Maruti Suzuki WagonR: 30 లక్షలు దాటిన మారుతీ వేగనార్‌ విక్రయాలు

దిల్లీ: ప్రముఖ కార్ల తయారీ సంస్థ మారుతీ సుజుకీకి చెందిన వేగనార్ (Maruti Suzuki WagonR) కారు విక్రయాలు 30 లక్షల మైలురాయిని దాటాయి. 1,999లో ఈ మోడల్‌ను కంపెనీ మార్కెట్‌లోకి విడుదల చేసింది. 2008 నాటికి ఐదు లక్షల యూనిట్లు విక్రయమయ్యాయి. 2017లో 20 లక్షలు, 2021లో 25 లక్షలు, 2023లో 30 లక్షల విక్రయాల మైలురాయిని అందుకుంది. హ్యాచ్‌బ్యాక్‌ సెగ్మెంట్‌కు చెందిన ఈ కారులో కస్టమర్ల అభిరుచులకు అనుగుణంగా మార్పులు చేస్తూ వచ్చారు. తమ మోడళ్లలో అత్యధికంగా రీపీట్‌ కొనుగోలుదారులు ఉన్న కారు వేగనారేనని కంపెనీ ప్రతినిధి శశాంక్‌ శ్రీవాస్తవ తెలిపారు. దాదాపు 24 శాతం మంది తమ పాత వేగనార్‌ను అప్‌గ్రేడ్‌ చేసుకున్నారని వెల్లడించారు.