ఆర్టీసీ బస్సు ఢీకొని దుర్మరణం

రామ సత్యసాయి

నల్లజర్ల: పుల్లలపాడు జాతీయరహదారిపై మంగళవారం రాత్రి ద్విచక్రవాహనాన్ని ఆర్టీసీ బస్సు ఢీకొన్న ఘటనలో ఒకరు దుర్మరణం పాలయ్యారు. నల్లజర్ల గ్రామానికి చెందిన గన్నిన రామ సత్యసాయి(29) నెల్లూరు జిల్లా కావలిలో ఆయుర్వేద కంపెనీలో ఉద్యోగం చేస్తున్నారు. ఇటీవల స్వగ్రామం వచ్చారు. మంగళవారం వ్యక్తిగత పనుల నిమిత్తం భీమడోలు వెళ్లి రాత్రి సమయంలో తిరిగొస్తుండగా రాజమహేంద్రవరం నుంచి విజయవాడ వైపు వెళ్తున్న బస్సు ఢీకొని అక్కడికక్కడే మృతిచెందారు. శవపంచనామా కోసం తాడేపల్లిగూడెం ప్రభుత్వాసుపత్రికి తరలించారు. మృతుడికి ఇంకా వివాహం జరగలేదు. ఆర్టీసీ డ్రైవర్‌ను అదుపులోకి తీసుకుని కేసు నమోదు చేసినట్లు ఏఎస్సై రాంబాబు తెలిపారు.