close

తాజా వార్తలు

మోహన్‌లాల్‌పాత్రలో చిరు..పృథ్వీరాజ్‌ పాత్రలోచెర్రీ

చిరంజీవి త్వరలోనే ‘సైరా...’ అంటూ సందడి చేయబోతున్నారు. ప్రస్తుతం ఆ సినిమా  ప్రచారంలోనే బిజీ బిజీగా ఉన్నారాయన. మరోపక్క తదుపరి చిత్రానికి కూడా రంగం  సిద్ధమవుతోంది. కొరటాల శివ దర్శకత్వం వహించనున్న ఆ సినిమా వచ్చే నెల్లోనే పట్టాలెక్కనుంది. త్రివిక్రమ్‌ కూడా చిరు కోసం ఓ కథ సిద్ధం చేస్తున్నారు. ఇవి కాకుండా... మరో కథ కూడా చిరంజీవి కోసం ముస్తాబవుతోంది. మలయాళంలో విజయవంతమైన ‘లూసిఫర్‌’ సినిమా రీమేక్‌ హక్కుల్ని రామ్‌చరణ్‌ సొంతం చేసుకొన్నారు. మలయాళ అగ్ర కథానాయకుడు పృథ్వీరాజ్‌ ఓ కీలక పాత్రలో నటిస్తూ దర్శకత్వం వహించిన చిత్రమిది. మోహన్‌లాల్‌ కథానాయకుడిగా నటించారు. తండ్రి చిరంజీవి కోసమే ఈ సినిమా హక్కుల్ని రామ్‌చరణ్‌ సొంతం చేసుకొన్నారట. మోహన్‌లాల్‌ పోషించిన పాత్రని చిరంజీవి, పృథ్వీరాజ్‌ చేసిన పాత్రని రామ్‌చరణ్‌ చేసే అవకాశాలున్నట్టు సమాచారం. మరి ఈ చిత్రానికి కూడా పృథ్వీరాజే దర్శకత్వం వహిస్తారా లేక మరొకరికి ఆ బాధ్యతలు అప్పజెబుతారా అనేది చూడాలి. కొరటాల శివ, త్రివిక్రమ్‌ సినిమాల తర్వాతే ‘లూసిఫర్‌’ రీమేక్‌ పట్టాలెక్కే అవకాశముంది. ‘‘మీరు ‘లూసిఫర్‌’ రీమేక్‌ హక్కుల్ని తీసుకున్నారని తెలిసి ఆనందంగా ఉంది’’ అని పృథ్వీరాజ్‌ ట్వీట్‌ చేశారు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.