Breaking | Feedback | ePratibha | E-PAPER | Pratibha

పచ్చగడ్డి మరకలున్నా ఫ్యాషనే మరి!

వేసుకునే దుస్తులకు చిన్న మరక అంటితేనే అది పోయే వరకు ఉతుకుతాం. మరక పోలేదంటే ఆ దుస్తులను మూలకు పడేస్తాం. అలాంటిది ప్రముఖ వస్త్ర సంస్థ గుచ్చి(gucci స్పెల్లింగ్‌ చెక్‌ చేయగలరు) మరకలు అంటినట్టుగా ఉండే జీన్స్‌లను విక్రయిస్తుంటే

Published : 21 Sep 2020 21:12 IST

(ఫొటో: గుచ్చి వెబ్‌సైట్‌)

ఇంటర్నెట్‌ డెస్క్: వేసుకునే దుస్తులకు చిన్న మరక అంటితేనే అది పోయే వరకు ఉతుకుతాం. మరక పోలేదంటే ఆ దుస్తులను మూలకు పడేస్తాం. అలాంటిది ప్రముఖ వస్త్ర సంస్థ గుచ్చి(gucci) మరకలు అంటినట్టుగా ఉండే జీన్స్‌లను విక్రయిస్తుంటే ఫ్యాషన్‌ ప్రియులు ఎగబడి కొనేస్తున్నారు.

కాలంతో పాటు వేసుకునే దుస్తుల ఫ్యాషన్‌ మారిపోతూ ఉంది. నిత్యం రకరకాల డిజైన్స్‌ వస్తున్నాయి. ఈ క్రమంలోనే గుచ్చి సంస్థ రాబోయే శీతాకాలం స్పెషల్‌ అంటూ పచ్చగడ్డి మరకల జీన్సులను తీసుకొచ్చింది. ఆర్గానిక్‌ ఫ్యాబ్రిక్‌తో రూపొందించిన ఈ జీన్స్‌ల మోకాళ్ల వద్ద పచ్చగడ్డి రాసుకుపోతే అంటుకునే మరకల్లాంటివి డిజైన్ చేశారు. వాటిని చూస్తే నిజమైన మరకల్లానే కనిపిస్తాయి. ట్రెండీ ఫ్యాషన్‌ దుస్తుల అమ్మే బ్రాండెడ్‌ సంస్థ కాబట్టి అందులో అమ్మే ఏ దుస్తులకైనా ఖరీదు ఎక్కువే ఉంటుంది. అయితే ఈ మరకలంటినట్లుగా ఉండే జీన్స్‌ ధర 770 డాలర్లు(దాదాపు రూ.57వేలు) ఉండటం అందరిని విస్మయపరుస్తుంది. వెర్రి ఫ్యాషన్‌ అంటే ఇదే కాబోలు..

► Read latest General News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.