రాజకీయాలు పవిత్రంగా ఉంటే సమాజానికి మేలు

ద్వారకా తిరుమలరావుకు పురస్కారాన్ని అందజేస్తున్న పోచారం శ్రీనివాస్‌రెడ్డి, రమణాచారి తదితరులు

రవీంద్రభారతి: దేశంలో రాజకీయాలు ఎంత పవిత్రంగా ఉంటే సమాజానికి మేలు జరుగుతుందని రాష్ట్ర శాసనసభాపతి పోచారం శ్రీనివాస్‌రెడ్డి అన్నారు. ఆదివారం రాత్రి  కిన్నెర ఆర్ట్‌ థియేటర్స్‌, కిన్నెర కల్చరల్‌ అండ్‌ ఎడ్యుకేషనల్‌ ట్రస్ట్‌ ఆధ్వర్యంలో కిన్నెర- శోభకృత్‌ నామ ఉగాది పురస్కారాల ప్రదానోత్సవం రవీంద్రభారతిలో నిర్వహించారు. ప్రభుత్వ సలహాదారు కె.వి.రమణాచారి అధ్యక్షతన జరిగిన సభలో పోచారం పాల్గొన్నారు. ఈ సందర్భంగా పద్మశ్రీ పురస్కార గ్రహీత డా.హనుమంతరావును సత్కరించారు. ఏపీఎస్‌ఆర్టీసీ ఎండీ ద్వారకా తిరుమలరావు, ఏపీ పాఠశాల విద్య నియంత్రణ, పర్యవేక్షణ కమిషన్‌ ఛైర్మన్‌ జస్టిస్‌ రామలింగేశ్వరరావు సహా పలువురికి పురస్కారాలు అందజేశారు.