సువేందు ఎన్నికపై దీదీ సవాల్‌.. విచారణ వాయిదా
close

తాజా వార్తలు

Published : 18/06/2021 22:17 IST

సువేందు ఎన్నికపై దీదీ సవాల్‌.. విచారణ వాయిదా

కోల్‌కతా: నందిగ్రామ్‌లో భాజపా నేత సువేందు అధికారి ఎన్నికను సవాల్‌ చేస్తూ బెంగాల్‌ సీఎం మమతా బెనర్జీ కోల్‌కతా హైకోర్టులో వేసిన పిటిషన్‌పై విచారణ వాయిదా పడింది. జూన్‌ 24న ఈ అంశంపై విచారణ చేపట్టనున్నట్టు న్యాయమూర్తి జస్టిస్‌ కౌశిక్‌ చందా తెలిపారు. ఈ రోజు విచారణలో భాగంగా మమత తరఫు న్యాయవాది ఈ అంశాన్ని జడ్జి వద్ద ప్రస్తావించగా.. ఎన్నికల పిటిషన్‌ అయినందున తొలి రోజు విచారణకు సీఎం మమతా బెనర్జీ స్వయంగా హాజరు కావాల్సి ఉందని చెప్పారు. దీనిపై  స్పందించిన న్యాయవాది.. చట్టప్రకారమే ఆమె వ్యవహరిస్తారని చెప్పడంతో విచారణను గురువారానికి వాయిదా వేశారు.

బెంగాల్‌ అసెంబ్లీ ఎన్నికల్లో అందరి దృష్టినీ ఆకర్షించిన నందిగ్రామ్‌ స్థానంలో దీదీపై సువేందు అధికారి స్వల్ప ఓట్ల తేడాతోనే గెలుపొందిన విషయం తెలిసిందే. అయితే, ఈవీఎంల ట్యాంపరింగ్‌ జరిగిందని, రీకౌంటింగ్‌కు డిమాండ్‌ చేసినప్పటికీ సంబంధిత ఈసీ అధికారి పట్టించుకోలేదని ఆరోపిస్తూ వచ్చిన మమతా బెనర్జీ.. ఆయన ఎన్నికను సవాల్‌ చేస్తూ హైకోర్టును ఆశ్రయించడం గమనార్హం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని