కరెంట్‌ అఫైర్స్‌

మాదిరి ప్రశ్నలు

• ప్రపంచంలోనే మొదటి సారిగా మెలనిస్టిక్‌ టైగర్‌ సఫారీని ఏర్పాటు చేస్తున్నట్లు ఇటీవల ఏ రాష్ట్రం ప్రకటించింది? (ఈ రాష్ట్రంలోని సిమ్లిపాల్‌ టైగర్‌ రిజర్వ్‌కు సమీపంలోనే ఈ నూతన కేంద్రాన్ని ఏర్పాటు చేయనున్నట్లు ఈ రాష్ట్ర ప్రభుత్వం ప్రకటించింది. అత్యంత అరుదుగా కనిపించే మెలనిస్టిక్‌ పులులకు సంబంధించి మరింత మెరుగైన పరిశోధనలు చేయడం, పర్యాటక రంగాన్ని ప్రోత్సహించడమే లక్ష్యంగా ఈ సఫారీని ఏర్పాటు చేస్తున్నట్లు ఆ రాష్ట్ర ప్రభుత్వం ప్రకటించింది. సాధారణ బెంగాల్‌ పులులు అయిన ఈ నల్ల పులులు అధిక మెలనిన్‌ ఉత్పత్తి కారణంగా వాటి సాధారణ నారింజ, నలుపు రంగుకు బదులుగా నల్లటి ముదురు చారలతో కనిపిస్తాయి.)

జ: ఒడిశా

• ఏ దేశం తొలిసారిగా తన సరిహద్దుల్లో కోల్టన్‌ నిక్షేపాలను కనుక్కున్నట్లు ఇటీవల అధికారికంగా ప్రకటించింది? (కోల్టన్‌ అనేది కొలంబైట్‌ - టాంటలైట్‌ల సంక్షిప్త రూపం. స్మార్ట్‌ ఫోన్‌లు, ఎలక్ట్రిక్‌ కార్‌ బ్యాటరీల లాంటి ఎలక్ట్రానిక్‌లను ఉత్పత్తి చేయడంలో దీన్ని ఉపయోగిస్తారు. నియోబియం, టాంటలమ్‌లతో కూడిన విలువైన ఖనిజమే కోల్టన్‌.)

జ: కెన్యా

• ఇటీవల వార్తల్లోకి వచ్చిన ఐఐటీజీఎన్‌ పూర్తి రూపం ఏమిటి? (ప్రధానమంత్రి నరేంద్ర మోదీ ఇటీవల ప్రారంభించిన ఐఐటీజీఎన్‌ను దిల్లీ, ముంబయి ఇండస్ట్రియల్‌ కారిడార్‌ (డీఎమ్‌ఐసీ), గ్రేటర్‌ నోయిడా అథారిటీ సంయుక్తంగా అభివృద్ధి చేశాయి. రూ.1700 కోట్ల వ్యయంతో నిర్మించిన ఈ ఐఐటీజీఎన్‌ పెట్టుబడులను ఆకర్షించడానికి ప్రపంచ స్థాయి మౌలిక సదుపాయాలతో పాటు కంపెనీలకు ప్రోత్సాహకాలను అందిస్తుంది.)

జ: ఇంటిగ్రేటెడ్‌ ఇండస్ట్రియల్‌ టౌన్‌షిప్‌ - గ్రేటర్‌ నోయిడా

• ఇటీవల వార్తల్లోకి వచ్చిన కార్బన్‌ బోర్డర్‌ అడ్జస్ట్‌మెంట్‌ మెకానిజం (సీబీఏఎమ్‌) ఏ ప్రాంతానికి సంబంధించింది?

జ: యూరప్‌