‘సెల్ఫీ’ సాయంతో హృద్రోగం కనిపెట్టొచ్చా..?
ప్రస్తుతం కాలంలో సెల్ఫీ (ముఖ చిత్రం) గురించి తెలియని వారుండరు. స్మార్ట్ ఫోన్ అందుబాటులోకి వచ్చాక సెల్ఫీలు తీసుకోవడం మరీ ఎక్కువై పోయిందనే చెప్పాలి...
పరిశోధనలు జరుగుతున్నట్లు ఓ అధ్యయనం వెల్లడి
ప్రస్తుతం కాలంలో సెల్ఫీ (స్వీయ చిత్రం) గురించి తెలియని వారుండరు. స్మార్ట్ ఫోన్ అందుబాటులోకి వచ్చాక సెల్ఫీలు తీసుకోవడం మరీ ఎక్కువై పోయిందనే చెప్పాలి. సన్నిహితులు, స్నేహితులను ఎవరినైనా కలిసినప్పుడు, కొత్త ప్రదేశాలకు వెళ్లినప్పుడు సహజంగానే సెల్ఫీలు దిగుతుంటాం. అయితే ఇదే వైద్య రంగంలో నూతన విధానానికి నాంది పలుకుతుందని నిపుణులు అభిప్రాయపడుతున్నారు. కృత్రిమ మేధ (ఆర్టిఫిషియల్ ఇంటెలిజెన్స్-ఏఐ)... ఎన్నో అద్భుత ఆవిష్క్రణలకు వేదికగా నిలుస్తోంది. గుండె సంబంధిత వ్యాధులను అంచనా వేయడానికి సెల్ఫీలతో డేటా రూపొందేలా కృత్రిమ మేధతో అభివృద్ధి చేస్తున్నట్లు ఓ అధ్యయనంలో వెల్లడైంది.
హృద్రోగ చికిత్స నిపుణుడి (కార్డియాలజిస్టు) దగ్గరకు వెళ్తే తప్పనిసరిగా గత వైద్య నివేదికలను తీసుకెళ్తాం.. రాబోయే కాలంలో రికార్డులకు బదులు మీ సెల్ఫీని ఒకటి పంపండని వైద్యులు అడిగితే ఎలా ఉంటుందో ఓ సారి ఊహించుకోండి.. ఇప్పటి వరకు ఇలాంటిది వైద్య రంగానికి వింతగానే ఉండొచ్చుగాని.. భవిష్యత్తులో ఓ వ్యక్తిలోని గుండె జబ్బులను కనిపెట్టేందుకు ‘సెల్ఫీ’ అడిగే విధానమే రాబోతుందని ఓ అధ్యయనం పేర్కొంది. సాధారణ, అధిక ప్రమాదం కలిగిన ప్రజల హృద్రోగాలను గుర్తించి తదుపరి వైద్యపరమైన చర్యలు తీసుకునేందుకు ఈ అల్గారిథం స్క్రీనింగ్ సాధనంగా ఉపయోగపడుతుందని పరిశోధకులు భావిస్తున్నారు.
