Published : 13 Mar 2020 01:22 IST

జిరాఫీతో ఫొటోషూట్‌.. హమ్మయ్య అనుకున్న జంట

ఇంటర్నెట్‌ డెస్క్‌: ప్రతి ఒక్కరికీ వివాహం అనేది ఒక మధుర ఘట్టం. అందుకే దాన్ని ఎప్పటికీ మరుపురాని తీపి జ్ఞాపకంగా మలుచుకోవాలని కోరుకుంటారు. ఈ నేపథ్యంలో వచ్చిందే వెడ్డింగ్‌ ‘ఫొటోషూట్‌’. తమ ఫొటోషూట్‌ గురించి అందరూ గొప్పగా చెప్పుకోవాలని, అందరికంటే భిన్నంగా ఉండాలని తహతహలాడుతుంటుంది ఆ కొత్తజంట. అందుకోసం వినూత్నంగా ఆలోచిస్తోంది. ఈక్రమంలో ఓ నూతన జంట జూపార్క్‌ను తమ ఫొటోషూట్‌కు వేదికగా ఎంచుకుంది. ఈ సందర్భంగా ఒక జిరాఫీ వారికి ఓ మంచి జ్ఞాపకాన్ని మిగిల్చింది.

భారత్‌కు చెందిన అమిశ్‌, మేఘన ఇటీవల వివాహం చేసుకున్నారు. ఫొటోషూట్‌ కోసమని కాలిఫోర్నియాలోని ఓ జూపార్క్‌కు వెళ్లారు. అక్కడ ఉన్న ఓ జిరాఫీ ఎన్‌క్లోజర్‌ వద్ద ఫొటోల కోసం స్టిల్స్‌ ఇస్తున్నారు. ఈక్రమంలో వెనకాలే నిల్చొని ఉన్న ఆ జిరాఫీ వరుడి తలపై ఉన్న పాగాను నోటితో తీసుకుంది. గమనించిన వధువు దాన్ని పట్టిలాగినా ఆ జిరాఫీ ససేమిరా విడిచిపెట్టలేదు. ఇంతలోనే ఆ పక్కనే ఉన్న మరో వ్యక్తి వచ్చి జిరాఫీ నుంచి తలపాగాను బలంగా లాగేసుకున్నాడు. దీంతో.. ‘తలపాగా దక్కింది.. కొంచెం ఉండుంటే జిరాఫీకి ఆహారమయ్యేది.. హమ్మయ్య’ అనుకున్నారు. చివరకు.. ‘జిరాఫీతో మా ఫొటో షూట్‌ విజయవంతంగా పూర్తయింది’ అని ఆ జంట ఆ వీడియోను యూట్యూబ్‌లో పోస్టు చేసింది. ఈ వీడియో కాస్తా సోషల్‌ మీడియాలో వైరల్‌ అయింది.

 


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని