CBSE- CTET: సీటెట్ అడ్మిట్‌ కార్డులు విడుదల.. డౌన్‌లోడ్‌ కోసం క్లిక్‌ చేయండి

ఇంటర్నెట్ డెస్క్‌: సెంట్రల్‌ టీచర్స్‌ ఎలిజిబిలిటీ టెస్ట్‌ (సీటెట్) (CTET) అడ్మిట్‌ కార్డులను సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) విడుదల చేసింది. దరఖాస్తు చేసుకున్న అభ్యర్థులు అధికారిక వెబ్‌సైట్‌ నుంచి అడ్మిట్‌ కార్డులను (hall tickets)డౌన్‌లోడ్‌ చేసుకోవచ్చు. అభ్యర్థులు పూర్తి వివరాలను https://ctet.nic.in/ వెబ్‌సైట్‌లో చూడొచ్చు. అడ్మిట్‌ కార్డును డౌన్‌లోడ్‌ చేసుకునేందుకు అభ్యర్థులు తమ దరఖాస్తు నంబర్‌, పుట్టిన తేదీని ఎంటర్‌ చేయాల్సి ఉంటుంది. 

సీటెట్‌కు ఏప్రిల్‌ 27న సీబీఎస్‌ఈ నోటిఫికేషన్‌‌ను విడుదల చేసిన సంగతి తెలిసిందే.  ఆగస్టు 20న సీటెట్‌ పరీక్ష జరగనుంది. ఉదయం 9.30 గంటల నుంచి మధ్యాహ్నం 12 గంటల వరకు పేపర్‌-1, మధ్యాహ్నం 2.30 గంటల నుంచి సాయంత్రం 5 గంటల వరకు పేపర్‌-2 నిర్వహించనున్నారు. దేశవ్యాప్తంగా 20 భాషల్లో ఈ పరీక్షను నిర్వహించనున్నారు.