‘‘ముఖ చిత్రాలను విశ్లేషించి హృద్రోగాలను గుర్తించడానికి కృత్రిమ మేధ ఉపయోగపడుతుందని నిరూపించే మొదటి పని ఇది. క్లినిక్లలో సొంతంగా స్క్రీనింగ్ చేసేందుకు, రోగుల సెల్ఫీల ద్వారా గుండె జబ్బుల ప్రమాదాన్ని అంచనా వేయడానికి ఉపయోగపడే సాధనం అభివృద్ధికి తొలి అడుగు’’ అని ప్రొఫెసర్ జీ జెంగ్ అభిప్రాయపడ్డారు. క్లినిక్కు రాకముందే గుండె జబ్బుల ప్రమాదాన్ని అంచనా వేయడానికి స్వీయ నివేదిక అప్లికేషన్ను అభివృద్ధి చేయడమే లక్ష్యమని పరిశోధనకు నాయకత్వం వహించిన ప్రొఫెసర్ జెంగ్ తెలిపారు. తదుపరి పరిశోధన అవసరమయ్యే రోగులను గుర్తించడానికి ఇది చౌకగా, సరళంగా, ప్రభావవంతంగా ఉండాలని యూరోపియన్ సొసైటీ ఆఫ్ కార్డియాలజీ వెబ్సైట్ అధికారిక పేజీలో జెంగ్ వివరించారు. ముఖ కవళికల ద్వారా హృద్రోగం ప్రమాదం ఎంత మేరకు ఉందో తెలుసుకోవచ్చు. సన్నబడటం, జుట్టు, చెవి, ముడతలు, చర్మం కింద కొవ్వు శాతం వంటి లక్షణాలను సెల్ఫీ ద్వారా గుర్తించి పరిస్థితిని అంచనా వేయవచ్చని చెప్పారు. అయితే ఇలాంటి లక్షణాలను విశ్లేషించి గుండె జబ్బుల ప్రమాదాన్ని అంచనా వేసేందుకు ఉపయోగించడం కష్టతరమేనని వ్యాఖ్యానించారు.
పరిశోధన కోసం జెంగ్ బృందం ఎనిమిది చైనా ఆసుపత్రుల నుంచి 5,796 మంది రోగులను ఎంచుకున్నారు. జులై 2017 నుంచి మార్చి 2019 మధ్య వారిపై అధ్యయనం చేశారు. రోగులందరి రక్తనాళాలను పరిశోధించడానికి కరోనరీ యాంజియోగ్రఫీ, కరోనరీ కంప్యూటెడ్ టోమోగ్రఫీ యాంజియోగ్రఫీ వంటి ఇమేజింగ్ విధానాలను వినియోగించారు. వ్యాధిగ్రస్తుల ఛాయాచిత్రాలను తీయడానికి డిజిటల్ కెమెరాలను ఉపయోగించారు. రేడియాలజిస్టులు యాంజియోగ్రామ్లను విశ్లేషించి రోగుల్లోని గుండె జబ్బుల స్థాయిని అంచనా వేశారు. ఈ సమాచారం సేకరణ అంతా కంప్యూటర్ అల్గారిథంకు శిక్షణ ఇవ్వడానికి, ధ్రువీకరించేందుకు వినియోగించారు. అల్గారిథం సిద్ధమైన తర్వాత గతేడాది ఏప్రిల్-జులై మధ్య మరో 1,013 మంది రోగులపై పరీక్షలు నిర్వహించారు. గుండె జబ్బుల ప్రమాదాన్ని అంచనా వేసే రెండు ప్రస్తుత పద్ధతులు డైమండ్-ఫారెస్టర్ మోడల్, CAD కన్సార్టియం క్లినికల్ స్కోరు విధానాలను అల్గారిథం ప్రదర్శించిందని పరిశోధకులు గుర్తించారు. ‘రోగుల ధ్రువీకరణ సమూహంలో, అల్గారిథం 80% కేసులలో గుండె జబ్బులను సరిగ్గా గుర్తించింది. 61% కేసులలో గుండె జబ్బులు లేవని గుర్తించినట్లు పరిశోధకులు పేర్కొన్నారు.
ఇప్పటి వరకు విజయం సాధించినా అల్గారిథంను ఇంకా అభివృద్ధి పరచాల్సి ఉందని పరిశోధకులు తెలిపారు. అల్గారిథం అభివృద్ధి చేసినా వ్యక్తిగత సమాచారం, ముఖ్యంగా ముఖ కవళికలకు సంబంధించిన డేటా దుర్వినియోగంపై కొన్ని ప్రశ్నలు సమాజం నుంచి వస్తున్నాయి. అధ్యయనంపై నెలకొన్న ఆందోళనలను ఆక్స్ఫర్డ్ వర్సిటీలోని సహ పరిశోధకులు సంపాదకీయంలో లేవనెత్తారు. అటువంటి సాంకేతిక పరిజ్ఞానాన్ని అభివృద్ధి చేయడంలో నైతికపరమైన సమస్యలు ప్రముఖ పాత్ర పోషిస్తాయని జెంగ్ అంగీకరించారు. క్లినికల్ సాధనాలపై భవిష్యత్ పరిశోధనలకు అల్గారిథం ఉపయోగపడుతుందని ఆశాభావం వ్యక్తం చేశారు. గోప్యత, బీమా, ఇతర సామాజిక సమస్యలపై దృష్టి పెట్టాలని చెప్పారు. వైద్య ప్రయోజనాల కోసం మాత్రమే ఈ సాంకేతికతను వినియోగించాల్సి ఉంటుందని ప్రొఫెసర్ జంగ్ స్పష్టం చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గాడిద పాలతో నెలకు రూ.3 లక్షలు.. గుజరాత్ కుర్రాడి సక్సెస్ స్టోరీ!
Donkey Farm: ఉపాధిలేక గాడిదల ఫామ్ ప్రారంభించిన గుజరాత్ కుర్రాడు ధీరేణ్ సోలంకీ నెలకు రూ.2-3 లక్షల వరకు సంపాదిస్తున్నాడట. మరి ఆయన స్టోరీ ఏంటో చూద్దాం..! -
ఎడారి దేశంలో ఎందుకీ వరదలు.. క్లౌడ్ సీడింగ్ కారణమా?
అతి తక్కువ వర్షపాతం నమోదయ్యే ఎడారి దేశమైన యూఏఈలో కుండపోత వర్షాలకు ‘క్లౌడ్ సీడింగ్’ (Cloud seeding) కారణమనే అభిప్రాయాలున్నాయి. -
సింగం vs సింగై.. మధ్యలో గణపతి
త్వరలో జరగనున్న లోక్సభ ఎన్నికల్లో కోయంబత్తూర్ నుంచి భాజపా అభ్యర్థిగా అన్నామలై పోటీలో నిలిచారు. ఆయనకు పోటీగా డీఎంకే నుంచి మాజీ మేయర్ గణపతి రాజ్కుమార్, అన్నాడీఎంకే నుంచి సింగై రామచంద్రన్ బరిలో ఉన్నారు. -
కచ్చతీవు.. కథేంటి? అసలు ఎక్కడుంది ఈ దీవి?
భారత్కు చెందిన కచ్చతీవు దీవిని కాంగ్రెస్ సర్కార్ 1974లో శ్రీలంకకు అప్పగించింది. తమిళనాడు భాజపా నేత అన్నామలై ఆర్టీఐ ద్వారా సమాచారం సేకరించడంతో ఇది మళ్లీ వార్తల్లోకి వచ్చింది. -
ఆజానుబాహుడు.. ఆ బానిస 200 మంది పిల్లలకు తండ్రి..!
బ్రెజిల్కు చెందిన నల్లజాతి బానిస.. దాదాపు 200 మందికి పైగా చిన్నారులకు తండ్రయ్యాడు. -
Rainwater Harvesting: తక్కువ ఖర్చు.. ఇంట్లోనే వర్షపు నీటిని ఎలా ఆదా చేయొచ్చంటే?
అడుగంటిపోతున్న భూగర్భ జలాలకు పునర్జీవం ఇచ్చేందుకు తక్కువ ఖర్చుతో వాన నీటిని ఒడిసి పట్టే ప్రక్రియను ముంబయికి చెందిన వ్యక్తి రూపొందించాడు. -
Happiest Country: ఏడోసారి ‘హ్యాపీ’గా.. ఫిన్లాండ్ అద్భుత విజయానికి కారణాలివే!
ఇటీవల యూఎన్ ఆధారిత సంస్థ ప్రకటించిన ఆనందకర దేశాల జాబితాలో వరుసగా ఏడోసారి ఫిన్లాండ్ అగ్ర స్థానంలో నిలిచింది. ఈ అద్భుత విజయం వెనక కారణాలివే.. -
Underwater Metro: మరో అద్భుతం! నది కింద మెట్రో సర్వీసులు.. విశేషాలివే..
