Sero survey: మరో విడత సీరో సర్వేకు రెడీ

తాజా వార్తలు

Published : 01/06/2021 20:05 IST

Sero survey: మరో విడత సీరో సర్వేకు రెడీ

దిల్లీ: కరోనా సెకండ్‌ వేవ్‌ ప్రకంపనలు.. మూడో వేవ్‌ పొంచి ఉందన్న భయాల నేపథ్యంలో మరో సీరో సర్వే నిర్వహించేందుకు కేంద్రం సిద్ధమైంది. దేశవ్యాప్తంగా నాలుగో విడత సీరో సర్వే ఈ నెల నిర్వహించనుంది. ఈ సర్వే ద్వారా ఎంతమందిలో యాంటీబాడీలు వృద్ధి చెందుతాయో తెలుసుకోనుంది. ఈ సారి చిన్నారులతో పాటు గ్రామీణ ప్రాంతాలపై దృష్టి సారించనుంది.

భారత వైద్య పరిశోధన మండలి (ఐసీఎంఆర్‌) ఈ సీరో సర్వే నిర్వహించనుంది. ఈ సర్వేలో భాగంగా మొత్తం 28వేల బ్లడ్‌ శాంపిల్స్‌ను సేకరించనుంది. పెద్దవారి నుంచి 14వేల శాంపిళ్లు, ఆరేళ్లు పైబడిన వారి నుంచి మరో 14వేల శాంపిళ్లను సేకరించనున్నారు. ముఖ్యంగా ఈ సారి గ్రామీణ ప్రాంతాల్లోని ప్రజల్లో ఏ మేర యాంటీబాడీలు వృద్ధి చెందుతాయో తెలుసుకోనున్నారు. 

తొలి విడత సీరో సర్వే గతేడాది మే 11 నుంచి జూన్‌ మధ్య నిర్వహించగా.. పెద్దలు 0.73 శాతం మందిలో కొవిడ్‌ యాంటీబాడీలు గుర్తించారు. సెకండ్‌ సర్వేలో పదేళ్లు పైబడిన మొత్తం జనాభాలో 7 శాతం మంది కొవిడ్‌ బారిన పడినట్లు తేలగా.. మూడో విడత సర్వే వచ్చేసరికి ఆ సంఖ్య 21 శాతానికి చేరింది. మరోవైపు కొవిడ్‌ మూడో విడతలో ఎక్కువగా చిన్నారులపైనే ప్రభావం చూపే అవకాశం ఉందన్న వైద్య నిపుణుల హెచ్చరికల నేపథ్యంలో ఈ విడత సర్వేలో చిన్నారులకు ప్రాధాన్యం ఇస్తుండడం గమనార్హం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని