Nizamabad: కోరం లేక మండల సమావేశం వాయిదా

పెద్దకొడప్గల్‌: జిల్లాలోని పెద్దకొడప్గల్‌ మండల కేంద్రంలోని మండల పరిషత్ కార్యాలయంలో గురువారం నిర్వహించిన మండల సర్వసభ్య సమావేశం వాయిదా పడింది. కోరానికి సరిపడ సభ్యులు హజరు కాకపోవడంతో వాయిదా పడింది. మండల వైస్ ఎంపీపీ బోద్నం లక్ష్మీ అధ్యక్షతన ఎర్పాటు చేసిన ఈ సమావేశానికి కనీసం నలుగురు సభ్యులు హాజరు కావలసి ఉండగా.. వైస్ ఎంపీపీ తప్ప ఎవరూ హాజరు కాలేదు. దీంతో సమావేశం వాయిదా వేస్తున్నట్లు మండల వైస్ ఎంపీపీ బోధ్నం లక్ష్మీ ప్రకటించారు. కార్యక్రమంలో తహసీల్దార్ దశరథ్, ఇన్‌ఛార్జి ఎంపిడీవో సూర్యకాంత్, ఏస్టీవో సుధర్శన్, వివిధ విభాగాల అధికారులు హాజరయ్యారు.