ఉంటుందన్న వాదనకు మద్దతునిచ్చే ఆధారాలపై సరైన అధ్యయనం జరగలేదని, ఈ కోణాన్ని బలపరిచే అదనపు వనరులను అందించడానికి తాము సిద్ధమన్న డబ్ల్యూహెచ్‌వో డైరెక్టర్‌ జనరల్‌ వ్యాఖ్యలను వారు గుర్తుచేశారు. పారదర్శకత, నిష్పక్షపాత, డేటా, అన్ని రంగాల నిపుణులతో కూడిన దర్యాప్తు అవసరమన్నారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని