Crime news: సుప్రీంకోర్టు వద్దవ్యక్తి ఆత్మహత్యాయత్నం

దిల్లీ: దేశ రాజధాని నగరంలోని సుప్రీంకోర్టు బయట ఓ వ్యక్తి ఆత్మహత్యాయత్నానికి పాల్పడటం కలకలం రేపింది. దాదాపు 50 ఏళ్ల వయసు కలిగిన ఓ వ్యక్తి సర్వోన్నత న్యాయస్థానం వద్ద ఒంటికి నిప్పంటించుకొని ఆత్మహత్యకు ప్రయత్నించినట్టు పోలీసులు వెల్లడించారు. పలుచోట్ల గాయాలు కావడంతో చికిత్స కోసం లోక్‌నాయక్‌ జయప్రకాశ్‌ నారాయణ్‌ (ఎల్‌ఎన్‌జేపీ) ఆస్పత్రికి తరలించారు. అతడిని నోయిడాకు చెందిన రాజ్‌భర్‌ గుప్తాగా గుర్తించినట్టు పోలీసులు తెలిపారు. నోయిడాలోని సెక్టార్‌ 128లో ఓ ఫ్యాక్టరీలో పనిచేస్తున్నట్టు సమాచారం. ఈ ఘటనపై విచారణ కొనసాగుతోంది. అయితే, అతడు ఇంత తీవ్ర నిర్ణయం తీసుకోవడం వెనుక కారణాలు మాత్రం ఇంకా తెలియరాలేదు.