విమానంలో ఆరుగురికి కరోనా పాజిటివ్‌

చెన్నై: దేశీయంగా విమాన సర్వీసులు ప్రారంభించిన వేళ ప్రయాణికుల్లో కరోనా పాజిటివ్‌ తేలుతుండడం కలకలం రేపుతోంది. తాజాగా చెన్నై నుంచి సేలంకు ట్రూజెట్ విమానంలో ప్రయాణించిన ఆరుగురికి కరోనా పాజిటివ్ తేలింది. మొత్తం 56 మంది ఆ విమానంలో ప్రయాణించారు. అయితే, విమానం ఎక్కే ముందు వీరికి చేసిన పరీక్షల్లో కరోనా లక్షణాలు కనిపించలేదని అధికారులు చెబుతున్నారు. దీంతో వారితో పాటు ప్రయాణించిన వారందరినీ క్వారంటైన్లో ఉంచినట్టుగా అధికారులు తెలిపారు. ఆ ఆరుగురిలో ఒకరు చెన్నైలోని స్టాన్లీ వైద్యకళాశాలలో పనిచేస్తున్న ఒక అధ్యాపక వైద్యుడు ఉండడం గమనార్హం.