రైల్వే రవాణా చరిత్రలో మరో అద్భుత ఘట్టం ఆవిష్కృతం కానుంది. కోల్కతాలో నది కింద మెట్రో రైలు సర్వీసుల్ని ప్రధాని నరేంద్ర మోదీ బుధవారం ప్రారంభించబోతున్నారు. -
Wolfs: అక్కడ తోడేళ్లు అరవడం లేదట.. ఎందుకంటే?
తోడేళ్లు రాత్రి సమయాల్లో ఊళలు వేస్తుంటాయి. అయితే.. ఇటీవల మహారాష్ట్రలో తోడేళ్ల సముదాయాలు రాత్రిళ్లు ఇలా చేయడం లేదని ఒక సర్వేలో వెల్లడైంది. అసలు కారణం ఇదే.. -
పితృదేవతలకు అమావాస్యకూ ఉన్న సంబంధం ఏంటో తెలుసా?
ప్రతి మాసంలోనూ వచ్చే అమావాస్య, మహాలయ అమావాస్య పితృదేవతలకు ఎంతో ఇష్టమనీ, ఆ రోజు శ్రాద్ధ కర్మాదుల్ని చేస్తే మంచి ఫలితం ఉంటుందనీ పెద్దలంతా అంటుంటారు. అసలు పితృదేవతలకూ, అమావాస్యకూ ఉన్న సంబంధం ఏంటంటే.. -
సరస్వతీ దేవి రూపం ఎందుకంత విశిష్టమైనది?
Vasantha panchami: ఒకసారి సరస్వతి మూర్తిని గమనించండి - ఆమె ఒక చేతిలో వీణ (సంగీత వాయిద్యం), మరొక చేతిలో పుస్తకం ఉంటాయి. పుస్తకం, మన ఎడమ మెదడు చేసే కార్యకలాపాలను సూచిస్తుంది. ప్రాచీన వాయిద్యాల్లో ఒకటైన వీణ, సంగీతాన్ని, కళలను, సృజనాత్మకను.. మన కుడి మెదడు చేసే పనులను సూచిస్తుంది. -
Hindu Temple: అబుదాబిలో అతి పెద్ద ‘హిందూ ఆలయం’ రేపే ప్రారంభం.. ఈ విశేషాలు తెలుసా?
అరబ్ ఎమిరేట్స్ (యూఏఈ)లో అతిపెద్ద హిందూ ఆలయం ప్రారంభోత్సవానికి సిద్ధమైంది. ఫిబ్రవరి 14న ఈ ఆలయాన్ని ప్రారంభించేందుకు ప్రధాని నరేంద్ర మోదీ అక్కడికి చేరుకున్నారు. -
PV Narasimha Rao: అదీ పీవీ అంటే.. ఆర్థికం తెలియకున్నా.. వెనక్కి తగ్గలే!
ప్రధానిగా పీవీ నరసింహారావు చేసిన కృషి నిరుపమానమైంది.. దేశం దాదాపు దివాళా తీసే పరిస్థితులు ఉన్న కాలంలో ఆయన తీసుకున్న సాహసోపేతమైన నిర్ణయాలే ఈరోజు దేశాన్ని ఆర్థికంగా నిలదొక్కుకొనేలా చేశాయి. అలాంటి గొప్ప రాజనీతిజ్ఞుడైన పీవీకి కేంద్ర భారతరత్న పురస్కారం ప్రకటించిన సందర్భంగా ప్రత్యేక కథనం.. -
PV Narasimha Rao: పీఠాధిపతి కాబోయి.. ప్రధాని పీఠం అధిరోహించి..!
