నాలుగో విడత ‘సీయూఈటీ-యూజీ’ పరీక్ష వాయిదా

దిల్లీ: దేశంలో నాలుగో విడతగా 11 వేల మంది విద్యార్థులు రాసే కేంద్రీయ విశ్వవిద్యాలయాల ప్రవేశ పరీక్ష (సీయూఈటీ-యూజీ)ని ఆగస్టు 30వ తేదీకి వాయిదా వేసినట్లు అధికారులు శనివారం తెలిపారు. వారి ఐచ్ఛికాలకు అనుగుణంగా పరీక్ష కేంద్రాలను (నగరాలను) ఎంపిక చేసుకునేందుకు గాను ఈ నిర్ణయం తీసుకున్నట్లు వెల్లడించారు. అండర్‌ గ్రాడ్యుయేట్‌ కోర్సుల్లో ప్రవేశానికి సంబంధించి ఈ పరీక్షలను జాతీయ టెస్టింగ్‌ ఏజెన్సీ (ఎన్‌టీఏ) నిర్వహిస్తోంది. ఈమేరకు పరీక్షా కేంద్రాలను పెంచినట్లు యూజీసీ ఛైర్మన్‌ జగదీశ్‌ కుమార్‌ తెలిపారు. రెండో దశలో నిర్వహించిన పరీక్షలో పలు సమస్యలు ఎదురు కావడంతో అనేక కేంద్రాల్లో ఎన్‌టీఏ పరీక్షను రద్దు చేసింది. అలాంటివారంతా ఆగస్టు 30న పరీక్షలకు హాజరు కావచ్చని తెలిపారు.