పరిహారం ఇచ్చే వరకు పనులు ఆపండి

పనుల వద్దకు చేరుకున్న రైతులు

పాణ్యం గ్రామీణం, న్యూస్‌టుడే : మండలంలోని పిన్నాపురం గ్రామంలో గ్రీన్‌కో సంస్థ చేపట్టిన విద్యుదుత్పత్తి ప్రాజెక్టు నిర్మాణ పనులను రైతులు అడ్డుకున్నారు. గ్రామ పరిధిలోని 212 సర్వే నంబర్‌లో సాగు చేసుకుంటున్న పొలాలకు ఎలాంటి పరిహారం ఇవ్వకుండా పనులు చేపట్టడంపై ఆగ్రహం వ్యక్తం చేశారు. పరిహారం ఇచ్చే వరకు పనులు చేయొద్దని స్పష్టం చేశారు. పెద్దఎత్తున రైతులు, గ్రామస్థులు అక్కడికి చేరుకోవడంతో ఉద్రిక్త పరిస్థితి నెలకొంది. విషయం తెలుసుకున్న పోలీసులు అక్కడికి చేరుకుని రైతులకు నచ్చజెప్పే ప్రయత్నం చేశారు. పరిహారంపై ఇచ్చిన మాట నెరవేర్చకుండా పనులెలా చేపట్టారో చెప్పాలని రైతులు పట్టుబట్టారు. దీంతో గ్రీన్‌కో సంస్థ సిబ్బంది వెనక్కి వెళ్లారు.