ఎరువుల కొరత రానీయొద్దు: నిరంజన్‌

హైదరాబాద్‌: రాష్ట్రంలో ఎరువుల కొరత రానీయకుండా చర్యలు తీసుకోవాలని తెలంగాణ వ్యవసాయ శాఖ మంత్రి నిరంజన్‌రెడ్డి అధికారులను ఆదేశించారు. కేంద్రం ఇచ్చే యూరియా, ఎరువులను ఎప్పటికప్పుడు తీసుకోవాలని సూచించారు. బషీర్‌బాగ్‌లోని వ్యవసాయశాఖ కమిషనరేట్‌ నిరంజన్‌ రెడ్డి తనిఖీ చేశారు. కరోనా సోకకుండా జాగ్రత్తలు తీసుకోవాలని అధికారులు, సిబ్బందికి సూచించారు. అనంతరం ఎరువులు, రైతు వేదికల నిర్మాణంపై నిరంజన్‌రెడ్డి సమీక్షించారు. దసరా నాటికి రైతు వేదికలు సిద్ధం చేయాలని కోరారు. 2,588 రైతు వేదికలకు భూ సేకరణ పూర్తయిందని మంత్రికి అధికారులు వివరించారు.