మాజీ ప్రధాని పీవీ నరసింహారావుకు కేంద్ర ప్రభుత్వం భారతరత్న పురస్కారం ప్రకటించిన నేపథ్యంలో ఆయన జీవితంలో కొన్ని అరుదైన ఘటనల గురించి తెలుసుకుందాం. -
PV Narasimha Rao: తెలుగువారి కోహినూరు.. పీవీ నరసింహారావు
బహుముఖ ప్రజ్ఞశాలి, మాజీ ప్రధాని, మన తెలుగు బిడ్డ పీవీ నరసింహారావుకు కేంద్రం భారతరత్న పురస్కారం ప్రకటించిన విషయం తెలిసిందే. బహు భాషాకోవిదుడైన ఆయన ముఖ్యమంత్రి, కేంద్రమంత్రి, ప్రధాని హోదాల్లో పనిచేసి దేశాన్ని అభివృద్ధి పథంలో నడిపేందుకు అవిశ్రాంతంగా కృషిచేశారు. తెలుగుజాతి గర్వించే పీవీ.. దేశ అత్యున్నత పౌర పురస్కారానికి ఎంపికైన సందర్భంగా ఈ ప్రత్యేక కథనం.. -
PV Narasimha Rao: భావిగతి మార్చిన సంస్కర్తకి భారతరత్న.. అప్పుల భారతాన్ని అభివృద్ధి వైపు నడిపిన పీవీ
PV Narasimha Rao: భారత ఆర్థిక మూలాల బలోపేతానికి మాజీ ప్రధాని పీవీ నరసింహారావు తీసుకున్న నిర్ణయాలు, కృషి అనిర్వచనీయమైనది. కేంద్ర ప్రభుత్వం ఆయనకు భారతరత్న ప్రకటించిన వేళ ఆ ఆసక్తికర విషయాలు.. -
Cervical cancer: ఏంటీ సర్వైకల్ క్యాన్సర్? ఎలా గుర్తించాలి?
సర్వైకల్ క్యాన్సర్.. ఏంటీ వ్యాధి..? ఎలా గుర్తించాలి? -
Explained: ట్యాబ్లెట్ల ప్యాకింగ్కు అల్యూమినియమే ఎందుకు?
ట్యాబ్లెట్ల ప్యాకింగ్కు అల్యూమినియంనే ఎందుకు వాడతారో తెలుసా? కారణమేంటి? -
Nitish Kumar: మళ్లీ జంప్..! ఎందుకంటే..?
బిహార్ సీఎం, జేడీయూ అధినేత నీతీశ్కుమార్ తిరిగి ఎన్డీయే గూటికి చేరే అవకాశాలున్నాయి. విపక్ష ‘ఇండియా’ కూటమిలో కీలక నేతగా ఉన్న ఆయన భాజపాతో చేతులు కలపడంపై పలు విశ్లేషణలు వెలువడుతున్నాయి. -
Karpoori Thakur: ‘కర్పూరీ’ లెక్కలు.. పాస్ చేస్తాయా?
సోషలిస్టు నేత, బిహార్ మాజీ సీఎం కర్పూరీ ఠాకూర్.. 1970, 80ల్లో ఎంబీసీ నేతగా వేసిన ముద్ర బిహార్ రాజకీయాలను మార్చివేసింది. -
శీతాకాలంలో మాయం.. వసంతంలో ప్రత్యక్షం.. ఎలా?
కీటకాలు, పురుగులు, సూక్ష్మజీవులు, పక్షులు.. నిత్యం ప్రకృతిలో సవాళ్లను ఎదుర్కొంటాయి. తమకంటే పెద్దవైన క్రూర జంతువుల నుంచి ప్రాణాలు కాపాడుకునేందుకు వివిధ రకాల వ్యూహాలను అనుసరిస్తుంటాయి.
తాజా వార్తలు (Latest News)
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
-
కావ్యా మారన్పై మీమ్స్.. విరాట్పై సోడా బాటిల్ జోక్స్
-
ఫోన్ ట్యాపింగ్ కేసులో నిందితుల బెయిల్ పిటిషన్లపై తీర్పు
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
-
భారతీయులైతేనే.. అమెరికాలో సీఈవో ఛాన్స్: రాయబారి ఆసక్తికర వ్యాఖ్య