Viveka Murder Case: ముగిసిన సునీల్‌ యాదవ్‌ సీబీఐ కస్టడీ

కడప: మాజీ మంత్రి వైఎస్‌ వివేకానందరెడ్డి హత్య కేసులో నిందితుడు సునీల్‌ యాదవ్‌కు సీబీఐ కస్టడీ ముగిసింది. 10రోజుల పాటు సీబీఐ అధికారులు అతడిని విచారించారు. కస్టడీ ముగియడంతో కడప నుంచి పులివెందుల తీసుకెళ్లారు. మధ్యాహ్నం లోపు పులివెందుల కోర్టులో సునీల్‌ యాదవ్‌ను హాజరుపరచనున్నారు.

మరోవైపు ఈ కేసులో సీబీఐ 71వ రోజు విచారణ కొనసాగుతోంది. పులివెందుల ఆర్‌అండ్‌బీ అతిథిగృహంలో పలువురు అనుమానితులను సీబీఐ అధికారులు విచారిస్తున్నారు. ఈరోజు విచారణనకు వైఎస్‌ ప్రకాశ్‌రెడ్డి హాజరయ్యారు. మరోవైపు కడపలోనూ సీబీఐ విచారణ కొనసాగుతోంది. అక్కడ ముగ్గురు అనుమానితులను విచారిస్తున్నారు.