గీతంలో ఫిజియోథెరపీ

ఇటీవల కాలంలో ప్రాచుర్యం పొందుతోన్న కోర్సుల్లో ఫిజియోథెరపీ ఒకటి. దీనికున్న ప్రాధాన్యం దృష్ట్యా గీతం యూనివర్శిటీ (విశాఖపట్నం) ఈ విద్యాసంవత్సరం నుంచి బ్యాచిలర్‌ ఆఫ్‌ ఫిజియోథెరపీ కోర్సు అందిస్తోంది. పరీక్షలో ప్రతిభ చూపినవారు ట్యూషన్‌ ఫీజులో రాయితీ పొందవచ్చు.

నాలుగు సంవత్సరాల వ్యవధి ఉండే బ్యాచిలర్‌ ఆఫ్‌ ఫిజియోథెరపీ (బీపీటీ)లో ఆరు నెలల ఇంటర్న్‌షిప్‌ తప్పనిసరి. అర్హత: 60 శాతం మార్కులతో బైపీసీ గ్రూపుతో ఇంటర్మీడియట్‌ ఉత్తీర్ణత (2019, 2020, 2021లో ఉత్తీర్ణులు అర్హులు) ప్రవేశం: గీతం ఆప్టిట్యూడ్‌ టెస్టు (గాట్‌) స్కోరుతో. పరీక్షలో: గాట్‌లో.. బయాలజీ నుంచి 40, ఫిజిక్స్‌ నుంచి 30, కెమిస్ట్రీ నుంచి 30 ప్రశ్నలు ఉంటాయి. ప్రతి ప్రశ్నకూ 2 మార్కులు. మొత్తం 200 మార్కులకు ఆన్‌లైన్‌లో ఆబ్జెక్టివ్‌ విధానంలో పరీక్ష నిర్వహిస్తారు. రుణాత్మక మార్కులు లేవు. దరఖాస్తుకు చివరి తేదీ: ఆగస్టు 15 ప్రవేశపరీక్షలు: ఆగస్టు 17, 18న నిర్వహిస్తారు. స్కాలర్‌షిప్పు: గాట్‌లో 180, ఆపైన మార్కులు పొందినవారికీ; అలాగే నీట్‌లో లక్షలోపు ర్యాంకు సాధించినవారికీ మొదటి ఏడాది వంద శాతం ట్యూషన్‌ ఫీజు నుంచి మినహాయింపు లభిస్తుంది. 160 మార్కులు లేదా నీట్‌లో 1,50,000లోపు ర్యాంకు సాధించినవారికి 75 శాతం, 140 మార్కులు లేదా నీట్‌లో 2 లక్షలలోపు ర్యాంకు వస్తే 50 శాతం, 120 మార్కులు లేదా నీట్‌లో 2.5 లక్షలలోపు ర్యాంకు సాధిస్తే 25 శాతం ట్యూషన్‌ ఫీజు మినహాయింపు ఉంటుంది.

https://gat.gitam.edu/Physiotherapy/